Éxodo 6:20 - Qullan Arunaca

²⁰ Amram sat chachasti Jocabed sat tiapampiw casarasïna, ucatsti jupanacan wawanacapajja Aarón, uqhamarac Moisés ucanacänwa. Amramasti patac quimsa tunca pakallkon maraw jacaraquïna.

Aymar Bibliia 1986

²⁰ Amram sat chachasti Jocabed sat tiapampiw casarasïna, ucatsti jupanacan wawanacapajja Aarón, uqhamarac Moisés ucanacänwa. Amramasti patac quimsa tunca pakallkon maraw jacaraquïna.

Qullan Arunaka DC

²⁰ Amram sat chachax Jocabed sat tiapampiw jaqichasïna, wawanakapasti Aarón, Moisés jupanakawa. Amramasti patak kimsa tunka paqallqun maraw jakäna.

Éxodo 6:20 Jak'a apnaqawi uñst'ayäwi

1 Crónicas 23:13

Amram chachan wawanacapasti acanacäpjjänwa: Aarón, Moisés ucanaca. Aarón chachasti Diosan ajllitänwa kollana ofrendanaca loktañapataqui, ucatsti Tatitun nayrakatapana incienso naqhayañapataqui, sirviñataqui, bendición arunacsa wiñay arsuñapataqui; uca lurañanacsti Aaronampi, wawanacapampiw wiñayataqui lurapjjañapänjja.

Éxodo 6:16

Levi chachasti patac quimsa tunca pakallkon maraw jacäna, wawanacapan sutinacapasti jilïrit sullcacamajj acanacänwa: Gersón, Coat, Merari ucanaca.

Éxodo 6:18

Coat chachasti patac quimsa tunca quimsani maraw jacaraquïna, wawanacapasti acanacänwa: Amram, Izhar, Hebrón, Uziel ucanaca.

Números 26:58

Libnitanacana, hebronitanacana, mahlitanacana, musitanacana, coreitanacana jach'a familianacapajj levitanacan jach'a familianacapänwa. Coat chachasti Amram chachan awquipänwa.

Números 26:59

Amram chachasti casarasïnwa Leví chachan mä imill wawapampi, sutipasti Jocabed satänwa, jupasti Egipton nacitayna cunapachatejj Leví chachajj Egiptonccän ucqha. Amram, Jocabed ucanacasti Aaronan, Moisesana, Mariana awquipa, taycapänwa.

Números 3:1

Cunapachatejj Tatitojj Moisesaru Sinaí kolluna parlcän ucapachajj Aaronampina, Moisesampina wawanacapajj acanacänwa:

Josué 21:4

Nayrakatasti suertejj levitas sat familiaruw wact'äna, cawquirinacatï Coat chachan wawapäpjjäna, uqhamaraqui Aarón sacerdoten wawanacaparaqui. Tunca quimsan marcanacaw wact'äna, cawquïrinacatï Judá, Simeón, uqhamaraqui Benjamín tribun orakepancapqui ucanaca.