1 Reyes 17:6 - Qullan Arunaca

⁶ Cuervo sat jamach'inacawa t'ant'ampi aychampi aparapipjjerïna alwanacasa, jayp'unacasa. Umsti umänwa uca jawirata.

Aymar Bibliia 1986

⁶ Cuervo sat jamach'inacawa t'ant'ampi aychampi aparapipjjerïna alwanacasa, jayp'unacasa. Umsti umänwa uca jawirata.

Qullan Arunaka DC

⁶ Cuervo jamach'inakaw qhantatinakasa, jayp'unakasa jupatakix t'ant'ampi aychampi aparapipxirïna. Umsti uka jawirat jupax umäna.

1 Reyes 17:6 Jak'a apnaqawi uñst'ayäwi

1 Reyes 13:28

Ucatsti awqui profetajj sarawayasinjja jicjjatiwa thaquina jiwataru jaktatäsquiri, uca thiyansti ucancascaraquïnwa asnompi leonampi. Leonasti janiw jiwatarojj mank'antcänti, ni asnorusa jisc'a jisc'a tucjcaraquïnti.

1 Reyes 17:5

Cuntï Tatitojj siscäna, ucwa Eliasajj luräna, ucatsti jupajj sarasinjja kheparjjänwa Querit sat jawiraru jacañataqui, Jordán jawirat inti jalsu tokena.

1 Reyes 17:7

Ucampis mä kawkha urunacatjja uca jawirajj wañt'jjänwa, uca oraken jan jallojj puritap laycu.

1 Reyes 19:6

Eliasajj take toke uñatatasïna, ucatsti uñjänwa ch'ijmañapana nina sanc'aru khatit mä tortampi, uqhamarac mä wayucha umampi. Ucatjja sartasisinjja mank'änwa, uqhamarac umt'araquïna; ucatsti wastataw icjawayjjäna.

1 Reyes 19:8

Eliasasti sartasisinjja mank'äsinwa, umt'asiraquïnwa. Ucatjja uca mank'ajja ch'amwa churäna pusi tunca uru, pusi tunca arumampi sarañataqui, Diosan Horeb sat kolluparu puriñcama.

Salmos 33:18

Tatitusti iyawsirinacaparojj sum uñjasqui, qhuyapayasiñap suyt'irinacarojj imasquiwa,

Salmos 37:19

pisi maranacan janiw pist'ayasipcaniti, mach'a pachansti jilarquir mank'añanïpjjaniwa.

Salmos 37:3

Tatiturojj take chuymamp alcatam, asc luraraquim, oraken jacasim, chekaparac jacam;

Éxodo 16:35

Israelitanacasti pusi tunca maraw maná t'ant'jja mank'apjjäna, Canaán orak thiyanacan jakenacajj jacapqui uca orakenacar puriñcama.

Isaías 33:16

ucaw chekpachansa jacanejja, mä suma karka pataruraquiw samart'asini, mank'añapas utjascaquipuniniwa, umas janiw pist'caraquiniti.

Jeremías 37:21

Uqhamasti Sedequías reyejj saraquïnwa, Jeremiasajj guardianacan patioparuqui preso kheparjjañapa, ucatsti sapa ururaqui t'ant'a apapjjañapa, Panaderonacan callepa satäqui uca calleta. Uqhamaw phokhasïna t'ant'ajj marcan utjcän uca urunacajja. Uqhamatwa Jeremiasajj guardianacan patiopana preso khepararaquïna.

Jeremías 40:4

Jichhajj uñtam, jichhpachaw aca cadenanaca jararjjäma. Jumatejj nayampi chica Babiloniaru sarañ munsta ucqhajj sarätawa; nayaw jumarojj sum uñjascaraquïma. Jan sarañ muncsta ucapachasti acaruqui kheparjjam. Take aca marcpachajj jumanquiwa, cawquirus munta ucaru sarascam jichhajja.

Números 11:23

Ucampis Tatitojj sänwa: —¿Amuytati nayajj janis ch'amanïquirista uqhama? Jichhaw uñjäta phokhasiniti janich phokhasini arsutanacajjajj ucjja.

Mateo 19:26

Jesusasti jupanacar uñtasinjja sänwa: —Jakenacataquejj take acanac lurañajj wali ch'amawa, ucampis Diosataquejj janiw ch'amäquiti —sasa.

Lucas 22:35

Ucat Jesusajj jisct'äna: —Cunapachatï qhitapcsma jan bolsani, jan kollkeni, ni wisqhunsa, ucqhajja ¿cunas jan utjapcayätamjja? —sasa. Jupanacasti sapjjänwa: —Janiw cunasa —sasa.

Hebreos 6:18

Uqhamasti pä luräwiw jan trocasir utji, ucanacatjja Diosajj janiw c'ariscaspati; ucampejj Diosajj mä jan tucusquir chuymachäwi churistu, qhitinacatejj jupan imantasiñ thakapctan, uqhamarac catuyasiractan uca suyt'äwi churquistu ucana.

Jueces 14:14

Sansón chachasti yatjjatapjjañapataquejj sänwa: “Mank'qui ucatjja mank'araquiw mistu, ucampis ch'amanïcäna ucatsti mojjsaraquiw mistsuraqui” sasa. Ucat quimsa uru pasjjatatsti jupanacajj janiw yatjjatañ puedcjjapjjänti.