Éxodo 30:8 - Qullan Arunaka DC

⁸ jayp'thapinakasti lamparanak qhantaykani ukapacharakiw incienso nakt'ayani. Uksti Tatitun nayraqatapan wiñayan wiñayapapuniw lurasini.

Aymar Bibliia 1986

⁸ Uqhamarac jayp'u horasarusti cunapachatejj mechanaca nactayir sarcani ucqhajja inciensjja nact'ayañaparaquiquiwa. Ucsti lurapjjañanacamawa Tatitun nayrakatapanjja wiñayan wiñayapa.

Qullan Arunaca

⁸ Uqhamarac jayp'u horasarusti cunapachatejj mechanaca nactayir sarcani ucqhajja inciensjja nact'ayañaparaquiquiwa. Ucsti lurapjjañanacamawa Tatitun nayrakatapanjja wiñayan wiñayapa.

Éxodo 30:8 Jak'a apnaqawi uñst'ayäwi

2 Crónicas 26:18

ukat reyimpi jikintasisin, jupar sapxarakïna: “Ozías rey, Tatitur incienso luqtañax janiw juma reyir wakt'ktamti, jan ukasti, Aarón chachat saraqir sacerdotenakaruw wakt'i, jupanakaw ukanak lurañatakix ajllitäpxi. Qullan chiqawjat mistum, jumax Tatit nayraqatan jan wal lurtaxa, Diosax janiw uka luratamat jumar jach'ar aptkätamti” sasa.

Salmos 141:2

Mayisitaxax incienso q'aphir uñtat nayraqatamar makhatanpan, luqatatat amparanakaxasti, jayp'u luqtäwjamäpan.

Éxodo 12:6

Uksti aka phaxsi tunka pusin uru saraqat urukamaw imapxäta, uküruw jayp'u tuqiru Israelan taqpach jaqinakax sapa mayni uka uywa kharinukupxäta.

Éxodo 25:37

Ukatsti paqallqu lamparanak lurarakïta, uksti patxaruw uchäta, ukhamat nayraqatar qhant'añapataki,

Éxodo 27:21

Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Éxodo 30:7

Aaronax lamparanak wakichkan ukkhaw, altarxarux sapärmanthi suma q'apkir incienso nakt'ayani,

Éxodo 30:9

Janiw uka altar patxarux yaqha incienso nakhayätati, janirakiw wilañchanaksa, waña juyranakat waxt'anaksa, vino warxatañ waxt'anaksa luqtätati.

Romanos 8:34

¿Khitirak jupanakar juchañchaspasti? Janiw khitisa, Cristo Jesusaw jiwawayi; jupaw jiwatat jaktawayi, jichhasti Diosan kupïxapan qunt'atäskiwa, jiwasanakatakiw mayiskaraki.

1 Tesalonicenses 5:17

Jan inakt'as Diosat mayisipxam.

Hebreos 7:25

Ukat jupa tuqi Diosar jak'achasirinakarux wiñayatak qhispiyaspa, jupanakatak Diosar mayiñatakix jupax wiñayatakiw jaki.

Hebreos 9:24

Cristox janiw jaqinakan lurat qullan chiqar mantkänti, ukax chiqpach qullan utar uñtatakïnwa, jan ukasti Cristox pachpa alaxpacharuw mantäna, jichhasti ukan Diosan nayraqatapan jiwasatak mayiski.

1 Samuel 2:28

Israel markan taqi ayllunakap taypitsti, nayan sacerdotenakäpxañamatakiw ajllisipxsma, altaraxan wilañcha luqtapxañamataki, incienso nakt'ayapxañamataki, ukhamarak sacerdote isimp isthapt'at nayraqataxankapxañamataki. Ukhamarus nayra awkinakamarux israelitanakax nakt'at luqtäwi Tatituru churki taqi uka waxt'äwinakat manq'apxañapatakix churarakta.