Filemón 1:16 - Qullan Arunaca

janiw mä esclavjamati jan ucasti mä esclavot sipansa juc'amp suma, mä munat jilarjama. Nayajj wal juparojj munasta, ucampis jumajj juc'ampwa juparojj munaspachäta; janiw mä jakerjamaquiti jan ucasti Tatitunjja mä jilarjama.

Aymar Bibliia 1986

janiw mä esclavjamati jan ucasti mä esclavot sipansa juc'amp suma, mä munat jilarjama. Nayajj wal juparojj munasta, ucampis jumajj juc'ampwa juparojj munaspachäta; janiw mä jakerjamaquiti jan ucasti Tatitunjja mä jilarjama.

Qullan Arunaka DC

janiw mä uywatar uñtata, jan ukasti, uywatat sipansa juk'amp suma, mä munat jilamarjama. Nayax wal juparux munasta, ukampis jumax juk'amp juparux munaspachäta; janiw mä jaqirjamakiti, jan ukasti Tatitunxa mä jilarjama.

Filemón 1:16 Jak'a apnaqawi uñst'ayäwi

Mateo 23:8

“Jumanacasti janiw ‘yatichiri’ sayasipjjañamäquiti, jumanacasti jilapuräpjjtawa; mayniquiraquiw Yatichirejja, ucasti Cristowa.

Hechos 9:17

Ucspachaw Ananiasajj saräna cawqhanccäntejj Saulojj uca utaru. Mantasinsti, amparapwa jupjjar lokjjati saraquiwa: —Saulo jilata, thaquin uñstctamjja uca Jesusaw qhitanitu, juman wasitat uñj-jjañamataqui, uqhamarac Kollan Ajayun phokt'atäñamataqui —sasa.

1 Corintios 7:22

Maynitejj esclavöcasin Diosar jicjjatchïna ucqhajja, jichhajj libre jakëjjewa Diosar sirviñataqui. Maynitejj jan esclavöcasina Diosar jicjjataracchïna ucqhasti, jichhajj jupajj Tatitun esclavopäjjaraquiwa.

Colosenses 3:22

Esclavonacasti uywirinacamarojj ist'apjjaraquim aca orakenjja, janiw jupanacan uñjcataqui cunsa sum lurirjam tucupjjañamäquiti, jan ucasti take chuymaw Diosar ajjsartasa sirvipjjañamajja.

1 Timoteo 6:2

Mayninacatejj iyawsir uywirinacanïchejja, janiw iyawsirïtap laycuquiti juc'ac ajjsaratañapäquejja, jan ucasti uywatanacajj juc'amp suma uñjañampiw sirvipjjañapajja, qhitinacatejj jumanacan asqui luräwinacam catokapctam ucanacajj iyawsir uywirinacawa, munat jilatanacaraquiwa.

Hebreos 3:1

Uqhamajj Diosar catuyat jilatanaca, jumanacasti qhitinacarutï Diosajj jupatac jawsapctam ucanacäpjjtawa. Wal amuyapjjam Cristo Jesusatjja, jupasti iyawsañan arcäwisanjja mä apostolowa jilïri sacerdoteraqui.

1 Juan 5:1

Take qhititejj iyawsañampi Jesusarojj: “Tatit Cristowa” sisqui ucajj chekpach Diosan wawapawa; maynitejj awquir munchejja, aca awquin wawanacaparojj munañaparaquiwa.