Éxodo 5:21 - Qullan Arunaka DC

²¹ jupanakarusti sapxänwa: —¡Tatitux jumanakar mutuypan nanakar jan wali luratanakamata! Reyimpi, jaqinakapampix nayrat sipan juk'amp jichhax nanakar uñisipxitu. ¡Jumanakaw nanakar jiwarayañapatak amtayapxtaxa! —sasa.

Aymar Bibliia 1986

²¹ Jupanacarusti sapjjänwa: —Tatitusti jumanacarojj mutuypan cuntejj lurapcta uca uñjasinjja. Jumanacawa juchanïpjjtajja faraonampi, jilïri lurayirinacapampi uqhama nanacar uñisiñapataquejja. Uqhamarac jumanacaraquiw espadanacsa aptayapjjta nanacar jiwarayañapataquejja.

Qullan Arunaca

²¹ Jupanacarusti sapjjänwa: —Tatitusti jumanacarojj mutuypan cuntejj lurapcta uca uñjasinjja. Jumanacawa juchanïpjjtajja faraonampi, jilïri lurayirinacapampi uqhama nanacar uñisiñapataquejja. Uqhamarac jumanacaraquiw espadanacsa aptayapjjta nanacar jiwarayañapataquejja.

Éxodo 5:21 Jak'a apnaqawi uñst'ayäwi

Génesis 16:5

Ukatsti Sarai warmix Abram chachaparuw säna: —¡Jumaw juchanïta Agar warmin nayar jisk'achañapatakixa! Naya kipkaw juparux warmimat chursma, jichhasti wawanïxasin nayatsa juk'ampïkxaspas ukham amuyasxi. Tatituy sispan khitis juchanïtan ukxa, jumati jan ukax nayacha —sasa.

Génesis 31:53

Jichhasti Abraham achachilaman Diosapay uñjpan, Nahor achachilaxan Diosapas uñjarakpan —sasa. Ukhamasti Jacobux kawkïri Diosarutix Isaac awkipax yupaychkäna ukan sutipxaruw juramento luräna.

Génesis 34:30

Ukat Jacobux Simeonampiru, Levimpirux säna: —Ukham luratanakamampixa, jumanakax jan walt'añanak utjayarapipxistaxa. Jichhax aka chiqankir cananeonakasa, ferezeonakasa uñisipxitaniwa. Mayacht'asisax nayatakiw sayt'asipxani, jiwasax juk'anikïtanwa, taqinirupuniw jiwarayistani —sasa.

2 Samuel 10:6

Amonita jaqinakasti Davidampi wali uñisiyasipxatap amuyasisinxa, qullqi layku nuwasir pä tunka waranqa sirio soldadonak anthapipxäna Rehob, Sobá chiqankirinakata; Maacá markan reyipat waranqa jaqinak achikapxäna; Tob sat reyitsti tunka payani waranqa jaqinak achikapxarakïna.

1 Crónicas 19:6

Amonitanakax Davidan phiñasitap amuyapxäna, ukat Hanún reyimpi, amonitanakampix sirionakar kimsa tunka kimsani tonelada qullqi apayapxäna, Mesopotamia, Siria, Maacá, Sobá markanakat nuwasiñ carronak apayaniñataki,

Éxodo 14:11

Moisesarusti sapxänwa: —¿Kunatakis nanakar Egiptot irpsunipxista? ¿Kunatsa nanakar wasaran jiwarir irpanipxista? ¿Janit Egipton imäwix nanakar imt'añatak utjkänxa?

Éxodo 15:24

Jaqinakasti Moisesatakix jan walinak parlapxäna, jiskt'apxarakïnwa: “¿Kunarak jichhasti umañänisti?” sasa.

Éxodo 16:2

Uka wasaran taqpach israelitanakax Moisesampitaki, Aaronampitak tuqisipxäna.

Éxodo 4:31

Ukanak uñjasinsti israelita jaqinakax Moisesar iyawsapxänwa, Tatitun jupanakat amtasitapa, t'aqhisitanakapsa uñjatap yatisinxa, jupanakax killt'asisaw Diosar yupaychapxäna.

Éxodo 5:20

Faraonampi parlasinsti, Moisesampi, Aaronampiw jikisipxäna, jupanakasti anqan suyasipkatayna,

Éxodo 6:9

Moisesasti kuntix Tatitux siskatayna ukanak israelitanakar yatiyarakïna, ukampis jupanakax janiw Moisesar ist'apkänti, sinti ch'ama lurañanakamp t'aqhisiyatax wali mayjt'atäpxänwa.

Eclesiastés 10:1

Jiwat chhichhillankhan thujsatapaxa, suma q'apkir qullarux janiw walt'aykiti. Ukham pisi amuyt'anïñax yatiñ kankañampiru, jach'ar aptatäñampirux aynacht'ayiwa.

Isaías 30:6

Profecía arunaka Néguev chiqankir animalanakxata: Uka axsarkay uraqinakanxa, axsarkay leonanakaw jakapxi, katarinakasa, chhiqhan katarinakas ukan thuqhunaqapxi, uka chiqanjam qamir kankañanakap asnoru, camellor khumuntat apapxi, Egipto markaruw jan kunatak inamay apapxi,

Joel 2:20

Amsta tuqit jutir t'iju t'ijunaksa jumanakat wasararuw apanukü. Nayraqat saririnakapsti Mar Muerto sat qutan axskatayä, qhipa saririnakapsti Mediterráneo sat jach'a qutan axskatayarakï, janchinakapas ñusantasax jan wal q'aphini. ¡Nayax jach'a luräwinak lurä!”

Números 14:22

khitinakatix jach'a kankañax uñjkasinsa, Egiptompina, wasarampin muspharkañanak luratax uñjkasinsa, nayar wasaran mayampi mayamp yant'apxitu, arunakaxar jan jaysañ munirinakax,

Números 14:3

¿Kunatakirak Tatitusti aka uraqir irpanpachïstusti? ¿Jiwasan nuwasïwin jiwarañasataki, warminakasasa, wawanakasas uñisirisan amparapar katuntat uñjasiñasatakit irpanpachïstusti? ¡Egiptor kuttxañasakiw walïspa!” sasa.

1 Samuel 13:4

Israelitanakasti, Saúl reyin filisteo soldadonakar tukjatap yatipxäna, ukat filisteonakax israelitanakar wal uñisipxäna, ukhamasti soldadonakax Saúl reyimpiw Guilgal chiqan tantachasipxäna.

1 Samuel 27:12

Aquís reyisti Davidarux suma jaqit uñt'äna, chuymapansti sarakïnwa: “Davidax israelitanakar uñisxiwa, jichhakuchaw nayan luqtirixäni” sasa.