Éxodo 23:11 - Qullan Arunaca

Ucampis pakallköri maranjja janiw yapuchätati, jan ucasti jaytätawa samarañapataqui, uqhamata marcamancqui uca pobre jakenacasa, pampa animalanacasa yapun jilt'qui ucanaca mank'asipjjañapataqui. Uca quipcaraquiquiw luraraquïta uva yapunacamampisa, uqhamarac olivo sat aceituna achur kokanacampisa.

Aymar Bibliia 1986

Ucampis pakallköri maranjja janiw yapuchätati, jan ucasti jaytätawa samarañapataqui, uqhamata marcamancqui uca pobre jakenacasa, pampa animalanacasa yapun jilt'qui ucanaca mank'asipjjañapataqui. Uca quipcaraquiquiw luraraquïta uva yapunacamampisa, uqhamarac olivo sat aceituna achur kokanacampisa.

Qullan Arunaka DC

Ukampis paqallqüri maranxa janiw yapuchkätati, uraq samarayätawa, ukhamat markamankir jan utjirin jaqinakasa, pampa animalanakas yapun jilt'ki ukanak manq'asiñapataki. Uka pachparak luräta uva yapunakamampi, olivo quqanakampi.

Éxodo 23:11 Jak'a apnaqawi uñst'ayäwi

Nehemías 10:31

Uqhamaraqui samaraña urunsa yakha marcanquir jakenacajja achunacapa aljañataqui apanipcani, uqhamarac take casta granonacsa ucqhajja, janiw cunsa alapjjañasäquiti ni samarañ urunsa, ni cawquïr fiesta urunsa; uca pachparaquiwa pakallküri maranjja janiraquiw yapuchapcañäniti jiwasan orakenacasjja, uqhamarac perdonapjjaraquiñäniwa take manusirinacasaru.

Nehemías 10:32

Uqhamaraquiw amtasipjjta sapa mara pusi gramo kollke churañataqui, Tatitusana templopan lurañanacataqui:

Éxodo 23:10

“Sojjta marawa yapuchäta, uqhamarac cosechanacamsa apthapiraquïta.

Éxodo 23:12

“Sojjta urunwa take cuna lurañanacamsa luräta, ucampis pakallko urunjja samarätawa, uqhamata vacamasa, asnomasa samarañapataquiraqui, uqhamarac sirvirimasa, jaya marcanquirisa samarasa ch'ama catjjatañapataqui.

Levítico 25:20

“Inas jumanacajj sapjjaraquisma: ¿Uqhamasti cunraqui pakallko mara purinjjani ucapachasti mank'añänisti, jan yapuchcañäni, janiraqui cosecha apthapcañäniti ucapachasti? —sasa.

Levítico 25:22

uqhamwa jumanacajj cuna granotejj imata utjcani ucat mank'apjjäta, quimsakallko mara purincani ucapacha yapuchasipcäta ucañcamajja, uqhamarusa llätunquiri maracamaw mank'asipcaraquïta cosecha apthapiñajj puriniñapcama.

Números 16:14

Jumasti janiw yakha orakerojj irpapquistati, cawqhantejj leches, misq'is umjam jalasqui ucarojja, janiraquiwa ni yapunacsa, ni uva yapunacsa churapquistati. ¿Muntati takenin irpayasiñapa mä juyqhuru uñtata? Janiw sarapquiristti jumar uñjirejja —sasaw uca jakenacajj sapjjäna.

Deuteronomio 15:11

Marcamansti pobrenacajj utjapuniniwa, ucatwa nayajj jumaru aca ewjja arunaca chursma, jumana qhuyapayasir chuymanïñamataqui uca jake masinacamampi, cawquïrinacatejj marcamanjja, pobrezana, t'akhesiñana sarnakapqui ucanacampi.