Génesis 1:26 - Qullan Arunaka DC

²⁶ Ukatsti Diosax sarakïnwa: “Jichhax jaqi lurarakiñäni, uka jaqisti jiwasar uñtasitäniwa, jupaw qutan utjir chawllanakaru, jamach'inakaru, uywañ animalanakaru, pampankir animalanakaru, uraqinjam qatatnaqtir animalanakarus apnaqani” sasa.

Aymar Bibliia 1986

²⁶ Ucatsti saraquïnwa: “Jichhajj jake luraraquiñäni. Uca jakesti jiwäsar uñtasitäniwa, ucatsti kotan utjir chawllanacarusa, jamach'inacarusa, uywañ animalanacarusa, pampanquir animalanacarusa, orakenjam katatnaktir animalanacarusa apnakaraquiniwa” sasa.

Qullan Arunaca

²⁶ Ucatsti saraquïnwa: “Jichhajj jake luraraquiñäni. Uca jakesti jiwäsar uñtasitäniwa, ucatsti kotan utjir chawllanacarusa, jamach'inacarusa, uywañ animalanacarusa, pampanquir animalanacarusa, orakenjam katatnaktir animalanacarusa apnakaraquiniwa” sasa.

Génesis 1:26 Jak'a apnaqawi uñst'ayäwi

Génesis 11:7

Ukhamasti parlanakap mayjt'ayir saraqañäni, ukhamat jupanakkama jan kuna parlatanakapsa amuyasipxañapataki” sasa.

Génesis 2:19

Diosasti, taqi pampankir animalanaka, jamach'inaksa laq'at luräna; ukatsti jaqin ukaruw sutichañapatak apäna. Jaqisti sutinakap usküna taqi uywanakaru, taqi jamach'inakaru, pampan utjir uywanakarusa, uka sutimpi uñt'atarakiwa. Ukampisa uka uywanakatxa janiw kawkïrisa jaqir yanapt'irjamax utjkänti.

Génesis 3:22

sarakïnwa: “Jichhax jaqix jiwasat maynïkaspas ukhamaw tukxi, kunatix askïki, ñanqhäkaraki uksa yatxiwa. Jichhasti jakañ quqan achupatsa manq'antapxakispawa, ukhamat wiñay jakañataki” sasa.

Génesis 5:1

Diosax jupar uñtasit jaqirux luräna.

Génesis 9:6

“Maynitix mä jaqir jiwayanixa, juparux yaqha jaqiw jiwayarakini, jaqin Diosar uñtasit irnuqt'atätap layku.

Job 35:10

ukampis janiw jupanakar irnuqir Diosarux thaqtapkiti, t'aqhisiñan ch'ama churir Diosaru;

Job 39:11

¿Jumasti uka urqu vacan ch'amanïtap layku alkatasismati, juman lurañanakam jupar lurayarakismati?

Job 5:23

Qalanakax janiw yapuman jan walt'aykätamti, qhuru animalanakasti jumampix sumankaniwa.

Salmos 100:3

Tatitun Diosätap uñt'apxam; jupaw irnuqistu, jiwasanakax jupankapxtanwa; jupan markapäpxtanwa, ovej tamapäpxaraktanwa.

Salmos 149:2

Israel markax utjayiripat kusispan, Sión markan wawanakapax Reyipat kusisipxpan.

Eclesiastés 7:29

Nayax akhamak jikxatta: Diosax jaqirux chiqap luräna, ukampis pachpa jaqiw jakañap jan walt'añar puriyi.

Cantar de los cantares 1:11

¡Qullqimp k'achacht'at quri aretenak lurarapipxäma!

Isaías 45:18

Alaxpach luriri, khititix Diosäki, Tatitükaraki, khititix aka uraqi lurasax sayt'ayki, khititix aka uraqin jan ch'usäñapatak jaqinaksa lurkaraki ukaxa, siwa: “Nayätwa Tatituxa, janiw yaqhax utjkiti.

Isaías 6:8

Ukatsti Tatitun arup ist'ta akham siri: “¿Khitirus khithäxa? ¿Khitis nayat parlir sarani?” sasa. Nayasti saraktwa: “Nayar khithita, nayaw jumxat parlanï” sasa.

Isaías 64:8

8 (7) Ukampis Tatay, jumaw nanakan awkixätaxa; nanakax ñiq'ikïpxtwa, jumasti sañu lurirïtawa; ¡taqi nanakasti juman uchatäpxaraktwa!

Jeremías 27:6

Jichhax walikiwa, nayasti taqi aka uraqinakxa, Nabucodonosor luqtirixan amparaparuw katuyta, jupasti Babilonia markan reyipawa, ch'uminkir animalanaksa juparurakiw katuyta.

Juan 14:23

Jesusasti sarakïnwa: —Khititix munaskitu ukax, arsutaxaruw phuqhi; Awkixasti juparux munasiniwa, Awkixampi nayampix jupamp jakiriw jutapxä.

Juan 5:17

Ukampis Jesusax jupanakar sänwa: —Awkixax jichhakamaw irnaqaski, nayasti ukat irnaqarakta —sasa.

Hechos 17:20

Nanakarux jan uñt'at mayja yatichäwinak yatiyapxistaxa, kuntix sañ munki taqi ukanakat yatiñ munapxta —sasa.

Hechos 17:26

“Jupaw mä sapa jaqit akapachan utjir taqpach jaqinak mirtayi, sapa markarurakiw uñachayi qawqha pacha, kawkha chiqan jakañapäki uksa.

1 Corintios 11:7

Chachax janiw p'iqip ch'uqt'asiñapäkiti, jupaw Diosan uñtasitapaxa, ukatsti Diosan jach'a kankañap uñacht'ayi. Warmisti chachan jach'a kankañap uñacht'ayaraki,

2 Corintios 3:18

Ukatpï taqi jiwasanakax, ajanunakasan uka velompi jan imantatäxatap laykux, mä lirphur uñtatjamaw Tatitun qhapaq kankañapat k'ajtanxa, ukatsti jupar uñtataw tukupxaraktan, jupan qhanapax jiwasankatap layku, uksti Ajayükis uka Tatituw jiwasanakatak luri.

2 Corintios 4:4

Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.

Efesios 4:24

machaq jaqi kankañampi isthapisisa, Diosan uñtasitaparjam irnuqt'ata, ukatsti chiqa, q'uma jakäwimpi uñacht'ayasa, chiqa kankañxar utt'ayatätap layku.

Colosenses 1:15

Cristox Diosan Yuqapawa, jupasti taqi kunatix utjki ukat nayrïriwa; jan uñjkay Diosan ajanupawa.

Colosenses 3:10

jichhasti machaqar tukutäxapxtawa, uka machaqar tukuñasti, sapürunjamaw irnuqt'ir Diosan munañapat machaqar juk'amp tukuski, ukhamat jupar sum uñt'añaskama.

Santiago 3:7

Jaqix kunayman axsarkañ animalanak apnaqaspa, jamach'inaka, katarinaka, qutankir laq'unaka, taqiruw axaptayaspa,

Santiago 3:9

Uka laxrampix Dios awkisaruw yupaychtan, uka pachpa laxrampiw Diosar uñtasit lurt'at jaqinakarux ñanqhacharaktan.

1 Juan 5:7

Kimsaniw qhanañchirixa: