Josué 10:28 - Qullan Arunaca

²⁸ Uca quipca uruw Josué chachajj Maceda marcar mantasina t'unjäna, marcan jakenacaparu espadampi jiwarayasa, Diosarus sacrificio loktcaspa uqhama, jan mayniru khespiyasa. Maceda marcan reyiparojj cunjämtï Jericó marcan reyiparojj lurcäna uca quipcaracwa luraraquïna.

Aymar Bibliia 1986

²⁸ Uca quipca uruw Josué chachajj Maceda marcar mantasina t'unjäna, marcan jakenacaparu espadampi jiwarayasa, Diosarus sacrificio loktcaspa uqhama, jan mayniru khespiyasa. Maceda marcan reyiparojj cunjämtï Jericó marcan reyiparojj lurcäna uca quipcaracwa luraraquïna.

Qullan Arunaka DC

²⁸ Uka pachpa urusti, Josué chachax Maquedá markar katuntasax q'alpun tukjäna; uka markan jakirinakarux espadampkamaw jiwarayäna, janirakiw maynis jakkänti. Maquedá markankir reyiparux kunjämtix Jericó markankiri reyirux lurkatayna uka kipkarak luräna.

Josué 10:28 Jak'a apnaqawi uñst'ayäwi

Salmos 110:1

Tatitojj Reyejjarojj sänwa: “Cupëjjajjar kont'asim, timanacamar tacjjatayañajjcama” sasa.

Lucas 19:27

Qhitinacatï nayan reyïñajj jan munapcän uca uñisirinacajj-jja acar aptanipjjam, ucatsti nayan nayrakatajjan jiwarayapjjam’ ” sasa.

1 Corintios 15:25

Cristojj reinañapawa Diosajj take uñisirinacapar Cristompi atipjaycani ucqhacama.

Deuteronomio 2:34

Take marcanacapwa catuntapjjtanjja, uqhamaraqui take t'unjapjjaractajja, ucatsti take chachanaca, warminaca, wawanaca, jiwarayapjjtanjja, janiraquiw maynirus jacayctanti,

Deuteronomio 7:16

Ucatsti jumanacajj take cawquïri marcanactï Tatitu Diosajj amparanacamaru catuyapcätam ucanac t'unjapjjäta. Janirac jumanacajj jupanacat qhuyapayasipjjamti ni diosanacaparus yupaychapjjamti, uqham lurapjjasma ucqhajj aynacht'añaruw puripjjasma.

Deuteronomio 7:2

Cunapachatejj Tatitu Diosamajj uca marcanac amparanacamaru catuyapjjätam, uqhamaraqui atipjapjjät ucqhajj janiw jumanacajj cunsa jumanacatac catusipjjätati, jan ucasti take yänac t'unjapjjäta, janiraquiw cuna suma arust'äwirus jupanacampi mantapjjätati ni jupanacat qhuyapayasipjjätasa.

Josué 10:30

Tatitusti uca marcjja jupanacarojj catuyaraquiquïnwa take cunanacatï utjcän ucanacamppacha, janiraquiw qhitisa ni cunasa khespiyata kheparcjjänti, Libna sat marcan reyiparojj Jericó marcan reyiparjamaraquiquiw luräna.

Josué 10:32

Pä uru pasipanjja, Tatitojj Laquis marcjja jupanacaruw catuyäna, ucanjja israelit jakenacajj espadampi take jakeruw jiwarayapjjäna uqhamaraqui takpach uywanacaparusa.

Josué 10:35

Uca quipca ururaquiw k'ala uca Eglón marcan jaquir jakenacarojj espadampi jiwarayapjjäna, janiraquiw maynis khespcänti.

Josué 10:37

Cunapachatejj israelitanacajj uca marcar mantapjjän ucqhajj, reyiparusa, take jakenacarusa, take uywanacarusa jiwarayapjjänwa, uqhamaraquiw cawquïri marcanacatï uca jac'anacan utjapcän ucanacarusa janiw perdonapcänti; cunjämtï Eglón marcarojj lurapjjänjja uqhamaraquiqui uca marcanacarojj lurapjjäna.

Josué 10:39

Israelit jakenacajj cunjamtï Hebrón marcaru, uqhamaraqui Libna marcarus lurapcäna, uca quipcaraquic Debir marcan jakenacaparojj jiwarayapjjäna jan mayniru, reyiparus uqhamarac marca masinacaparusa.

Josué 12:15

Libna marcan reyipa, Adulam marcan reyipa;

Josué 12:16

Maceda marcan reyipa, Betel marcan reyipa;

Josué 15:41

Gederot, Bet-dagón, Naama, uqhamaraqui Maceda marca; tunca sojjtan marcanacänwa jisc'a marcanacampi cuna.

Josué 6:21

Ucjjarusti jiwarayapjjänwa espadampi take jakenacaru, warminacaru, waynanacaru, chuymani jakenacar cuna; uqhamaraquiw take uywanacaru, vacanacaru, ovejanacaru, asnonacarusa. Take cunatï Jericó marcan utjcäna ucanac jiwarayapjjäna, Diosaru mä sacrificio loktasina.

Josué 8:2

Jumasti cunjämtï lurta Jericó marcampejja uca quipca luraraquïta Hai marcarojja uqhamaraqui reyiparusa. Acamänsti jumanacaw take yänacap jumanacataqui apasinjjapjjäta, uqhamaraqui animalanacapsa. Jichhajj waquichasimay Hai marcaru acatjamat khepäjjat t'unjañataqui” sasa.

Josué 9:3

Ucampisa gabaonita jakenacajj sumwa yatipjjäna cunjamtï Josué chachajj lurcatayna Jericó marcampejja uqhamaraqui Hai sat marcampisa ucanacjja,