Efesios 4:8 - Qullan Arunaca Ucatpï kellkatanjj sejja: “Alajjpacharuw maqhati, presonac irpt'ata, ucatsti churäwinacracwa jakenacarojj churi” sasa. Aymar Bibliia 1986 Ucatpï kellkatanjj sejja: “Alajjpacharuw maqhati, presonac irpt'ata, ucatsti churäwinacracwa jakenacarojj churi” sasa. Qullan Arunaka DC Ukat Qillqatax saraki: “Alaxpacharux katuntatanak irpt'ataw makhati, jaqinakarusti luräwinak churi” sasa. |
Ucatsti Ester reynarojj mä jach'a mank'äwimpiw jach'añchañjja churänjja, jach'ar aptasinsti uca fiestarojj jawsayänwa take jilïrinacaru, uqhamarac marcpachan yanapirinacaparu. Ucjjarusti provincianacarojj impuestonacsa menost'ayaraquïnwa, uqhamarac walja wajjt'äwinacaracwa churaraquïna mä suma reyjamajja.
Diosay, alajjpacharuw maqhattajja, catuntat jakenac anaquisa; churäwir uñtat jakenac catokastajja. Tatay, jumar kallcatir jakenacamppachaw jumar maqhatjjapjjtamjja.
¿Qhitis alajjpacharu maqhati, sarakanisa? ¿Qhitis thayarojj amparapar k'apjjäsispajja? ¿Qhitis lamar kotarojj isipampi llawuntaspajja? ¿Qhitis oraken korpanacapjja utt'ayejja? ¿Jumajj yattati jupan sutipjja, uqhamarac wawapan sutipsa?
Ucatsti juparaquiw sapa maynirus amuyt'añ churi, mayninacarojj apostolöña, mayninacarojj Diosat catokat arunac khanañchaña, mayninacarusti khespiyasiñ arunac parlaña, mayninacarusti pastoräña, yatichirïñaraqui.
Tatit Jesucristo tokew Dios Awquejj take ajayunacan ch'amanacaparojj atipjawayi. Khanpacharacwa mä p'enka jupanacarojj jisc'achjawayi, presöpcaspas uqhama jupan atipjatapampi apasina takenin uñjcata.
“¡Sartasim, Débora, sartasimaya; sartasim mä k'ochu k'ochuñataqui! ¡Jumasti, Barac, Abinoam chachan yokapa, sartasim preso catuntatanacama apasjjañataqui!
Davidasti cunapachatejj Siclag sisqui uca chekaru purjjäna ucapachasti, Judá orakenquiri jilïr jakenacaru, uqhamarac qhitinacatejj amigonacapäcäna ucanacarusa, cuntejj uñisirinacapat aparancatayna ucanacatjja mä chicat apayäna, aqham sasa: “Aca wajjt'añajj jumanacataquiwa, cuntejj Tatitun uñisirinacapat aparcta ucata mä chicatawa acajja” sasa.