Nayasti tayna yokall wawat uñt'asjjä, acapachanquir reyinac taypin jilïrit uñt'asjjaraquï.
Éxodo 4:22 - Qullan Arunaca Ucampis faraonarojj sascaquïtawa: ‘Tatitojj aqham siwa: Israelajja nayan jilïri wawajjawa. Aymar Bibliia 1986 Ucampis faraonarojj sascaquïtawa: “Tatitojj aqham siwa: Israelajja nayan jilïri wawajjawa. Qullan Arunaka DC Ukampis faraonarux saskakïtawa: “Tatitux akham siwa: ‘Israelax nayan nayrïr wawaxawa. |
Nayasti tayna yokall wawat uñt'asjjä, acapachanquir reyinac taypin jilïrit uñt'asjjaraquï.
—Faraonar parliri saram, israelitanacaru antutjjpan Egipto oraket sarjjapjjañapataqui —sasa.
Ucansti aqham sätawa: ‘Hebreonacan Tatitu Diosapawa nayaru qhithanitu jumaru aca yatiyañataqui: ‘Antutjjam marcajjaru sarjjañapataqui jupanacasti wasaranwa nayaru yupaychapjjetani. Ucampis jumajja jichhacamajj janiw ist'añ munctati.
¡Jumätaw nanacan awquejjajja! Abrahamajj inas jani uñt'apcchitaniti, Israelas janiraqui nanacatjja inas amtascjjchiniti, ucampis Tata, jumaw nanacan awquejjätajja; nayratpacha jumaw nanacan khespiyirejjätajja.
Ucampis Tata, jumaw nanacan awquejjätajja; nanacajj ñek'equïpjjtwa, jumasti sañu lurirïtawa; ¡take nanacasti juman uscutäpjjaractwa!
“Israelajj janiw mä esclavöquiti; jupajj janiw esclavöñan nascaraquïnti. ¿Cunatraqui jichhasti take cunanacapsa aparapjjesti?
Tatitur yuspagarasa, jacht'asisaraquiw cuttanjjapjjani. Nayasti jupanacarojj jaliri uma thiyanacaruw irparaquï, mä suma pampa thaquinjam irparaquï jan liwisipjjañapataqui. Nayasti Israelan awquipätwa, Efrainasti jilïri yokall wawajjaraquiwa.
“Israel marcarustijj wawacän ucqhajj nayajj munasiyätwa; jupajj wawajjänwa, ucatsti Egiptot jawsaracta.
Take ch'aman Diosasti sacerdotenacarojj aqham siwa: “Wawanacasti awquinacaparojj munapjjewa, uqhamaraqui uywatanacas uywirinacaparojj munapjjaraquiwa. Ucampisa nayatejj jumanacan awquinacamästa, ucapachasti ¿cunatarac jan nayarusti munapjjesta? Nayatejj jumanacan uywirimästa ucqhasti, ¿cunatarac jan nayarusti ajjsarañampi uñjapjjesta? Jumanacasti jisc'achapjjestawa, ucatsti sasipcactawa: ‘¿Cunanarac nanacasti jumarojj jisc'achapjjsma?’ sasa.
Uca Egipto marcansti Herodesan jiwañapcamaw ucancapjjaraquïna. Take acanacasti phokhasiscänwa cuntejj Diosajj profetap toke arscäna ucarjama: “Egiptotwa wawajjarojj jawsta” sasa.
Jupanacajj israelitanacäpjjewa, jupanacarusti wawapatwa Diosajj catokasjje. Diosasti wali ch'aman cancañapanjja jupanac taypincaraquïnwa arust'äwinacsa Moisesan leyinacapsa churaraquïnwa, templon culto lurañsa uqhamarac arsutanacapsa.
Jumanacan Awquimäyäwa, jumanacasti wawanacajjäpjjaraquïtawa” siw take ch'aman Diosajja.
“Jumanacasti Tatitu Diosaman wawanacapäpjjtawa. Jan janchinacama qharirasipjjamti janirac ñic'utanacamsa mururasipjjamti cunapachatï maynejj jiwani ucqhajja.
¿Aqhamti Diosaru pagapjjta? Pisi chuyma jan yatiñan jakenaca, ¿janit jupasti awquimäqui, irnokerimäcaraqui? ¡Jupaw irnoktam, jacañsa churaractam!
uqhamarac Diosan wawanacapan tantachasïwinacaparu, ucanacajj alajjpachan kellkantatawa. Takenin Diosapäqui uca Juez thiyarus jac'achasipjjaractawa, qhitinacatejj k'omachatäpqui uca asqui jakenacan ajayuparusa.
Jacañwa churistu cheka arunacap toke, uqhamata jiwasajj nayräwiri achunacjamäñasataqui, cuntï jupajj lurqui ucanjja. Jupasti uqhamäñasracwa muni.