Génesis 11:4 - Qullan Arunaca Ucatsti sapjjaraquïnwa: “Jutapjjam, jichhajj mä jach'a marca sayt'ayañäni, uqhamarac torrepas alajjpachar puriñcama lurasipjjañäni. Uqhamatwa takeninsa uñt'atäñäni, ucatsti janiraquiw take aca orakpacharu aywitatcañäniti” sasa. Aymar Bibliia 1986 Ucatsti sapjjaraquïnwa: “Jutapjjam, jichhajj mä jach'a marca sayt'ayañäni, uqhamarac torrepas alajjpachar puriñcama lurasipjjañäni. Uqhamatwa takeninsa uñt'atäñäni, ucatsti janiraquiw take aca orakpacharu aywitatcañäniti” sasa. Qullan Arunaka DC Ukatsti sapxarakïnwa: “Jutapxam, jichhax mä jach'a marka sayt'ayañäni, torrepas alaxpachar puriñapkama lurapxañäni. Ukhamat taqininsa jach'at uñt'atäñäni, ukatsti janirakiw taqi aka uraqpacharux aywitatkañäniti” sasa. |
Cunapachatejj Diosan wawanacapajj jakenacan phuchanacapampi wawanïñataqui mayachasjjapjjän ucqhajj wali jach'a jakenacaw orakenjja uñstäna, uca khepatsa uqhamaraqui, jupanacasti wali ch'amani jakenacänwa nuwasiñataquejja, wali aytata jakenacänwa uca nayra tiemponjja.
Davidasti wali takeninsa uñt'ataw tucjjäna, cunapachatejj edomitanacar atipjanisin cutt'anjjän ucapachasti t'unjaraquïnwa tunca quimsakallkon waranka edomita jakenacaru, Valle de la Sal satäqui uca chekana.
lakaru amstaru, mankhäjjar jaknakataw uñjasipjjäna, liwnakcäwejj aynacht'atäjjapjjänwa,
Tatay, timasirinacamajj tucusipjjaniwa, ñankha luririnacasti ananucutäpjjaniwa.
Babiloniajj alajjpachcamas maqhatascpan, jach'a ch'amapa jach'aru aptañataqui, ucarus jupanacataquejj uñisirinacapjja qhitascaquïwa ucan jupanacaru t'unjañapataqui. Naya Tatituw ucjja arsta.”
Kokasti jilsusinjja wali thurupuniw tucuwayjje, uca kokan alipasti alajjpachcamaw purïna, wali jayatpachwa uñtasïna, orak tucusitsa uñstascaquïnwa.
uca kokajj, juma, jach'a reyïtawa, jiltasinsti wali munañanipuniw tuctajja. Jach'a reyin munañapasti alajjpachcamawa purt'araqui, munañanïñapasa take aca orakpacharuw puriraqui.
Uca laycu, jichhajj, jach'a rey, aca ewjja aru ist'ita: Juma, jach'a reyejj, take cunsa chekaparupuni uñjam, janiraqui juc'ampi juchsa lurcjjamti, ñankha luräwinacamsti apanucum, pobrenacaru yanapt'araquim. Inampisa uqhamata, jach'a reyejj, sumancañampina, kamir cancañampina jacascasma sasa.
ucapachaw jupajj säna: “Uñjapjjam, cunja jach'as Babilonia marcajja. Nayaw jach'a munañajjampi reinojjan jach'a marcapäñapataqui uqham lurayta, uqhamat nayan jach'a cancañajjat yatipjjañapataqui” sasa.
Jach'a muspharcañ luräwinac luri, uqhamaraquiw jach'a jach'a tucurinacarus atipjaraqui.
Jumanacatejj jakenacan jach'añchäwinacapac maynit maynita catokapjjta ucatsti janiraqui mä sap Diosata jach'añchäwinacapa thakapcstati, ucarojja ¿cunjäms jumanacajj iyawsapjjasmajja?
Jichhasti ¿cawqharurac sarañäni? Jiwasan jilanacasasti sapjjewa wali ch'amani jach'a tansa jakenac utjatapa, uqhamaraqui jach'a perkanacani marcanaca utjatapa, Anac jaken yokanacapas ucancatapa. Take ucanacaw jiwasarojj wal ajjsarayapjjestu’ sasa.
Tatitusti take jumanacaruraquiw yakha marcanacar ananucupjjätam, ucatsti mä juc'aniquiraquiw jumanacatjja uca marcanacan jilt'apjjaraquïta.
“Ist'apjjam israelit jakenaca: Jumanacan Jordán jawira qhurcataru maqhataña horasajj purinjjewa, ucat jumanacat juc'ampi jach'a ch'amani marcanac catuntapjjañamajja, uqhamaraqui jach'a alto perkanacan muyuntat marcanacsa;