Jueces 5:12 - Qullan Arunaca

¹² “¡Sartasim, Débora, sartasimaya; sartasim mä k'ochu k'ochuñataqui! ¡Jumasti, Barac, Abinoam chachan yokapa, sartasim preso catuntatanacama apasjjañataqui!

Aymar Bibliia 1986

¹² “¡Sartasim, Débora, sartasimaya; sartasim mä k'ochu k'ochuñataqui! ¡Jumasti, Barac, Abinoam chachan yokapa, sartasim preso catuntatanacama apasjjañataqui!

Qullan Arunaka DC

¹² “¡Sartasim, Débora, sartasim; sartasim mä q'uchu q'uchurakim! ¡Jumasti Barac, Abinóam chachan yuqapa, sarthapim, katuntat jaqinakamar apasxam!

Jueces 5:12 Jak'a apnaqawi uñst'ayäwi

Salmos 108:2

Arpa, salterio, sartasipjjam, nayajj khantat willjtaruw sartä;

Salmos 57:8

Almajjay, p'arjjtasimaya; arpamp salteriompi, p'arjjtasipjjam, nayasti machak khantatiruw p'arjjtaraquï.

Salmos 57:9

Tatay, marcanac nayrakatan jach'añchäma, marcanac nayrakatan k'ochunacamp yupaychäma.

Salmos 68:18

Diosay, alajjpacharuw maqhattajja, catuntat jakenac anaquisa; churäwir uñtat jakenac catokastajja. Tatay, jumar kallcatir jakenacamppachaw jumar maqhatjjapjjtamjja.

Isaías 14:2

Walja marcanacaraquiw israelitanacarojj catokapjjani, marcapcamaraquiw mayaqui jutapjjani, israelitanacasti esclavotwa jupanacarojj catuntapjjani Tatitun orakepanjja. Israelitanacasti, preso catuntatwa apapjjani, qhitinacatejj jupanacarojj t'akhesiyapcän ucanacarojj t'akhesiyapjjaraquiniwa.

Isaías 33:1

¡Ay, cunaquïcan jumataquejj marcanac t'unjiri, ucampis janiw t'unjatäctati, ch'ojjña luriri, ucampis janiw ch'ojjña luratäctati! Jumajj t'unjañ tucuycäta, ucspacharaquiw jumarojj t'unjapjjätam, ch'ojjña lurañ tucuyascäta, ucspacharaquiw jumarojj ch'ojjña lurapjjätam.

Isaías 51:17

Sartasim, sartasim, Jerusalén, sayt'asim. Jumaw Tatitun colerasiñapatjja t'akhestajja, cunjämtejj maynejj mä copa umt'asajj tak umsusajja machjasejja, uqhama.

Isaías 51:9

Sartasimay, sartasimay, Tatitun amparapa, ch'amañcht'asimay, sartasimay cunjämtejj nayrapachanacanjja sartasirïcta uqhama. Jumaw uca ajjsarcañ jach'a Rahab sat dragonarojj jisc'a jisc'a tucjtajja,

Isaías 60:1

Jerusalén, mä c'ajquir khanampi llawuntata sartasim, khanamasti purinjjewa, Tatitun c'ajquir khapak cancañapasti jumjjan khani.

Jeremías 31:26

Uqhamatwa nayajj uñatatta, sartaracta. Samcajjasti wali sumänwa nayataquejja.

1 Corintios 15:34

Jumanacajj sum amuyasipjjam, janirac juc'ampi juch lurcjjapjjamti. Jumanacat yakhepanacasti janïraw Diosar uñt'apquiti, acsti sistwa jumanacan p'enkasipjjañamataqui.

Efesios 4:8

Ucatpï kellkatanjj sejja: “Alajjpacharuw maqhati, presonac irpt'ata, ucatsti churäwinacracwa jakenacarojj churi” sasa.

Efesios 5:14

Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa.

2 Timoteo 2:26

Uqhamata p'arjjtapjjañapataqui, ucatsti Supayan sipitapatsa jaltapjjañapataqui, cawquïritejj preso catjjäsqui uqhamarac cuntejj juparojj lurañ munqui ucata.

Jueces 5:13

“Ucampis israelitanacajj sarakanipjjänwa, ch'amaninacampi nuwasiñataqui; nayäpanwa Diosan tamapajj sarakanipjjäna, nuwasir jutir jakenacampi nuwasiñataqui.