2 Samuel 8:5 - Qullan Arunaca

Ucatjja janc'aquiraquiw sirio jakenacajj purinipjjäna Hadad-ezer sisqui ucaru yanapt'añataqui, jupanacasti Damasco marcatwa purinipjjäna, Soba orakenquir reyipar yanapt'añataqui, ucampisa Davidajj uca sirionacarus atipjaraquiquïnwa, jupanacatsti pä tunca payan waranka jakenacaruw jiwarayaraquïnjja.

Aymar Bibliia 1986

Ucatjja janc'aquiraquiw sirio jakenacajj purinipjjäna Hadad-ezer sisqui ucaru yanapt'añataqui, jupanacasti Damasco marcatwa purinipjjäna, Soba orakenquir reyipar yanapt'añataqui, ucampisa Davidajj uca sirionacarus atipjaraquiquïnwa, jupanacatsti pä tunca payan waranka jakenacaruw jiwarayaraquïnjja.

Qullan Arunaka DC

Ukatsti, Damasco markankir sirio jaqinakaw Sobá markan Hadad-ézer reyipar yanapt'ir purinipxäna, ukampis Davidax uka sirionakar atipjarakïnwa, jupanakat pä tunka payan waranqa jaqinakaruw jiwarayäna.

2 Samuel 8:5 Jak'a apnaqawi uñst'ayäwi

2 Samuel 10:6

Amonita jakenacasti amuyasipjjaraquïnwa Davidataquejj wali uñisisiri jakenacäpjjatapa, pä tunca waranka sirio soldadonaca pagoncama catupjjatapata Bet-rehob, uqhamaraqui Soba uca chekana, Maaca marcan reyiparusti waranka jakenacampi, Is-tob sisqui uca chekatsti tunca payani waranka jakenaca catupjjatapa.

2 Samuel 8:3

Davidasti Hadad-ezer sisqui uca Rehob jaken yokaparus atipjaraquïnwa, qhititejj Soba oraken reyïcan ucaru, cunapachatejj acajj wasitat orakenacapa Eufrates jawir token aptasjjañ munäna ucapacha.

Job 9:13

Diosan colerasitaparojj janiw qhitis t'acuraycaspati; Rahab sat jach'a ajjsarcañ animalan arquirinacapasa Diosan nayrakatapanjja qhathatipjjewa.

Isaías 31:3

Egipcionacajj jakenacawa, janiw jupanacajj diosäpquiti; caballonacapajj janchiwa, janiw ajayüquiti. Tatitojj amparap aytani jupanacar mutuyañataqui, arjjatirisa, arjjatayasirisa aynacht'apjjaniwa, takeniraquiw tucusipjjani.

Isaías 7:8

Damascosti Siria marcan capitalapawa, Rezín sat reyisti uca Damasco marcan reyiparaqui. Samariasti Efrainan capitalapawa, Remaliasan yokapasti Samarian reyiparaquiwa. Ucampisa acat sojjta tunca pheskani mararojja Efraín marcajj janiw juc'ampi utjjaniti; uqhamaraqui jumanacatejj jan suma iyawsañanïpcsta ucapachajja janiraquiw suma ch'amani sayt'asipcätati.’