Éxodo 30:8 - Qullan Arunaca

Uqhamarac jayp'u horasarusti cunapachatejj mechanaca nactayir sarcani ucqhajja inciensjja nact'ayañaparaquiquiwa. Ucsti lurapjjañanacamawa Tatitun nayrakatapanjja wiñayan wiñayapa.

Aymar Bibliia 1986

Uqhamarac jayp'u horasarusti cunapachatejj mechanaca nactayir sarcani ucqhajja inciensjja nact'ayañaparaquiquiwa. Ucsti lurapjjañanacamawa Tatitun nayrakatapanjja wiñayan wiñayapa.

Qullan Arunaka DC

jayp'thapinakasti lamparanak qhantaykani ukapacharakiw incienso nakt'ayani. Uksti Tatitun nayraqatapan wiñayan wiñayapapuniw lurasini.

Éxodo 30:8 Jak'a apnaqawi uñst'ayäwi

2 Crónicas 26:18

Jupanacasti reyimpi jiquintasisinwa, aqham sapjjäna: “Uzías reyi, Tatitur incienso loktañasti janiw juma reyiru wact'ctamti, jan ucasti Aarón chachan saraker sacerdotenacaparuwa wact'i, jupanacaraquiw ucanac lurañataqui loktatäpjje. Santuariotjja juma reyejj mistunim, jumajja Dios nayrakatan aqham jan wali lurtajja, ucatsti Diosajj janiw jumar jach'ar aptcätamti” sasa.

Salmos 141:2

Mayisitajjajj inciensor uñtat nayrakatamar maqhatanpan, lokatatat amparanacajjasti, jayp'u loktäwjamäpan.

Éxodo 12:6

Acsti aca phajjsi tunca pusin urucamaw imapjjäta, ucatsti uca jayp'ojja take israelitanacaw uca uywa qharinucupjjäta.

Éxodo 25:37

Uqhamarac luraraquïtawa pakallko lamparanaca, ucsti uchätawa amparanac patjjaru, uqhamata nayrakataru khant'añapataqui.

Éxodo 27:21

Ucampis Aaronampi, wawanacapampiw uca lamparanacjja asquichapjjani uqhamata Tatitu nayrakatapanjja jayp'uta arumanthi khantatcama naqhañapataqui tantachasiñ chekanjja, ucasti suma arust'äwiru mantatäqui uca arca jac'ancqui uca velota ankäjjancañapawa. Aca leyisti wiñayataqui churatawa israelitanacaru, uqhamarac wawanacapan wawanacapataquisa.

Éxodo 30:7

Aaronasti sapärmanthi alwata mantcani mechanac waquichiri ucqhajja, altararojj suma k'apquir incienso nact'ayañapajja.

Éxodo 30:9

Uca altar patjjarusti janipuniw yakha casta incienso, ni cuna casta achuri ofrenda loktatsa nact'ayätati, uqhamarac ni vino ofrenda churatsa warjjataraquïtati.

Romanos 8:34

¿Qhitiraqui jupanacarusti juchañchaspasti? Janiw qhitisa. Cristowa jiwquis ucajja, juparaquiw jiwatanac taypit jactanquis ucajja, jichhasti Diosan cupëjjapan kont'atäsquiwa, jiwasanacataquisti mayiscaraquiwa.

1 Tesalonicenses 5:17

Jan inact'as orapjjam.

Hebreos 7:25

Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.

Hebreos 9:24

Jaken lurat santuariojj mä uñacht'äwiquïnwa chekpach santuariotjja. Cristosti janiw uca jakenacan lurat santuariorojj mantquiti, jan ucasti alajjpach quicparuw manti, jichhasti ucan Diosan nayrakatapan jiwasat arjjatasquistu.

1 Samuel 2:28

Israel marcan take tribunacap taypitsti nayan sacerdotenacajjäñapataqui, uqhamarac nayan altarajj-jjaru sacrificionac loktanipjjañapataqui, incienso naqhayapjjañapataqui, uqhamarac efod sat isimpi naya nayrakatan ist'atäpjjañapataqui. Uqhamarus nayrapacha awquinacamarojj take ofrendanactejj israelitanacajj Tatituru churqui ucanacwa churaractjja.