Éxodo 23:20 - Qullan Arunaca

²⁰ “Nayasti angelajjwa juman ucaru qhithanëjja, ucatsti jupawa imätam thaquinjja, uqhamarac irparaquïtam cawqha oraktejj waquicharapcsma ucqharu.

Aymar Bibliia 1986

²⁰ “Nayasti angelajjwa juman ucaru qhithanëjja, ucatsti jupawa imätam thaquinjja, uqhamarac irparaquïtam cawqha oraktejj waquicharapcsma ucqharu.

Qullan Arunaka DC

²⁰ Tatitux jupanakar sarakïnwa: “Nayaw angelaxar nayraqatam sarañapatak khithanïma, jupaw thakhin imätam, kawkha uraqtix wakicharapksma ukkhar irparakïtam.

Éxodo 23:20 Jak'a apnaqawi uñst'ayäwi

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Génesis 24:40

Jupasti saraquituwa: ‘Nayajj Tatitun thaquipan sarnakawayta, juparaquiw mä angelap qhitanini, saräwiman yanapañapataqui, uqhamat mä warmi wawajjatac irpaniñamataqui, familiajj taypita, awquejjan familiapata.

Génesis 24:7

Alajjpachanquir Dios Tatituwa, cawquïritejj nayar awquejjan utapata, uqhamarac familianacajjan ucat irpsunquitu, ucatsti aca orake nayaru, uqhamaraqui wawanacajjampiru churañatac arsquitu, ucaw juma nayräjjar angelap qhitanini, ucat mä warmi wawajjatac irpaniñamataqui.

Génesis 48:16

cawquïri angelatejj take ñankhanacat imquitu, ucanacay aca wawanacarojj bendizpan. Jupanac tokeraqui sutejjas amtataraquïpan, uqhamarac Abraham, Isaac awquinacajjan sutipasa. Walja wawanacanïpjjam, aca orakensti waljaniraqui tucupjjam” sasa.

Salmos 91:11

Diosajj angelanacaparuw qhitanini, sarnakäwim imañataqui.

Éxodo 14:19

Ucampis Diosan angelapampi, kenayampejja israelitanacan nayrakatapa sarcäna ucasti jupanacan khepäjjaparuw jutjjäna.

Éxodo 15:16

Tatitu, ¡jupanacasti sustjasipjjpan, ajjsarayasipjjaracpan! ¡Ch'amam uñjasinsti kalanacjama amuturac tucupjjaracpan, aca jumatac khespiyat marcamajj maqhatañapcama! Cawquïr marctejj jumatac alascta ucajja.

Éxodo 15:17

Tatitu, kollan kolluman jacañataqui irpapjjeta, cawqha oraktejj jumajj ajllcta jacañataqui ucaru. Uqhamarac cawqha kollan uttejj amparamampi waquichcaracta ucqharu.

Éxodo 23:23

Nayan angelajjawa jumat nayra sarani, ucatsti jupawa irpätam amorreonacana, hititanacana, ferezeonacana, cananeonacana, heveonacana, uqhamarac jebuseonacana orakenacaparojja, nayasti jupanacarojj tucjäwa.

Éxodo 32:34

Jichhasti saram, uqhamarac jakenac irpam cawqha chekarutejj siscsma ucqharu, nayan angelajjawa irpascätam. Nayasti jupanacarojj mutuyañ urojj purincani uca uruwa juchanacapat mutuyascäjja.

Éxodo 33:14

Ucatsti Tatitojj sänwa: —Nayawa jumampi chica sarascäjja, uqhamarac samarañsa churaraquïmawa —sasa.

Éxodo 33:2

Nayasti angelajjwa qhitäjja jumanacar irpañapataqui, uqhamarac uca oraket alisnucuñapataqui cananeonacaru, amorreonacaru, hititanacaru, ferezeonacaru, heveonacaru, uqhamarac jebuseonacarusa.

Isaías 63:9

Juparaquiw take llaquinacapatjja khespiyi. Janiw jupan mä qhitanitapati khespiyquejja; jan ucasti quipca Tatituw khespiyi. Qhuyapayasiñap laycu, munasiñap laycuraquiw jupajj khespiyi, jupaw wayti, amparat caturaqui. Uqhampunwa luri.

Zacarías 12:8

Naya Tatituw imaraquëjja Jerusalenan jaquirinacarojja. Jupanacatjja wali t'uqhäpquis ucanacas rey Davidjam wali ch'amaniw tucupjjanejja, Tatitun angelapjama, qhititejj sarantascaraqui jupanacan nayrakatapa.

Malaquías 3:1

Take ch'aman Diosasti siwa: “Nayaw mayni qhitä nayatac thaqui waquichañapataqui. Cawquïri Tatiturutï jumanacajj thakasipcäyäta, jupasti janc'aquiw temploparojj mantani. ¡Acajj purinjjewa cawquïri qhitatï suma arust'äwi apancani ucajja!”

Números 20:16

Ucatsti Tatituruw arnakasipjjta, jupasti ist'apjjetuwa mayisitanacajjarojja, angelap qhitanipjjetu, ucatwa Egiptot irpsunipjjaraquitu. Uqhamaw jichhajj Cades sat marcancapjjta, orakemampis korpasqui ucqhana.

Números 22:22

Balaamajj kachu asnopar lat'jjatataw saräna, ucatsti pani uywatanacapaw jupampi chica sararaquïna. Ucampisa Diosajj wal jupataquejj colerasïna, uqham saratapata, ucatsti Diosan angelapaw jan pasayañataqui thaquiru sayantasïna.

Mateo 25:34

Ucapachaw cupëjjapancquis ucanacarojj sani: ‘Jutapjjam, jumanacajj Awquejjan bendicitanacapa, catokapjjaraquimay wiñay jacañjja jumanacataqui waquichatäquis uca, cawquïritejj aca orake kalltatpacha luratäqui.

Juan 14:3

Sarasinsti ucat mä utjäw waquichasinjja, wasitampiw jutä jumanacaru irpasjjañataqui, cawqhanccätï nayajj jumanacajj ucqhancapjjañamataquiraqui.

Deuteronomio 33:2

aqham sasa: “Tatitu Diosaw Sinaí kolluta juti; Seir kollutwa khant'aniraquistu; Parán kollunacat khantaniraqui, uqhamaraquiwa jutani Meriba-cades chekata; cupi amparaparu akquir leyinac apt'asita.

Josué 23:5

Tatitu Diosaraquiw aca oraketjja jakonucuni, cawquïri jakenacatï jacasipqui ucanacarojja; jumanacaw catuntapjjäta cunjämtï Diosajj arupa churawayqui uqhamar phokhasa.

Josué 5:13

Mä urojj Josué chachajj Jericó marca jac'ancasina, jupan nayräjjaparojj mä jakew uñstäna mä espada ayt'ata. Josué chachasti uc uñjasajj mäquiw uca jake jac'aru maqhatäna aqham jisct'asa: —¿Jumasti nanac castätati jan ucajj timajjätacha? —sasa.

Josué 5:14

Uca jakesti saraquïnwa: —Janiw nayajj cawquïrictsa, nayasti juttwa Diosan ejercitop toketa —sasa. Ucatsti Josué chachajj p'ekep oraker alt'asin jisct'äna: —¿Cun sasas Diosajj sirvirip qhitanitu? —sasa.

Josué 6:2

Ucampis Josué chacharojj Diosajj sänwa: “Nayaw jumaru aca Jericó marca amparamar catuysma, uqhamaraqui reyipsa, soldadonacapsa.