Éxodo 17:14 - Qullan Arunaca

¹⁴ Ucat Tatitojj Moisesarojj saraquïnwa: —Acsti mä libroru kellkam amtatäñapataqui, ucatsti Josué chacharojj saraquim, nayasti amalecitanacarojj jan mayampitaquiw chhaktayjjäjja —sasa.

Aymar Bibliia 1986

¹⁴ Ucat Tatitojj Moisesarojj saraquïnwa: —Acsti mä libroru kellkam amtatäñapataqui, ucatsti Josué chacharojj saraquim, nayasti amalecitanacarojj jan mayampitaquiw chhaktayjjäjja —sasa.

Qullan Arunaka DC

¹⁴ Uka qhipatsti, Tatitux Moisesar akham sarakïna: —Kunatix aka nuwasïwin luraski ukxa qillqam, jan khitin armasiñapataki; Josué chacharusti sarakim, nayaw amalecitanakarux jan mayampitak chhaqtayä —sasa.

Éxodo 17:14 Jak'a apnaqawi uñst'ayäwi

2 Samuel 1:1

Saúl reyin jiwjjatapatsti, Davidajj Siclag chekaruw cuttjjäna, amalecitanacaru atipjasinjja, ucansti pä uruw kheparäna.

2 Samuel 8:12

Edom, Moab, Amón, filisteonacata, amalecitanacata, uqhamaraqui cuntejj Hadad-ezer reyit guerran aparancataynas ucanacänwa. Uca Hadad-ezer jakesti Rehob jaken yokapänwa, Soba marcan reyipa.

1 Crónicas 4:42

Ucjjarusti Simeón chachan wawanacapatjja, pheska pataca chachanacawa Seir sat kolluru sarapjjäna, aca chachanacat jilïrinacani: Pelatías, Nearías, Refaías, Uziel, Isi ucan wawanacapa.

1 Crónicas 4:43

Ucatsti jupanacajj amalecitas uca jakenacajj jilt'apcäna ucanacaruwa tucjapjjäna. Ucqhatpachawa ucan jacasipqui jichhürcama.

Esdras 9:14

ucatsti nanacajj ¿wastatampiti camachi arunacamaru jan phokhañaru puripjjeristjja, ajjtcaña luräwinacani jakenacampi familiachasisinjja? ¿Janiquiti jumajj colerascasma nanac toke, ucatsti tucjapjjaraquitasmajja, jan maynis nanac taypita jacañapcamajja?

Job 18:17

Jan mayampi amtascañataquiw aca oraketjja chhaktjjani, sutipasti janiraquiw mayampisa aytatäcjjaniti.

Job 19:23

“¡Walïspawa maynina nayan arunacajja kellkañapajja, ucatsti ucanacjja mä metalaru kellksuta jaytaspa!

Salmos 9:6

Timasirejj wiñay t'unjäwimpiw tucusjje, marcanacap tincuytajja, sutipasti wiñayatac chhaktayatawa.

Éxodo 12:14

Jumanacasti aca urjja amtasipjjapunïtawa. Ucampis Tatitur jach'ar aptañampiw aca fiestjja lurapjjäta, acasti mä leyi churatawa uca laycusti wawanacaman, wawanacapaw wiñaya amtani.

Éxodo 13:9

‘Jumanacasti amparanacamaru, uqhamarac para patanacamaruw mä unancha apapjjäta, ucawa amtayapjjätam Tatitun camachipat parlapjjañamataqui, jupawa jach'a ch'amapampi Egipto marcatjja apsunipjjtamjja.

Éxodo 17:13

Ucatsti Josué chachajja amalecitanacarojj espadampcamaw tucjäna.

Éxodo 24:4

Ucampis Moisesajj kellkänwa cunanactejj Tatitojj siscäna ucanaca, ucat khepärmanthi alwata sartasinsti jupajj kollu cayurojj mä altarwa luräna, uqhamarac altar thiyarojj tunca payan kala uchäna; Israelanquir sapa tributjja mä kala uchasa.

Éxodo 32:33

Ucampis Diosajj Moisesarojj sänwa: —Nayan librojjatsti, qhititejj naya contra jucha lurcani ucaruquiw sutipjja apsöjja.

Éxodo 34:27

Tatitusti Moisesarojj sänwa: “Kellkam aca arunaca, aca arunacampiw sumaru manttanjja jumampi, uqhamarac israelitanacampisa.”

Proverbios 10:7

Asqui jaketjja suma amtañaw utji, ucampis ñankha jakerojja mäquiwa armatäjje.

Jeremías 30:2

“Naya, Israelan Diosapa Tatituw arsta: Take cuntejj siscäma uca arunacjja mä libroru kellkantam,

Jeremías 36:2

“Mä kellkañ rollo catum, ucatsti ucaru kellkaraquim, cuntejj Israel marcjjata, Judá marcjjatsa, yakha marcanacatsa siscäma take ucanaca, cuntejj Josías reyin urunacapatpacha parljjaysma jichhürcama take uca arunaca.

Números 24:20

Ucatsti Balaamajj Amalec orak tokeru uñtasajj aca arunacwa arsüna: “Amalec marcajj take marcanacan p'ekepawa, ucampisa k'ala t'unjataw uñjasini” sasa.

Números 33:2

Moisesasti kellkänwa take cawqha chekanacarutejj puripjjäna ucanacan sutinacapjja, cunjämatejj Tatitojj siscatayna uqhamarjama. Take aca chekanacanwa kheparapjjäna mistunipcataynas ucanacampi chica.

Deuteronomio 31:9

Moisesasti aca leyinacjja kellkantänwa, ucatsti sacerdote levitanacaruw churäna, cawquïrinacatï utt'ayatäpcän Diosan Sumancayiri Arcap apañataqui, uqhamaraquiw churäna Israel marcan jilïri jakenacaparusa.

Josué 4:7

Jumanacasti aqham sapjjätawa: ‘Cunapachatejj Diosan Arust'äwi Arcapajj Jordán jawira maqhatascäna ucqhajj umasti payaruw t'akjtäna Diosan arcapa nayräjjana, sasa. Aca kalanacajj israelit jakenacataquejj khepa urunjja cunatï pascäna ucanac amtasiñataquiw uchata’ ” sasa.

1 Samuel 15:18

Jichhajj Tatitutejj jumaru uca ñankha jucharar amalecita jakenacaru k'ala t'unjaniñamataqui qhitchhïyätamjja,

1 Samuel 30:1

Quimsüru sarakatatsti, Davidampi jakenacapampejj Siclag marcaruw puripjjäna. Ucansti jicjjatapjjaraquïnwa amalecita jakenacajj Néguev sat orakeru mantanipjjatapa, ucatsti Siclag marcaru nuwantapjjatapa t'unjasa, ninampi phichhantasa.

1 Samuel 30:17

Uqhamasti Davidajj alwata, jayp'ucamawa jupanacarojj nuwaräna, k'alwa jupanacarojj tucjaraquïna, ucampisa pusi patac waynanacaquiw camellonacaparu lat'jjatasina jaltjjapjjatayna.