Tatitusti ucapachajj saraquïnwa: —Jichhajj yatiñamajj waquisiwa; wawanacamajj yakha marcanacanwa jacapjjani, ucansti esclavöpjjaraquiniwa, pusi patac maranacaw ucanjja t'akhesiyatäpjjaraquini.
Éxodo 1:13 - Qullan Arunaca Egipcio jakenacasti israelitanacarojj wali t'akhesiyañampiw sirviyasipjjäna. Aymar Bibliia 1986 Egipcio jakenacasti israelitanacarojj wali t'akhesiyañampiw sirviyasipjjäna. Qullan Arunaka DC Egipcio jaqinakax israelitanakar ch'ama lurañanakamp walpun t'aqhisiyäna. |
Tatitusti ucapachajj saraquïnwa: —Jichhajj yatiñamajj waquisiwa; wawanacamajj yakha marcanacanwa jacapjjani, ucansti esclavöpjjaraquiniwa, pusi patac maranacaw ucanjja t'akhesiyatäpjjaraquini.
ucatsti sänwa waynanacajj cuna arunactejj sapcäna ucanaca: “Awquejjatejj ch'ama lurañanaca wayt'apjjchïyätamjja, nayajj juc'amp ch'ama lurañanacwa wayt'apjjäma, uqhamarac awquejjatejj jumanacaru chicotempi jawk'apjjchïyätam ucajja, nayajj hierro puntani chicotempiw jawk'apjjäma” sasa.
jupatejj churapjjchïyätam ch'ama tucuñampi sirviña ucajja, nayajj juc'amp ch'ama tucuñampi sirviñwa churapjjäma; jupatejj lazompi jawk'apjjchïyätam ucajja, nayasti hierro puntan chicotempiw jawk'apjjäma’ —sasa.
Egipto orakenquirinacarusti chuymanacap mayjt'ayäna Diosan marcapar uñisipjjañapataqui, uywatanacapar jan walinac lurapjjañapataqui.
Ucatsti israelitanacajj wali t'akhesiyata jacasinjja, ñek'eta adobenaca lurapjjäna, uqhamarac camponjja cunanacatejj lurañanacajj utjqui ucanacwa lurapjjäna, take aca lurañanacansti israelitanacajja wali t'akhesiyatäpjjänwa.
Mä jan wali apnaker khoru jilïrejj, wararir leonjamawa, jan ucajj mank'at awtjat osor uñtatawa pobre jakenacar t'akhesiyas apnake.
Jan jupanacarojj khoru cancañampi uñjamti, jan ucasti Diosaru ajjsartam jupajj jumanacan Diosapätap laycu.
Ucasti jumanacarojj Tatituw irpsunipjjtam qhä Egipto hierro umatatayañ hornota, uqhamarac jupan marcapa tucuyapjjtam, cunjämatejj jichhajj jicjjatasipjjta uqhama.