Éxodo 24:2 - Qullan Arunaca

Ucatsti juma sapaquiw jac'achasinïta cawqhancctejj nayajj ucqharu, ucampis mayninacajj janiw jac'achasinipjjañapäquiti, ni jakenacasa jumampi chicajj sarapjjañapäquiti —sasa.

Aymar Bibliia 1986

Ucatsti juma sapaquiw jac'achasinïta cawqhancctejj nayajj ucqharu, ucampis mayninacajj janiw jac'achasinipjjañapäquiti, ni jakenacasa jumampi chicajj sarapjjañapäquiti —sasa.

Qullan Arunaka DC

Juma sapakiw nayan ukar jak'achasinïta; mayninakax janiw jak'achasipxañapäkiti, jaqinakas janirakiw jumamp chikax makhatapxañapäkiti —sasa.

Éxodo 24:2 Jak'a apnaqawi uñst'ayäwi

Éxodo 19:12

Ucampis jumajja kollu cayurojja chimpt'ataw, uqhamat israelitanacajj jan pasapjjañapataqui. Ucatsti sascaquim: ‘Jumanacasti ajjsarapjjätawa, kollurusti janiw maqhatapjjätati, ni chimpt'atäqui ucsa pasapjjaraquïtati, ucampis qhititejj kolluru jac'achani ucajja jiwaniwa.

Éxodo 20:21

Ucampis israelitanacajj cawqhancapcäntejj ucqhatjja janiw onjjtapcänti. Uccañcamasti Moisesajj cawqhanccäntejj Diosajj uca ch'amac kenayarojj jac'achascaquïnwa.

Éxodo 24:1

Tatitusti Moisesarojj sänwa: —Nayajj cawqhanctejj ucqharu maqhatanipjjam, juma, Aarón, Nadab, Abiú, uqhamarac israelitanac taypitjja pakallk tunca jilïrinacampi. Ucampis cawqhancctejj ucqharojj janiw jac'achasipjjätati, jan ucasti jaya chekar purisajja ucqharuw quillt'asipjjäta.

Éxodo 24:13

Moisesajj Diosan kolluparojj maqhatänwa Josué yanapiripampi chica.

Éxodo 24:15

Uqham sawayasinsti Moisesajj kolluruw maqhatawayäna. Ucatsti kollurojj kenayawa wali urpjjatäna.

Éxodo 24:18

Moisesasti kenay taypinjamwa kollurojj maqhatäna, kollunjja pusi tunca urumpi, pusi tunca arumampiwa ucancäna.

Éxodo 24:3

Ucatsti Moisesajj jutänwa jakenacaru yatiyiri cunanactejj Tatitojj siscäna, uqhamarac jaytcäna ucanaca. Ucampis take jakenacajj mayaquiw arsupjjäna: —¡Cunanactejj Tatitojj arsqui ucanacjja lurapjjäwa! —sasa.

Jeremías 30:21

Jupanac taypitaracwa mayni jilïrejj mistuni, jupanacar apnakeriraquiw maynejj jupanac taypit mistuni. Nayaruw jac'achasiyaniraquëjja; ucampisa, ¿qhitis nayaru jac'achasiniñ munaspajja? Jupanacajj marcajjäniwa, nayasti Diosaparaquïyäwa. Naya Tatituw ucjja arsta.”

Jeremías 49:19

Acatjamatwa nayajj jutaraquï, Jordán tokenquiri pastonac taypit mistunir leonjama, cawquïri leonatejj suma pastonacajj utjqui ucsaru sarquejj uqhama, ucatsti Edom marcanquiri jakenacjja jaltayaraquïwa, cawquïrirutejj nayajj ajlliscä ucaw apnakaraquini. ¿Qhitiraqui nayampi chicachasispa? ¿Qhitis nayataqui sayt'asiraquispa? ¿Cawquïri awatirisa nayataqui sayt'asiraquispa?

Números 16:5

ucatsti Coré jakempiru, arquirinacapampirojj sänwa: —Arumanthiw Tatitojj yatiyani qhitis jupanqui, qhitiraquisa jupar catuyata, qhitisa juparu ofrendanac churaspa ucanaca, cawquïrirutejj jupajj ajlliscani, ucaquiw ofrendjja loktaraquini.

Hebreos 9:24

Jaken lurat santuariojj mä uñacht'äwiquïnwa chekpach santuariotjja. Cristosti janiw uca jakenacan lurat santuariorojj mantquiti, jan ucasti alajjpach quicparuw manti, jichhasti ucan Diosan nayrakatapan jiwasat arjjatasquistu.