Génesis 1:26 - Qullan Arunaca

Ucatsti saraquïnwa: “Jichhajj jake luraraquiñäni. Uca jakesti jiwäsar uñtasitäniwa, ucatsti kotan utjir chawllanacarusa, jamach'inacarusa, uywañ animalanacarusa, pampanquir animalanacarusa, orakenjam katatnaktir animalanacarusa apnakaraquiniwa” sasa.

Aymar Bibliia 1986

Ucatsti saraquïnwa: “Jichhajj jake luraraquiñäni. Uca jakesti jiwäsar uñtasitäniwa, ucatsti kotan utjir chawllanacarusa, jamach'inacarusa, uywañ animalanacarusa, pampanquir animalanacarusa, orakenjam katatnaktir animalanacarusa apnakaraquiniwa” sasa.

Qullan Arunaka DC

Ukatsti Diosax sarakïnwa: “Jichhax jaqi lurarakiñäni, uka jaqisti jiwasar uñtasitäniwa, jupaw qutan utjir chawllanakaru, jamach'inakaru, uywañ animalanakaru, pampankir animalanakaru, uraqinjam qatatnaqtir animalanakarus apnaqani” sasa.

Génesis 1:26 Jak'a apnaqawi uñst'ayäwi

Génesis 11:7

Parlanacap mayjt'ayir jichhajj sarakañäni, uqhamat jan jupanaccama cuna parlatanacapsa amuyasipjjañapataqui” sasa.

Génesis 2:19

Tatitu Diosasti lak'atwa take pampanquir animalanac luräna, uqhamarac jamach'inacsa; ucatsti jaken ucaruw apäna sutichañapataqui. Jakesti sutinac uscüna take uywañ animalanacarojja, take jamach'inacaru, uqhamaraqui pampan utjir animalanacarusa, ucatsti uca sutimpipuniw kheparjjapjjäna. Ucampisa uca animalanacatjja janiraquiw cawquïrisa jakeru yanapt'irjamajj utjcänti.

Génesis 3:22

Saraquïnwa: “Jichhajj jakejj jiwasat maynïcaspas uqhamaw tucjje, cunatejj asquïqui, uqhamarac cunatejj ñankhäqui ucsa yatjjaraquiwa. Jichhasti capasaquiw jacañ kokan achupatsa mank'antaspa, uqhamat wiñay jacañataqui” sasa.

Génesis 5:1

Acaw Adanan wawanacapan listapajja: Cunapachatejj Diosajj jakeru usccäna ucapachajj jupar uñtasitwa uscüna.

Génesis 9:6

“Maynitejj mä jakeru jiwayanejja, juparojj yakha jakew jiwayaraquini, jakesti Diosar uñtasita luratätap laycu.

Job 35:10

Ucampisa janiw jupanacar irnokeri Diosarojj thaktapquiti. Qhititejj t'akhesiña horasan ch'ama churqui uca Diosarojja;

Job 39:11

¿Jumasti uca orko vacarojj alcatasismati, ch'amanïtap laycu ucatsti juman lurañanacapa juparu lurayaraquismati?

Job 5:23

Kalanacas janiraquiw yapumanjja jan walt'aycätamti, khoru animalanacasa jumampejj sumancaraquiniwa.

Salmos 100:3

Amtasipjjam, Tatitojj Diosawa: jupaw irnokestu, jiwasanacasti jupancapjjtanwa, jupan marcapäpjjtanwa, ovej tamapäpjjaractanwa.

Salmos 149:2

Israel marcajj utjayiripat cusispan, Sión marcan wawanacapajj Reyipat cusisipjjpan.

Eclesiastés 7:29

Acacwa nayajj jicjjatta: Diosajj jakerojj asqui luräna, ucampis jakew jacañapanjja jan walt'añanaca thakasiwayi.

Cantar de los cantares 1:11

¡Kori aretenaca lurarapipjjäma kollkenacampi c'achachata!

Isaías 45:18

Alajjpach lurirejja, qhititejj Diosäqui, Tatitücaraqui ucawa, qhititejj aca orake lurqui sayt'aycaraqui, qhititejj uchqui jan ch'usäñapataqui, jan ucasti jakenïñapataqui lurqui ucajj, siwa: “Nayätwa, Tatitojja, janiraquiw yakhajj utjquiti.

Isaías 6:8

Ucatsti Tatitun arup ist'aracta aqham siri: —¿Qhitirus qhitäjja? ¿Qhitis nayat arsur sarani? —sasa. Nayasti saractwa: —Acancasctwa nayajj, nayar qhitasita —sasa.

Isaías 64:8

Ucampis Tata, jumaw nanacan awquejjätajja; nanacajj ñek'equïpjjtwa, jumasti sañu lurirïtawa; ¡take nanacasti juman uscutäpjjaractwa!

Jeremías 27:6

Jichhajj waliquiwa, nayasti take aca orakenacjja Nabucodonosor sirvirejjan amparaparuw catuyta, jupasti Babilonia marcan reyipawa, montenquir animalanacsa juparuraquiw catuyta.

Juan 14:23

Jesusasti saraquïnwa: —Qhititejj munasquitu ucajja, cuntejj nayajj siscta ucwa luri; Awquejjasti munasiniwa, Awquejjampi nayampejj jupamp jakeriw jutapjjä.

Juan 5:17

Jesusasti jupanacarojj sänwa: —Awquejjajj jichhacamaw irnake, nayas uca pachparaquiw irnaktjja —sasa.

Hechos 17:20

Nanacarojj jan uñt'at yatichäwi jumajj parlapjjestajja. Ucat nanacajj yatiñ munapjjta cuntï sañ munqui take ucanacata —sasa.

Hechos 17:26

“Jupasti mä sapa jaketacracwa take cast jakenacsa mirtayi take acapachan utjañapataqui. Jupan munañaparaquiw jakenacan kawkha maranaca acapachan utjañapasa, uqhamarac cawqhacam jacañapasa.

1 Corintios 11:7

Chachajj janiw p'ekjja ch'okasiñapäquiti, jupajj Diosar uñtasitätap laycu, Diosan jach'a cancañaparacwa uñstayejja. Warmisti chachan jach'a cancañapwa uñstayaraqui.

2 Corintios 3:18

Ucatpï jiwasanacajja, ajanunacasajj jan uca velompi imantatäjjatap laycojj mä espejor uñtatjamaw Tatitun jach'a cancañapatjja c'ajtanjja. Uqhamaraquiw jiwasajj juc'ampi juc'ampi Cristjama tucusctan juc'ampi khanapajj jiwasancatap laycu. Ucwa Ajayüquis uca Tatitojj jiwasanacataquejj luri.

2 Corintios 4:4

Cunjämatï jupanacajj jan iyawsapquejja, ucatwa acapach diosajj jupanacan amuyt'anacapjja ch'amact'ayi jan Criston khanquir arunacapa uñjapjjañapataqui, Diosajj cunäquitejj uc uñacht'ayasa.

Efesios 4:24

ucatsti Diosan munañaparjama luratäqui uca machak jacäwimpi isthapisipjjam, suma k'oma cheka cancañan jacapjjaraquim.

Colosenses 1:15

Jan uñjcay Diosajj uñjcañaw juti Yokap toke, uca Yokapasti take cunatejj utjqui ucatjja nayrïriwa.

Colosenses 3:10

Jichhasti machakat isthapitäpjjtawa, uca machakar tucuñasti sapürunjamaraquiw juc'amp machakar tucus sarasqui Diosan munañaparjama, uca Diosaraquiw uca machakar tucuñjja luri, jupar sum uñt'añascama.

Santiago 3:7

Jakejj take casta jan wali animalanacwa apnakaspa, jamach'inaca, catarinaca, kota lak'onaca, take ucanacwa apnake,

Santiago 3:9

Uca pachpa lajjrampiw Dios awquisarojj yupaychtan, uca pachpa lajjrampiraquiw Diosar uñtasita uscut jake masisarojj ñankhacharactan.

1 Juan 5:7

Quimsa testigow ucjjatjja alajjpachanjja utji, ucanacasti acanacawa: [Dios Awqui, Jacañ Aru, Kollan Ajayu; aca quimsanisti mayaquiwa.