Éxodo 2:2 - Qullan Arunaca

ucatsti uca warmipajja usuriptasinjja, mä yokall wawa wawachasïna. Ucampis wawapajj suma c'umarätap laycusti jan uñjcañ chekaru imantasinwa quimsa phajjsi uywäna.

Aymar Bibliia 1986

ucatsti uca warmipajja usuriptasinjja, mä yokall wawa wawachasïna. Ucampis wawapajj suma c'umarätap laycusti jan uñjcañ chekaru imantasinwa quimsa phajjsi uywäna.

Qullan Arunaka DC

ukatsti uka warmix usuriptasin mä yuqall wawa wawachasïna. Jupasti wawapan suma uñnaqt'anïtap uñjasaxa, kimsa phaxsiw uka wawar imantäna;

Éxodo 2:2 Jak'a apnaqawi uñst'ayäwi

2 Reyes 11:3

Joás wawasti uywiripampejja sojjta maraw Tatitun templopana imantatäscäna. Uccañcamasti Atalía warmiwa marcarojj apnakascäna.

Salmos 112:5

Asqui jakejj qhuyapayasiñ chuymamp mayt'iriwa, chekap chuymampiw yänacap apnake.

Éxodo 6:20

Amram sat chachasti Jocabed sat tiapampiw casarasïna, ucatsti jupanacan wawanacapajja Aarón, uqhamarac Moisés ucanacänwa. Amramasti patac quimsa tunca pakallkon maraw jacaraquïna.

Números 26:59

Amram chachasti casarasïnwa Leví chachan mä imill wawapampi, sutipasti Jocabed satänwa, jupasti Egipton nacitayna cunapachatejj Leví chachajj Egiptonccän ucqha. Amram, Jocabed ucanacasti Aaronan, Moisesana, Mariana awquipa, taycapänwa.

Hechos 7:20

Ucürunacanwa Moisesajj naciraquïna, Diosataquisti jupajj wali suma wawänwa. Awquinacapasti quimsa phajjsiw utapan imantat juparojj uywapjjäna.

Deuteronomio 33:16

Suma achunacajj aca orake phokt'quis ucanacampi, take chuymapampi jacpan ch'aphinac taypin jacquis ucataqui. Take acanac José chachataquejj jutpan, cawquïritejj jilanacap taypit ajllitäqui ucataqui.

Hebreos 11:23

Iyawsäwi laycuw Moisesajj nascäna ucqhajj awquinacapajj quimsa phajjsi imantapjjäna; wawan wali jiwaquïtapata, janiraquiw reyin: “Jiwayapjjam” sat arsutaparus ajjsarapcänti.

1 Samuel 16:12

Isaí chachajj uca sullca yokaparu jawsiriwa qhitäna. Ucat uca sullquïristi suma wila ajanunïnwa, wali suma uñnakt'aniraqui. Ucat Tatitojj Samuelorojj saraquïna: “Acapï reyitaqui ajllitäñapäqui ucajja. Jichhajj sartasim, ucatsti juparojj reyïñapataqui yakhachjjam” sasa.