Génesis 1:27 - Qullan Arunaca

²⁷ Cunapachatejj Diosajj jake usccäna ucapachajj jupar uñtasitwa uscüna; chacha, warmi,

Aymar Bibliia 1986

²⁷ Cunapachatejj Diosajj jake usccäna ucapachajj jupar uñtasitwa uscüna; chacha, warmi,

Qullan Arunaka DC

²⁷ Kunapachatix Diosax jaqi lurkäna ukkhaxa, jupar uñtasit luräna, chacha, warmi luräna.

Génesis 1:27 Jak'a apnaqawi uñst'ayäwi

Génesis 2:18

Ucjjarusti Tatitu Diosajj saraquïnwa: “Janiw walïquiti jaken sapaquïñapajja. Nayajj jupataquejj mayni jupampi chica jaquiri, uqhamaraqui yanapt'iri lurarapï” sasa.

Génesis 2:7

Ucjjarusti Diosajj jakerojj lak'atwa luräna, nasapat phost'asinwa jacaña churaraquïna. Uqhamatwa jakejj jacjjäna.

Génesis 9:6

“Maynitejj mä jakeru jiwayanejja, juparojj yakha jakew jiwayaraquini, jakesti Diosar uñtasita luratätap laycu.

Salmos 139:14

Jumaruw yuspagarsma, muspharcañpun nayataquejj lurtajja, ¡ucsti sumpun yatista!

Eclesiastés 7:29

Acacwa nayajj jicjjatta: Diosajj jakerojj asqui luräna, ucampis jakew jacañapanjja jan walt'añanaca thakasiwayi.

Isaías 43:7

take qhitinacatejj nayan sutejj apapqui, qhitinacarutejj nayajj uywcta, jilsuycaracta, nayan cusisiñajjataqui uywcta ucanacaru cuttayanjjam” sasa.

Jeremías 29:6

Casarasipjjam, ucatsti yokanacanïpjjam uqhamaraqui phuchanacanïpjjam, jupanacasti casarasipjjaracpan ucatsti wawanacanïpjjaracpan. Uca marcansti mirantapjjaraquim, jani juc'aniru tucupjjamti.

Malaquías 2:15

¿Janiti Diosasti panpachaniru mä janchini mä ajayuni tucuyapctamsti? Ucatsti ¿cunsa ucanacat Diosajj munpacha? ¿Janiti wawanacaman jacañanacapajj Diosaru loktatäñap muncpacha? ¡Uqhamasti jumanacpachat amuyasipjjam, janiraqui waynäcasin casarasipcta uca warminacamarojj sallkjapjjamti!

Mateo 19:4

Jupasti ucjjarojj saraquïnwa: —¿Janit jumanacajj Diosan arunacapana leet'apcta, qhititejj kalltan lurcäna ucajj chacha warmi lurqui ucjja?

Marcos 10:6

Ucampis kalltanjja, take cuns lurcäna ucqhatpachaw ‘Diosajj chacha warmi uchäna.

Efesios 2:10

Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

Efesios 4:24

ucatsti Diosan munañaparjama luratäqui uca machak jacäwimpi isthapisipjjam, suma k'oma cheka cancañan jacapjjaraquim.

Deuteronomio 4:32

“Jichhasti thaktapjjam jumanacat juc'ampi nayra tiemponaca, cunapachatï Tatitu Diosas jakeru lurcäna aca orakena uca tiempotpacha; sarapjjaraquim take acapach orakenjamsa, ucatsti jisct'apjjam cunapachach aqham jach'a lurasïwinacajj paspachäna cunjämtï jichhajj pasqui uqhama.

Colosenses 1:15

Jan uñjcay Diosajj uñjcañaw juti Yokap toke, uca Yokapasti take cunatejj utjqui ucatjja nayrïriwa.

Colosenses 1:26

uqhamaraqui cunatejj nayra pachanacatpacha imantatäcän ucanaca uñacht'ayañajjataqui. Uca imantäwsti Diosajj jichhajj wawanacaparojj uñacht'ayjjewa.

Colosenses 3:10

Jichhasti machakat isthapitäpjjtawa, uca machakar tucuñasti sapürunjamaraquiw juc'amp machakar tucus sarasqui Diosan munañaparjama, uca Diosaraquiw uca machakar tucuñjja luri, jupar sum uñt'añascama.

Jueces 21:22

Ucampis tawakonacana awquinacapasa, jan ucajja jilanacapasa arsusiri jutapjjani ucajja nanacajj sapjjäwa: ‘Nanacasti sapa mayniruwa achict'asipjjsma perdonapjjamaya, nanacasti jupanacataquejja janiwa warmjja jicjjatañjja puedipcti Jabes satanquirinacampi nuwasisajja. Ucampis jumanacajj janiw churapctati, uqhamarus janiraquiw juramento luratarojja cuna jan walsa lurapctati’ ” sasa.