Éxodo 2:5 - Qullan Arunaca

Uqhamäquipansti faraonan phuchapawa jawirar jarisiri jutäna, juparu sirviri tawakonacampi cuna, ucampis uca tawakonacajja jawir thiyan sarnakcasinjja totoranac taypincasquiri mä canasta uñjapjjäna, ucatsti faraonan phuchapajj maynïr sirviripwa qhitäna uca canasta apsuniñapataqui.

Aymar Bibliia 1986

Uqhamäquipansti faraonan phuchapawa jawirar jarisiri jutäna, juparu sirviri tawakonacampi cuna, ucampis uca tawakonacajja jawir thiyan sarnakcasinjja totoranac taypincasquiri mä canasta uñjapjjäna, ucatsti faraonan phuchapajj maynïr sirviripwa qhitäna uca canasta apsuniñapataqui.

Qullan Arunaka DC

Uka qhipatsti, faraonan phuchhapaw jawirar jariqasir jutaskäna. Jupar luqtir tawaqunakamp chika jawir thiyan sarnaqañkamasti, akatjamat totoranak taypin uka canasta uñjäna, ukatsti mayni uywataparuw uka canasta apsur khithäna.

Éxodo 2:5 Jak'a apnaqawi uñst'ayäwi

1 Reyes 17:6

Cuervo sat jamach'inacawa t'ant'ampi aychampi aparapipjjerïna alwanacasa, jayp'unacasa. Umsti umänwa uca jawirata.

Salmos 12:5

Tatitojj jupanacarojj siwa: “Jan cunan jakenacampi, jan yäkat jakenacampejj mutuyataw uñjasipjje, t'akhesiyataw uñjasipjjaraqui, ucat jupanacar yanapt'añatac sartasï, yanapt'ayasiñ munataparjamaw yanapt'ä” sasa.

Salmos 46:1

Diosaw imantasiñasajja, ch'amañchirisasa, jupaw chijinacan arjjatirisajja.

Salmos 76:10

Jaken tipusiñapajj jumar jach'añchañaruw tucu, juc'a k'apisiñapas jumaruw jach'añchi.

Salmos 9:9

Tatituw t'akhesiyat jakenacarojj arjjatasqui, jupaw llaquisiñ pachanacan imasqui.

Éxodo 2:6

Apsunisasti faraonan phuchapajja uca canasta jist'aräna, ucampis uca mankhena wawajj wali jachatap laycusti qhuyapt'ayasaw arsüna: —¡Acajj hebreonacan wawaparaquisä! —sasa.

Éxodo 7:15

Arumanthi alwatasti, faraonajj cunapachatejj jawiraru sarcani ucqhasti jumajja jicjjatiriw saräta. Ucatjja Nilo sat jawir thiyaru purisajja ucatwa suyt'äta, ucampis cawquïr jach'a thujrumatejj catariru tucqui ucjja apasiraquïtawa.

Éxodo 8:20

Tatitusti Moisesarojj sänwa: —Faraonasti arumanthejja jawiraruw sarani, ucampis jumajja wali alwata sartasinjja saram aqham siri: ‘Tatitojj siwa: Antutjjam marcajjaru nayar yupaychiri sarjjapjjañapataqui.

Proverbios 21:1

Reyin amtatanacapajj Tatitun amparapanquiwa; Tatituraquiwa sarayasqui, cunjämatï jawiranacajj sarasqui uqhama.

Jonás 1:17

Uccañcamasti, Tatitojj mä wali jach'a chawllwa waquichäna Jonasar mank'antañapataqui. Uqhamaw Jonasajj quimsa urumpi quimsa arumampi chawlla purac mankhancascäna.

Jonás 2:10

Ucatsti Tatitojj waquicharaquïnwa chawllajj waña orakeru Jonasar wak'sjjañapataqui.

Hechos 7:21

Cunapachatejj uca wawajj apanucutäcäna ucqhajja, Egiptonquir reyin phuchapaw uca wawjja aptasi. Jupasti utapar apasjjasinjja wawapäcaspas uqhamwa Moisesarojj uywasïna.