Éxodo 5:21 - Qullan Arunaca Jupanacarusti sapjjänwa: —Tatitusti jumanacarojj mutuypan cuntejj lurapcta uca uñjasinjja. Jumanacawa juchanïpjjtajja faraonampi, jilïri lurayirinacapampi uqhama nanacar uñisiñapataquejja. Uqhamarac jumanacaraquiw espadanacsa aptayapjjta nanacar jiwarayañapataquejja. Aymar Bibliia 1986 Jupanacarusti sapjjänwa: —Tatitusti jumanacarojj mutuypan cuntejj lurapcta uca uñjasinjja. Jumanacawa juchanïpjjtajja faraonampi, jilïri lurayirinacapampi uqhama nanacar uñisiñapataquejja. Uqhamarac jumanacaraquiw espadanacsa aptayapjjta nanacar jiwarayañapataquejja. Qullan Arunaka DC jupanakarusti sapxänwa: —¡Tatitux jumanakar mutuypan nanakar jan wali luratanakamata! Reyimpi, jaqinakapampix nayrat sipan juk'amp jichhax nanakar uñisipxitu. ¡Jumanakaw nanakar jiwarayañapatak amtayapxtaxa! —sasa. |
Ucatsti Sarai warmejj Abramarojj sänwa: —¡Jumaw juchanïtajj Agaran nayar jisc'achañapataquejja! Naya quicpaw juparojj warmimat chursma, jichhasti wawanëjjasinsti nayatsa juc'ampïcjjaspas uqhamwa amuyasjjejja. Tatituy sispan qhitis juchanïtan ucjja, jumati jan ucajj nayacha —sasa.
Jichhajj Abraham achachilaman, uqhamarac Nacor achachilajjan Diosapay uñjpan —sasa. Jacobosti uqhamajj cawquïri Diosarutejj Isaac awquipajj yupaychcäna ucan sutipjjaruw juramento luräna.
Ucatsti Jacobojj Simeonampiru, Levimpirojj sänwa: —Jumanacajj jan walt'añaruw uscuntapjjestajja, jichhajj aca oraken jaquir jakenacajj cananeonacasa, uqhamarac ferezeonacasa, nayarojj uñisipjjetaniwa. Naya contra mayacht'asisinsti nuwañataquiw jutapjjanejja, juc'a chachanacaqui nayan utjatap laycusti, nayarusa, familiajjarusa jiwarayapjjaniwa —sasa.
Amonita jakenacasti amuyasipjjaraquïnwa Davidataquejj wali uñisisiri jakenacäpjjatapa, pä tunca waranka sirio soldadonaca pagoncama catupjjatapata Bet-rehob, uqhamaraqui Soba uca chekana, Maaca marcan reyiparusti waranka jakenacampi, Is-tob sisqui uca chekatsti tunca payani waranka jakenaca catupjjatapa.
Amonita jakenacasti yatipjjänwa Davidampi uñisiyasipjjatapa, ucatsti Hanún chachajj, amonita jakenacampejja apayapjjänwa quimsa tunca quimsani tonelada kollkenaca pagasina, apanipjjañapataqui nuwasiña carronaca, uqhamarac caballería soldadonaca Mesopotamia, Siria, Maaca, uqhamarac Soba uca orakenacata.
Moisesarojj sapjjänwa: —¿Janiti Egiptonjja sepulcronacajj utjcäna, aqhama nanacaru apsunisa aca wasaran jiwarayañamataquejja? ¿Cunatsa uqham lurta, nanacar Egiptot apsunisajja?
Ucampis jakenacajj Moisés tokwa jan walinaca parlapjjäna, ucatsti sapjjaraquïnwa: “¿Cunsa jichhajj umañäni?” sasa.
Ucampis uca wasaranjja takpach israelitanacaw jan walinac Moisés toke, uqhamarac Aarón tokjja parlapjjäna.
Ucanac uñjasinsti israelit jakenacajj iyawsapjjänwa, Tatitojj jupanacata amtasitapa, uqhamarac t'akhesitanacapsa uñjatapa. Ucatsti jupanacajj quillt'asisaw Diosarojj yupaychapjjäna.
Ucat faraonampi parlaniwayasa mistunjjasinsti jiquisipjjaraquïnwa Moisesampi, uqhamarac Aaronampi cuna, jupanacasti suyascaraquitaynawa.
Ucatsti Moisesajj israelitanacaruw parläna, ucampis jupanacajja janiw Moisesarojj ist'añ munapcänti, jupanacajj wali mayjt'atäpjjänwa sinti ch'ama lurañanacampi t'akhesiyatajja.
Mä chhichhillanqha jiwatajj thujsiwa, ucasti suma k'aphirojj mayjt'ayiwa. Mä juc'a pisi amuyt'ajj yatiñ cancañarusa, jach'ar aptatäñarusa atipaspawa.
Profecía arunaca Néguev chekanquir animalanacataqui: Uca ajjsarcaya orakenacanjama, leonanacan wararitanacapaquiw ist'asi, catarinaca, thokhonakeri dragonanacan jacäwipa, uca chekwa kamir cancañanacapjja apapjje asnonacata, camellonacata qhumt'ata, jan cunatac inamay Egipto marcaru,
Amsta toketa jutir t'ijut'ijunacsa jumanacatjja jayaruw apanucuraquï, wasararuraquiw apanucü. Nayrakata saririnacapsti Mar Muerto kotan jiwarayaraquï, khepa saririnacsti Mediterráneo jach'a kotan jiwarayaraquï, janchinacapasti ñusantaniwa, ucatsti wal k'aphipjjaraquini. ¡Jach'a luräwinacwa luräjja!”
Cawquïrinacatejj jach'a cancañajj uñjapqui, uqhamarac Egiptonsa, wasaransa milagronac lurcta ucanac uñjapqui, ucatsti mayampi mayampwa yant'anacarojj wasaranjja uscupjjetu, janiraquiw arunacajjarus ist'añ munapquiti,
Cunataquis Diosajj aca marcar irpanistu. ¿Jiwasan guerran jiwarañasataqui, uqhamarac warminacasasa, wawanacasasa uñisirisan amparapar catuyatäñapataqui? ¡Walïspawa Egipto marcar cuttjjañasajja!” sasa.
Take israelita jakenacasti yatipjjaraquïnwa, Saúl reyejj filisteo soldadonacarojj k'ala tucjatapa, ucat filisteo jakenacajj israelitanacaru wali uñisipjjäna, ucatpï ejercitojj Saúl reyimpi tantacht'asïnjja Gilgal sisqui uca chekana.
Aquis reyisti Davidarojj suma jaket uñt'araquïna, chuymapansti saraquïnwa: “Davidajj israelitanacarojj uñisjjewa, uqhamasti nayan servirijjapunïniwa” sasa.