Éxodo 18:3 - Qullan Arunaca

Mayni wawapasti Gersón satänwa, ucatsti Moisesajj sänwa: “Nayajj jaya marcanquirïtwa, yakhan orakepanjja” sasa.

Aymar Bibliia 1986

Mayni wawapasti Gersón satänwa, ucatsti Moisesajj sänwa: “Nayajj jaya marcanquirïtwa, yakhan orakepanjja” sasa.

Qullan Arunaka DC

pani wawapampiruw katuqatayna. Jupanakat maynix Guersón sutinïnwa, Moisesasti akham satayna: “Nayax jaqin uraqipan sart'ir jaqikïtwa” sasa.

Éxodo 18:3 Jak'a apnaqawi uñst'ayäwi

1 Crónicas 23:15

Moisesan wawanacapasti acanacänwa: Gersón, Eliezer ucanaca.

Salmos 39:12

“Tatay, mayisitajjar ist'am, arnakasitajjar yäkam, janiquiy jachatajjataquejj okarar tucumti: nayajj juman jawst'ataquïtwa, nayrapach awquinacajj-jam sarir jakequïtwa.

Éxodo 2:22

Ucampis Moisesan warmipajja mä yokall wawa wawachasïna, ucatsti Moisesajj, wawaparojj Gersón sasaw sutichäna, saraquïnwa: “Nayajja janiw aca orakenquirïcti” sasa.

Éxodo 4:20

Moisesajja, warmipa, wawapa mä asnoru konjjatayawayasinjja Egipto orakeruw cutt'äna. Uqhamarac amparaparusti ayjjarusiwayaraquïnwa cuntejj Diosajj churcäna uca jach'a thujrupa.

Hechos 7:29

Uc ist'asinsti, Moisesajj jaltjjewa, ucatsti Madián sat chekaruw sarjje. Ucansti yakha marcanquir jakjamaw jacäna, pä wawaniraquïnwa.

Hebreos 11:13

Take uca jakenacajj cuntejj Diosajj churañatac arsuwaycäna uc jan catokasaw jiwarapjje, ucampis iyawsañanïpjjatap laycojj jayatac uñtapjjäna. Uqhamatwa yatiyapjjäna acapachana sarir jakenacäpjjatapa.

1 Pedro 2:11

Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.

Jueces 18:30

Danitanacajja uca suma lurata c'ari diosjja mä chekaru uchasinjja ucaruwa yupaychapjjäna, sacerdotsti Jonatán, Gersón sat chachan yokapa, uqhamarac Moisesan allchhipwa, utt'ayapjjaraquïna. Uca khepatsti Jonatanan wawanacapawa danitanacan sacerdotepäjjänjja, jayaru apatäñcama.