Éxodo 17:13 - Qullan Arunaca Ucatsti Josué chachajja amalecitanacarojj espadampcamaw tucjäna. Aymar Bibliia 1986 Ucatsti Josué chachajja amalecitanacarojj espadampcamaw tucjäna. Qullan Arunaka DC Josué chachasti espadampkamaw amalecitanakarux atipjäna. |
Ucampis Moisesarojj amparanacap altoru loktatajj karjtjjänwa, ucatsti mä kala aptanisajja uca patjjaru Moisesarojj kont'ayasinwa Aaronampi, Hur sat chachampejj amparanacapat catjjäsipjjäna, maynejja maysata maynisti maysata uqhama. Ucatsti uqhamatwa Moisesan amparapajj altor lokjjäsiyatäna inti jalantañapcama.
Ucat Tatitojj Moisesarojj saraquïnwa: —Acsti mä libroru kellkam amtatäñapataqui, ucatsti Josué chacharojj saraquim, nayasti amalecitanacarojj jan mayampitaquiw chhaktayjjäjja —sasa.
Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.
Uca quipca uruw Josué chachajj Maceda marcar mantasina t'unjäna, marcan jakenacaparu espadampi jiwarayasa, Diosarus sacrificio loktcaspa uqhama, jan mayniru khespiyasa. Maceda marcan reyiparojj cunjämtï Jericó marcan reyiparojj lurcäna uca quipcaracwa luraraquïna.
Pä uru pasipanjja, Tatitojj Laquis marcjja jupanacaruw catuyäna, ucanjja israelit jakenacajj espadampi take jakeruw jiwarayapjjäna uqhamaraqui takpach uywanacaparusa.
Cunapachatejj israelitanacajj uca marcar mantapjjän ucqhajj, reyiparusa, take jakenacarusa, take uywanacarusa jiwarayapjjänwa, uqhamaraquiw cawquïri marcanacatï uca jac'anacan utjapcän ucanacarusa janiw perdonapcänti; cunjämtï Eglón marcarojj lurapjjänjja uqhamaraquiqui uca marcanacarojj lurapjjäna.
Uca pachparacwa maynïri suma arust'äwir mantir marcanacarojj luräna, reyinacapar jiwarayasa uqhamaraqui take cunatï utjcän ucanac t'unjasa, cunjämatï Tatitun sirviripa Moisesajj siscäna uqhamar phokhasa.