Éxodo 23:23 - Qullan Arunaca

Nayan angelajjawa jumat nayra sarani, ucatsti jupawa irpätam amorreonacana, hititanacana, ferezeonacana, cananeonacana, heveonacana, uqhamarac jebuseonacana orakenacaparojja, nayasti jupanacarojj tucjäwa.

Aymar Bibliia 1986

Nayan angelajjawa jumat nayra sarani, ucatsti jupawa irpätam amorreonacana, hititanacana, ferezeonacana, cananeonacana, heveonacana, uqhamarac jebuseonacana orakenacaparojja, nayasti jupanacarojj tucjäwa.

Qullan Arunaka DC

Nayan angelaxaw jumat nayra sarani, ukatsti jupaw irpätam amorreonakana, hititanakana, ferezeonakana, cananeonakana, heveonakana, jebuseonakan uraqinakaparu, nayasti jupanakarux tukjäwa.

Éxodo 23:23 Jak'a apnaqawi uñst'ayäwi

Génesis 24:7

Alajjpachanquir Dios Tatituwa, cawquïritejj nayar awquejjan utapata, uqhamarac familianacajjan ucat irpsunquitu, ucatsti aca orake nayaru, uqhamaraqui wawanacajjampiru churañatac arsquitu, ucaw juma nayräjjar angelap qhitanini, ucat mä warmi wawajjatac irpaniñamataqui.

Génesis 34:2

ucampisa juparojj Hamor sat heveo jaken Siquem sat yokapaw uñjäna. Uca Hamor jakesti uca chekanjja mä jach'a jilïrïnwa, ucatsti munquir jan munquirwa jupampi iquintäna, uqhamat deshonraraquïna.

Éxodo 18:8

Ucanwa Moisesajj awcch'iparu yatiyäna cuntejj Tatitojj faraonaru, uqhamarac egipcionacarus lurcäna israelitanacar arjjatasa. Uqhamarac yatiyaraquïnwa cuna jan walt'añanacatejj thaquin utjcäna, ucampis Tatitojj cunjämtejj jupanacar khespiycäna ucanacsa.

Éxodo 23:20

“Nayasti angelajjwa juman ucaru qhithanëjja, ucatsti jupawa imätam thaquinjja, uqhamarac irparaquïtam cawqha oraktejj waquicharapcsma ucqharu.

Éxodo 3:17

Ucatsti nayajj amttwa Egipto marcan t'akhesiñata khespiyasa, cananeonacana, hititanacana, amorreonacana, ferezeonacana, heveonacana, jebuseonacana, orakenacaparu apjjaña cawqhantejj lechesa, misq'isa umjama jalasqui uca orakeru’ sasa.

Éxodo 32:2

Ucatsti Aaronajj sänwa: —Warminacamana, wawanacamana jinchunacapancqui uca kori aretenaca apthapisa apanipjjam —sasa.

Isaías 5:13

Ucatpï jichhajj jan amuyt'añ munapjjatamata, marcajjajj jayar apanucutänejja. Marcpacharaquiwa jilïrinacapampi chica mank'atsa, umatsa jiwarapjjani.

Deuteronomio 9:3

“Jichhasti jumanacajj yatipjjañamawa, Tatitu Diosamaw jumanacan nayram sarasqui, ucatsti mä ninaru uñtataraquiw akantani, jumanac nayräjjana, t'unjaraquini, jisc'achjaraquini take uca marcanacarojja. Jumanacasti uca marcanacarojj mä nayra ch'ipjjtanacwa t'unjapjjäta, cunjämatï Tatitu Diosajj arupampi arsuwayqui uqhama.

Josué 23:9

Diosaw jumanac nayräjjatjja walja marcanacaru, uqhamarac wali ch'aman marcanacaru jakonucu, ucatwa jichhajj janipuni cawquïri marcasa jumanac contra sayt'añ puedquiti.

Josué 5:13

Mä urojj Josué chachajj Jericó marca jac'ancasina, jupan nayräjjaparojj mä jakew uñstäna mä espada ayt'ata. Josué chachasti uc uñjasajj mäquiw uca jake jac'aru maqhatäna aqham jisct'asa: —¿Jumasti nanac castätati jan ucajj timajjätacha? —sasa.

Josué 9:1

Cawquïri reyinacatï Jordán jawirat inti jalanta token jacapcäna, uqhamaraqui kollu tokenacana, pampa tokenacana, jach'a Mediterráneo sat kota lacansa, Líbano tokecama; hitita sat reyinaca, amorreonaca, cananeonaca, ferezeonaca, heveonaca, jebuseonaca, ucanacajj yatipjjänwa take cunanacatejj lurascäna ucanaca.