Daniel (hebreo) 4:27 - Qullan Arunaca

²⁷ Uca laycu, jichhajj, jach'a rey, aca ewjja aru ist'ita: Juma, jach'a reyejj, take cunsa chekaparupuni uñjam, janiraqui juc'ampi juchsa lurcjjamti, ñankha luräwinacamsti apanucum, pobrenacaru yanapt'araquim. Inampisa uqhamata, jach'a reyejj, sumancañampina, kamir cancañampina jacascasma sasa.

Aymar Bibliia 1986

²⁷ Uca laycu, jichhajj, jach'a rey, aca ewjja aru ist'ita: Juma, jach'a reyejj, take cunsa chekaparupuni uñjam, janiraqui juc'ampi juchsa lurcjjamti, ñankha luräwinacamsti apanucum, pobrenacaru yanapt'araquim. Inampisa uqhamata, jach'a reyejj, sumancañampina, kamir cancañampina jacascasma sasa.

Qullan Arunaka DC

²⁷ 27 (24) Ukhamïpansti, reyixay, kuntix iwxkäma ukarux jaysitaya: taqi kuns chiqaparupun uñjam, janirak juk'amp juchachaskxamti, ñanqha luräwinakam apanukum, jan kunaninakar yanapt'arakim. Inas ukhamat juma reyix sumankañampina, qamir kankañampin jakaskakchisma’ ” sasa.

Daniel (hebreo) 4:27 Jak'a apnaqawi uñst'ayäwi

Génesis 11:4

Ucatsti sapjjaraquïnwa: “Jutapjjam, jichhajj mä jach'a marca sayt'ayañäni, uqhamarac torrepas alajjpachar puriñcama lurasipjjañäni. Uqhamatwa takeninsa uñt'atäñäni, ucatsti janiraquiw take aca orakpacharu aywitatcañäniti” sasa.

1 Reyes 21:29

“¿Uñjtati cunjämsa Acab reyejj nayan nayrakatajjan jisc'ar tucujja? Ucampis nayan nayrakatajjan jisc'ar tucutapatjja, janiw familiapjjarojj jan walt'añjja apayancäti jupan jacañapcama, jan ucasti wawapan jacañapanwa ucjja apayanëjja” sasa.

Salmos 119:46

Reyinacan nayrakatapan arunacamat parlä, janipuniw arsuñ p'enkascäti.

Proverbios 11:2

Jach'a jach'a tucuñajja jan walt'añanacwa apani; yatiñ cancañasti llamp'u chuymaninacamp chicawa.

Proverbios 16:6

Jucha luratarojja munasiñampi, cheka cancañampiwa pampachi; Tatitur ajjsaratap laycuwa maynejja jan walita jithekti.

Proverbios 28:13

Qhititejj juchap imantascani ucajja, janiw nayrar sarcaniti, ucampis qhititejj juchap arsusisina jaytanucjjani, ucasti perdonatäjjaniwa.

Isaías 10:13

Asirianquir reyisti saraquiwa: “Nayaw take ucanacjja ch'amajjampi lurjta, nayajj wali ch'iqhïtwa sumrac amtaractjja, nayaw marcanacan korpanacapsa mayjt'aytjja, kamir cancañanacapsa catuntasiractjja, ucatsti wali ch'amani chachjamaw reyinacarojj tincjaytjja.

Isaías 47:10

Jumajj ñankha lurañamanjja wali sumjamwa amuyasiyätajja, saraquiyätawa: ‘Janiw qhitis uñjquituti’ sasa. Yatiñ cancañamasa, ch'iqhi cancañamasa jumarojj c'arintapjjtamwa. Chuymamansti saraquiyätawa: ‘Nayaquïtwa, nayat sipan yakhajj janiw utjquiti’ sasa.

Isaías 47:8

Uca laycu, jichhajj aca arunac ist'am, suma c'achachatäñ munir warmi, tronomanjja c'uchiquiw konustajja, chuyma mankhamansti saractawa: ‘Nayaquïtwa, nayat sipan yakhajj janiw utjquiti. Janiw nayajj ijma uñjascäti, janiraquiw jan wawanis uñjascäti’ sasa.

Jeremías 29:7

Cawquïri marcarutejj nayajj apayapcsma uca marcan asquipataqui irnakapjjaraquim, uca marcataquisti nayat mayipjjaraquita, uca marcan sumancañapatwa jutaraquini jumanacataquejj sumancañajja.

Jeremías 38:20

Jeremiasasti ucjjarojj saraquïnwa: —Juma jach'a reyejj janiw jupanacan amparaparu jalt'cätati. Jach'a rey, jumajj jaysam Tatitun arunacaparu cuntejj nayajj jumaru yatiycsma uca arunacaru, ucapachasti take cunas waliquïscaquiniwa, janiw jiwayatäcaraquïtasa.

Ezequiel 18:7

Janiw qhitirus t'akhesiyquiti, jan ucasti manuparusa cuntejj mayt'ascatayna ucatjja phokjjaraquiwa; janiw qhititsa lunthatcaraquiti, mank'añapatsti qhititejj jan mank'añanïqui ucarus churaraquiwa, jan isinirus ist'ayaraquiwa.

Ezequiel 29:3

Jupanacarusti saraquim: “Aqham siw Tatitojja: ¡Nayasti juman uñisirimaw tucuracta! Faraón, Egiptonquir rey, mä jach'a lak'or uñtataw jawiramana wincusctajja, ucatsti saractawa: Nilo jawirajj nayanquiwa, nayaw lurasta, sasa.

Ezequiel 29:9

Mä wasarar tucutaw uñjasiraquïta, ucapachaw jakenacajj yatipjjani nayan Tatitu Diosätajja. Jumasti saractawa: ‘Nilo jawirajj nayanquiwa, nayaw uscusta,’ sasa.

Joel 2:14

Inas amtasjjaracchini jumanacar jan mutuyaña, ucatsipana bendicionanac apayanipjjchïtam, trigo uqhamarac vino Tatit Diosar ofrendanaca churañataqui.

Amós 6:13

Jumanacajj jan cunatacwa cusisipjjtajja, sapjjaractawa: “Ch'amanïñjja quipca ch'amasampiw alastanjja” sasa.

Jonás 3:9

Inach Diosajj perdonistani, jach'a colerapsa apartayasjjaraquispa, uqhamat jani jiwarañasataqui” sasa.

Habacuc 1:11

Mä jach'a tutuca thayjamaw pasawayapjjejja, janiw qhitirus juc'ampi uñt'apquiti jupanacan ch'amanacapaquiw diosapajja.”

Sofonías 2:15

Uqhamawa cawquïri marcatï wali jach'a jach'a tucusa jaccäna ucajja, uqhamaraqui jakenacapasa sapjjäna: ‘Janiw aca marcjamajj utjquiti aca orakenjja’ sasa. ¡Cunjäma uca marcajj t'unjatasa, jan cunani, monte animalanacan putuparu tucuyataraqui! Qhitinacatejj uca cheka pasapcani ucanacasti qhuyusipjjaniwa, jisc'achapjjaraquiniwa.”

Mateo 3:8

Jichhasti jumanacajj sumay sarnakapjjam, arrepientisipjjatamatsti asqui luräwinac uñacht'ayapjjaraquim.

Lucas 11:41

Jumanacajj chuymanacamatay limosnanacamjj churapjjamjja, uqhamanwa takpachajj k'omäjjanejja.

Hechos 24:25

Cunapachatï Pablojj parläna cheka sarnakañjjata, jiwaspach amuyasis sarnakañjjata, uqhamarac taripañ uru utjcani ucjjata, parlir ist'asinsti, Félix marca apnakerejj wal sustjasïna, saraquïnwa: —Sarjjam jichhajja, cunapachatï tiempojj utjitani, ucqhaw ist'añatac jawsayaraquïma —sasa.

Hechos 26:20

Ucatsti, Damasconquirinacaruw nayrakat Tatitun arunacap yatiyta. Ucjjarusti yatiyaractwa Jerusalén marcanquirinacaru, Judea tokenquirinacaru, uqhamarac jan judiöpquis ucanacarusa. Nayajj jupanacarojj sistwa: ‘Jan wali luräwinacamat arrepientisisin Diosar cutiquipstapjjam. Ucatsti asqui luräwinacarac lurapjjam, arrepientisipjjatam uñacht'ayasa’ sasa.

Hechos 8:22

Uca ñankha amtäwimjja apanucum. Ucatsti Diosar mayisiraquim, inach jupajj perdonätam uca chuymaman jan wali lup'itamatjja.

2 Corintios 5:11

Ucatpï, nanacajj Tatitur ajjsartirinacjamajja, jakenacarojj amuyt'ayañ munapjjtjja. Ucampis Diosajj yatjjewa cunäpctï nanacajj ucjja, uqhamaraqui jumanacas yatipjjaraquismaw cunäpctejj nanacajj ucjja.

Gálatas 5:13

Jumanacajj jilatanaca, khespiyat sarnakasiñaru jawsatäpjjtawa, ucampis jan uca libre sarnakasiñ tumpanejj janchin munañaparjam sarnakapjjamti, jan ucasti maynit maynicama yanapt'asipjjañamawa munasipjjatanacam laycu.

Gálatas 5:22

Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña,

Gálatas 5:6

Jiwasanacatejj Cristo Jesusampi mayaquïstanjja, janiw cunataquis asquïquiti circuncisión lurayasiñasa jan lurayasiñasa. Ucampis iyawsañanïñäni ucaw juc'amp asquejja, aca iyawsañasti munasiñanwa jacayaraquistani.

Efesios 4:28

Qhititejj lunthatasirïcän ucajja jan juc'amp lunthatascjjpanti, jan ucasti irnakañaru uscuspan, sum irnakasinwa pobrenacar yanapt'añataquis utjaraquini.

Deuteronomio 24:13

jan ucasti janïr intis jalantquipanwa churjjapjjañama, uqhamata mantapampejj iquintasin janjjatasiñapataqui; uqhamatwa jupajj bendicipjjätam jumanacan uca cheka luräwinac Tatitu Diosam nayrakatan luratanacamata.

Deuteronomio 32:27

Ucampis janiw enemigon phiscasitanacap inaqui uñjañ puedcäyätti, janiraquiw uñisirinacajjan jach'a jach'a tucuñapsa muncäyätti, ni aqham sañanacapsa: Janiw Diosati acanac lurqui; jan ucasti jiwasaw ch'amasampi lurtan’ sasa.

Deuteronomio 8:17

“Janiraqui ucatjja chuymanacaman amuyapjjaraquimti: ‘Aca take yänacjja jiwasan ch'amanacasampiw jicjjatasisctan’ sasa.

1 Pedro 4:8

Ucat sipansa jumanacanjja munasiñajj utjapunpan, munasiñasti walja juchanacwa perdonaraqui.