“¿Jumasti amuytati Diosan jach'a amtäwinacapar mantaña, ucatsti cunäquitejj jupajj uca yatiñsa?
Éxodo 3:14 - Qullan Arunaca Ucat Diosajj Moisesarojj saraquïnwa: —NAYÄTWA QHITÏCTEJJ UCAJJA. Uqham sasaw israelitanacarojj säta: ‘NAYÄTWA sisqui ucawa qhithanitu jumanacan ucarojja’ sasa. Aymar Bibliia 1986 Ucat Diosajj Moisesarojj saraquïnwa: —NAYÄTWA QHITÏCTEJJ UCAJJA. Uqham sasaw israelitanacarojj säta: “NAYÄTWA sisqui ucawa qhithanitu jumanacan ucarojja” sasa. Qullan Arunaka DC Diosasti sarakïnwa: —NAYÄTWA KHITÏKTIX UKAXA. Israelitanakarusti sätawa: “NAYÄTWA sataw jumanakan ukar khithanitu” sasa. |
“¿Jumasti amuytati Diosan jach'a amtäwinacapar mantaña, ucatsti cunäquitejj jupajj uca yatiñsa?
Diosar k'ochupjjam, sutipar jach'añchapjjam, kenay patan sarnakerir jach'añchapjjam. Tatitump cusisipjjam, nayrakatapan c'uchirasipjjam.
Kollunac janïr utjquipana, acapachas janïr utjquipana, wiñayatpacha, wiñayataquiw jumajj Diosätajja.
Jupatsti, jumajj janiw sarakätati, juparuraqui jaysam, jan jupataquejj sayt'asimti, jupasti nayan sutejjaruwa take cunsa luri, uca laycusti jumanacarojj juchanacamatjja janiw perdonapcätamti.
Moisesasti Diosarojj saraquïnwa: —Nayatejj sarasina israelitanacarojj säjja: ‘Nayra awquinacaman Diosapaw nayarojj qhithanitu’ sasa. Ucatsti jupanacajj nayaru jisct'apjjetaspa: ‘¿Cunas sutipajja?’ sasa; ucqhasti nayajj, ¿cun säsa jupanacarojja? —sasa.
Nayawa uñsttjja Abrahamaru, Isaacaru, Jacoboru, take ch'aman Dios sat sutimpi. Ucampis nayajja jupanacarojj TATITU sat cheka sutejjampejj janiw uñt'ayascti.
Nayätwa Tatitojj, ucaraquiw sutejjajja, janiraquiw muncäti cunatejj nayar churañäqui ucjja yakhar churayañjja, janiraquiw yakha diosanacarus yupaychaycäti naya lantjja.
Tatitojja, jach'a reyi, Israelan khespiyiripa, take ch'amani Tatitojj siwa: “Nayätwa kalltas, tucuyasa; nayat yakhajj janiw juc'ampi diosajj utjquiti.
Cawquintejj paninisa, quimsanisa sutejjaru tantachatächejja, nayajj jupanac taypinctwa.
Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”
Ucatpï sapjjsmajja: ‘Juchanacaman jiwarapjjäta’ sasajja. Jumanacatejj jan iyawsapquitäta nayajj qhitïcti ucjja, juchanacamanwa jiwarapjjäta —sasa.
Ucatwa Jesusajj jupanacar saraquïna: —Cunapachatejj jumanacajj Jaken Yokapar jach'ar aptapjjäta ucqhawa uñt'apjjetäta qhitïcti nayajj ucjja, uqhamarac jan cuns nayan munañajjat luratajjsa. Nayajj arstwa cuntejj Awquejj yatichquitu uca.
Jesusasti saraquïnwa: —Khanacwa sapjjsma, janïra Abraham utjquipanwa, nayajj utjtjja —sasa.
Jupanaracwa take Diosan arsutanacapajj phokhasejja. Ucatpï cunapachatejj Diosar yupaychctan ucqhajj “Uqhamäpan” sistanjja, Cristo Jesús toke.
Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.
Naya, Juan, aca cartanac kellkasin apayta Asia tokenquir pakallko iglesianacaru. Catokapjjam jumanacajj Diosan bendicionapa, uqhamarac Diosan asquipsa. Uca Diosasti utjascapunïnwa, utjascaquiwa, jichhas utjascaquiniwa. Uca pachparaqui catokapjjam Diosan tronopan nayrakatapanquir uca pakallko ajayunacatsa.
“Nayätwa kalltasa tucuyasa, A, Z letranacjama”, siw jach'a ch'amani Tatitojja, uca Diosasti utjascapunïnwa, utjascaquiwa, jichhas utjascaquiniwa.
Uca pusi jacasquirinacasti sapa maynis sojjta chhekhancamänwa, patatsa mankhatsa nayranacamp phoksuta. Arumay ururaquiw jan samaras sapjjäna: “¡Kollana, kollana, kollana, Take ch'amani Dios Tata. Jupajj utjascapunïnwa, utjascaquiwa, jichhas utjascaquiniwa!”