Hebreos 3:1 - Qullan Arunaca

¹ Uqhamajj Diosar catuyat jilatanaca, jumanacasti qhitinacarutï Diosajj jupatac jawsapctam ucanacäpjjtawa. Wal amuyapjjam Cristo Jesusatjja, jupasti iyawsañan arcäwisanjja mä apostolowa jilïri sacerdoteraqui.

Aymar Bibliia 1986

¹ Uqhamajj Diosar catuyat jilatanaca, jumanacasti qhitinacarutï Diosajj jupatac jawsapctam ucanacäpjjtawa. Wal amuyapjjam Cristo Jesusatjja, jupasti iyawsañan arcäwisanjja mä apostolowa jilïri sacerdoteraqui.

Qullan Arunaka DC

¹ Ukhamasti, jilatanaka, jumanakasti Diosan jawsat qullan markapäpxtawa, Cristo Jesusax Apostoluwa, Jilïr sacerdoterakiwa, wali amuyumpi lup'ipxam, iyawsäwisax jupïpan uñacht'ayasi.

Hebreos 3:1 Jak'a apnaqawi uñst'ayäwi

Salmos 110:4

Tatitojj mayac arsu, arsutapatsti janiw yakha amtquiti: “Jumaw wiñay sacerdotëtajja, Melquisedec sacerdoten thaquiparjama” sasa.

Isaías 1:3

Orko vacajj jakeparojj uñt'asiwa, asnos jakepan uywa uyupjja uñt'asiraquiwa; ucampisa Israel marcajjajj, nayan quipca marcajjajj, janiw uñt'quiti, janiraquiw amuyt'ascaraquisa.”

Isaías 41:20

uqhamat takenis uñjapjjañapataqui, yatipjjañapataquiraqui, wal ist'apjjañapataqui, amuyt'apjjañapataquiraqui, naya, Tatitun, take acanacjja ch'amajjampi luratajja, naya, Israelan Kollan Diosapa, take ucanacjja uscutajja.”

Isaías 5:12

Jumanacan jach'a mank'äwinacamansti arpa, cítara, tambor, uqhamarac pinquillo uca musicanacaquiw utjasqui, uqhamaraqui walja vinompi machañataqui; ucampis janiw amuyapctati Tatitun luratanacapjja, janiraquiw yäkapctasa jupan luratanacapjja.

Ezequiel 12:3

jinchunïsipquiwa, janiw ist'apquiti, khoru, naya toke sayt'asir marcanacäjjatap laycu.

Ezequiel 18:28

Jupatejj sum amuyt'asini, sum uñatatasiraquini, ucat take ñankha luräwinacap apanucjjaraquini, ucajj chekpachaw jacani, janiw jiwcaniti.

Hageo 1:5

Naya take ch'amani Tatituw sapjjsma: Amuyt'asipjjam sarnakäwinacamata.

Hageo 2:15

Jumanacajj acat ucsarojj wal amuyt'asipjjam. Janïra templo utachañ kalltcasajja,

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Juan 20:21

Jesusasti wasitampiw jupanacaru säna: —Sumancañajj jumanacampïpana. Cunjämtejj Awquejj nayaru qhitanquitu, uqhamaraquiw jumanacarojj qhitapjjsma —sasa.

Juan 20:27

Ucjjarusti Tomaserojj sänwa: —Luc'anamamp acaru llamct'am, amparanacajj uñjaraquim, amparam apanim ucatsti ch'illajj llamct'araquita. Iyawsam, jan pächasimti —sasa.

Hechos 1:15

Ucürunacansti patac pä tuncanjam jilatanacaw tantacht'asipjjäna. Ucatsti Pedrojj jupanac taypin sayt'asisinwa säna:

Romanos 11:17

Yakhepa judionacajj layminacjama qhuchhuratächejja olivos kokatjja, ucat jumajj montenquir olivo laymjamäcasina uca suma olivor ayrcatatätawa. Uca olivosti judionacawa. Ucatpï jumajj uca saphitjja uma catoktajja, jupampiraquiw jactajja.

Romanos 15:27

Jupanacataquejj uqham lurañajj wali sumawa. Chekpachansa jupanacajj manüpjjewa, Judeancquis uca iyawsirinacajj jaljasipjjänwa ajay token catokcatayna ucjja jan judiöpquis ucanacampi, ucatsti jupanacajj yanapapjjañaparaquiwa judionacarojj janchi tokenjja.

Romanos 15:8

Nayajj sistwa, judionacar sirviriw Cristojj juti, uqhamat cunatejj nayra awquinacasampi arust'atäcän ucanac phokhañataqui, uqhamat uñacht'ayañataqui Diosajj arsutanacaparu phokherïtapa.

Romanos 9:24

Diosawa jawsistu, mayninacjja judionacata, mayninacsti jan judiöpquis ucanacata.

1 Corintios 1:2

kellkanipjjsma Diosan iglesiapanquir Corinto jilatanacaru. Jumanacasti Diosanquirïpjjaractawa Jesucristompi mayaquïpjjatam laycu. Diosaraquiw jumanacarojj jawsapjjtam Diosar catuyata k'oma jacañan sarnakapjjañamataqui, qhitinacatejj take chekansa Tatit Jesucriston sutipar mayisisa sarnakapqui ucanacampi chica sarnakapjjañamataqui. Uca Jesucristosti take jupanacana, uqhamarac jiwasanacan Tatitusawa.

1 Corintios 10:17

Waljanïctan ucqhasa mä sapa pachpa t'ant'acwa mank'tanjja, ucataracwa mä sapa janchi tucuractanjja.

1 Corintios 9:23

Take acanacjja Tatitun arunacap parlañ laycuw lurta, uqhamata cuna asquinacatejj uca arunac parlañanjja utjqui ucanac catokañajjataqui.

2 Corintios 1:7

Wali jach'a suyt'añaw jumanacatjja utjapjjetu. Cunjämtejj Tatituncjjasina t'akhesipjjtajja, uqhamaraquiw Diosatjja chuymachäwjja catokapjjta.

2 Corintios 9:13

Aca yanapasti jupanacarojj Tatitun arunacaparjam sarnakapjjatamwa uñacht'ayani, ucatsti jupanacajj Diosaruw yupaychapjjani. Diosarusti jach'aruraquiw aptapjjani, jumanacajj uqham cusisit chuymampi jupanacataquis, takenitaquis apthapt'apjjatamatjja.

Efesios 3:6

Uca jan amuyt'caña imantatajja acawa: Tatitun khespiyasiñ arunacap tokew jan judiöpquis ucanacajj judionacamp chica pachpa herencia catokapjjani, uqhamarac mä cuerporu tucutaquïpjjewa, Cristo Jesusar Diosajj arsuwaycäna ucsa catokapjjaraquiniwa.

Efesios 4:1

Ucatwa nayajj Tatit laycu presötjja, achict'apjjsmawa jumanacajj Diosan jawsatanacjama sarnakapjjam.

Efesios 4:4

Mä sapa cuerpoquiw utji, mä sapa Ajayuquiraqui, cunjämtejj Diosajj mä sapa suyt'añaruc jawsapctamjja uqhama.

Filipenses 3:14

cawqharutejj puriñasäqui, ucar puriñataqui, alajjpachan chürawi catokañataqui, cunataquitejj Diosajj Cristo Jesús tokejj jawsquistu uc catokañataqui.

Colosenses 1:12

uqhamata Dios Awquiru yuspagarapjjañamataqui. Juparaquiw jiwasarojj waquichistu ucjja khanan catokañasataqui, cuntï Diosajj jupanquirinacar churcän ucjja.

Colosenses 1:22

Cristojj janchipan jiwatap toke. Acsti jumanacar jupa nayräjjar uñstayañataquiw luri, jan cuna k'añuni ni cuna juchansa.

Colosenses 3:12

Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam.

1 Tesalonicenses 2:12

Ewjjt'apjjaraquïyäsmawa Diosanquirinacjama sarnakapjjañamataqui, cawquïritejj marcapataqui, c'ajquir cancañapataqui jawsapctama ucaru.

1 Tesalonicenses 5:27

Achict'apjjsmawa Tatitun munañapatjja, aca cartajj take jilatanacataqui leet'atäpan.

2 Tesalonicenses 1:11

Aca amtäwimpiw jumanacataqui Diosar mayipjjtjja Diosajj jumanacar asquit uñt'apjjañapataqui aca jupan jawsäwipana; uqhamaraquiw Diosar mayipjjaracta take suma amtäwinacamarojj ch'amapampi phokhasiñapataqui, cuna luräwinactï iyawsañ toke lurapcta ucanacasa.

2 Tesalonicenses 2:14

Acataquiw Diosajj jawsapjjtam, nanacajj yatiyapcsma khespiyasiñ arunaca uca toke, Tatit Jesucristosan khapak cancañ catokapjjañamataqui.

1 Timoteo 6:12

Iyawsäwin suma nuwasiñapan nuwasim, wiñay jacaña jicjjataraquim ucataquiw Diosajj jawstam, iyawsäwin suma arsüwipwa lurawayta takenin uñjcaya.

1 Timoteo 6:2

Mayninacatejj iyawsir uywirinacanïchejja, janiw iyawsirïtap laycuquiti juc'ac ajjsaratañapäquejja, jan ucasti uywatanacajj juc'amp suma uñjañampiw sirvipjjañapajja, qhitinacatejj jumanacan asqui luräwinacam catokapctam ucanacajj iyawsir uywirinacawa, munat jilatanacaraquiwa.

2 Timoteo 1:9

Diosajj khespiyistuwa, jawsaraquistuwa juparu catuyata jacañasataqui, ucasti janiw jiwasan cuna asqui luratas laycuti, jan ucasti uqhamänwa jupan amtäwipajja, uqhamarac Cristompi mayachasitas laycuw munasiraquistu. Diosasti munasistuwa, aca orakejj janïra utjcän ucqhatpacha.

2 Timoteo 2:7

Acanac siscsma ucatjja lup'im, Tatitusti takwa amuyt'ayätam.

Hebreos 10:19

Ucatpï jichhajj jilatanaca, Sinti Kollan Chekawjarojj jan ajjsarañampi mantjjsnajja Jesucriston wilap laycu,

Hebreos 10:21

Jesusaw Diosan utapjjaru jiwasan jach'a sacerdotesajja.

Hebreos 10:23

Ch'aman sayt'asipjjañäni, jan pächasisa, iyawsäwisanjja cuntejj suyt'ctan ucanjja, Diosasasti phokhaniwa cuntejj arsuwayquistu ucjja.

Hebreos 13:22

Jilatanaca, achict'apjjsmawa llamp'u chuymampiqui aca ewjja arunac catokapjjañama, mä jisc'a cartacwa kellkt'anipjjsma.

Hebreos 2:11

Qhitinacatejj catuyatäqui uqhamarac catuyqui ucasa, takew pachpa Awquinqui. Ucatwa Diosan Wawapajj jan p'enkasquiti: “Jilatanaca” sañjja.

Hebreos 2:17

Ucataquipï waquisïnjja take cunansa jilanacapjam tucuyatäñapajja, qhuyapayasiri, cheka jach'a sacerdotëñapataqui Dios nayrakatana, uqhamarac sacrificio toke take jakenacaru juchanacap apakañataqui.

Hebreos 3:12

Jilatanaca, amuyasipjjam, jan jumanacatjja qhitis jan wali chuymanïpati uqhamat jacquir Diosat jithektañapataqui jupar jan iyawsatapata.

Hebreos 3:14

Tucuycamatejj take chuyma arcañäni take iyawsañampi, cunjämatï kalltatpacha utjquistu uqhama, ucapachajj Cristompejj utjistuw cunatejj jiwasanccani ucajja.

Hebreos 6:20

cawquirutejj Jesusajj jiwas laycu mantcäna, jiwasatac thac jist'arañataqui. Uqhamanwa Jesusajj wiñayatac mä jilïr sacerdote tucuwayi Melquisedec castata.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

Hebreos 7:28

Moisesan leyipajj utt'ayiwa jan k'omäpquis ucanacaru jilïri sacerdotëñapataqui, ucampis Diosajj juramentompejj leyi khepatjja jupan Yokaparuw jilïri sacerdotëñapatac utt'ayi, qhititejj wiñayatac k'om tucuyatäqui ucaru.

Hebreos 9:11

Ucampis Cristojj jutjjewa, jichhajj jupaw jilïri sacerdotejja take suma luräwinaca utjqui ucatjja. Cawqhantejj jupajj sacerdotet sirvqui uca santuariojja juc'amp sumawa, juc'amp phokhataraquiwa, janiraquiw jakenacan luratäquisa ni acapachanquirïcaraquisa.

Hebreos 9:15

Ucatpï Jesucristojj machak arust'äwin sumancthapiyiripajja. Nayra arust'äwirjam jucha luratanacasajj Criston jiwatap laycuw perdonatäjje, qhitinacarutejj Diosajj jawsqui ucanaca Diosajj churañatac arscatayna uca wiñay herencia catokapjjañapataqui.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

1 Pedro 3:5

Nayra pachanacanjja, Diosar ajjsartir warminacajj uqhamwa c'achacht'asipjjäna. Jupanacajj Diosaruw iyawsapjjäna, ucatsti chachanacaparojj ist'apjjaraquïnwa.

1 Pedro 5:1

Jichhasti ewjja arunacracwa jilïri chuymaninacaru iglesianacamanjja churta. Nayasti jupanacjam jilïri chuymaniraquïtwa, Criston t'akhesitanacapatsa testigoraquïtwa, jupanac chicaraquiw Criston jach'a c'ajquir khanapancäjja uñstancan ucapachajja.

1 Pedro 5:10

Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.

1 Juan 1:3

Khanañchapjjsmaw jumanacaru cuntejj uñjapjjtjja, ist'apjjaractjja ucjjata, jumanacajj nanacampi mayachasipjjañamataqui cunjämatejj nanacajj chekpachansa mayaquïpjjtjja Dios Awquimpi, uqhamarac Jesucristo Yokapampisa.

Judas 1:1

Naya Judas, Jesucriston sirviripa, Jacobon jilaparaquiw aca carta kellkta qhitinacarutï Dios Awquejj jawsqui, uqhamarac yakhachqui jupancapjjañapataqui ucanacaru. Ucanacasti imatäpjjewa Jesucristompi mayachatätap laycu.

Apocalipsis 17:14

Corderompiw nuwasipjjani, ucampis Corderojj jupanacarojj atipjaniwa, jupasti munañaninacans Munañanipa, reyinacansa Reyiparaquiwa. Qhitinacatejj jupampïqui ucanacasti Diosan jawsata ajllitanacapawa, suma arquirinacäpjjaraquiwa” sasa.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”