2 Samuel 8:6 - Qullan Arunaca

⁶ Ucatsti Davidajj janc'aquiw Damasco marcarojj guardianaca uscuraquïnjja Siria tokena, sirio jakenacasti Davidan apnakataw uñjasipjjäna, uqhamaraqui impuestonacsa pagapjjaraquïna. Uqhamaw Tatitojj Davidarojj atipjañ churäna, cawqharutejj sarcäna uca chekanacanjja.

Aymar Bibliia 1986

⁶ Ucatsti Davidajj janc'aquiw Damasco marcarojj guardianaca uscuraquïnjja Siria tokena, sirio jakenacasti Davidan apnakataw uñjasipjjäna, uqhamaraqui impuestonacsa pagapjjaraquïna. Uqhamaw Tatitojj Davidarojj atipjañ churäna, cawqharutejj sarcäna uca chekanacanjja.

Qullan Arunaka DC

⁶ Ukatsti Davidax Siria tuqin jank'akiw Damasco markarux uñjirinak uskurakïna, sirio jaqinakasti Davidan apnaqataw uñjasipxäna, juparuw qullqsa churapxarakïna. Tatitux Davidar ukham atipjayäna, kawkharutix sarkäna uka chiqanakana.

2 Samuel 8:6 Jak'a apnaqawi uñst'ayäwi

2 Samuel 10:19

Ucanac uñjasasti cawquïri reyinacatejj Hadad-ezer reyimpi mayacht'asipcatayna ucanacasti, israelitanacan uqham atipjapjjatapa uñjasinsti, israelitanacampejj sumaruw mantjjapjjäna; israelitanacaru jaysasaraquiw sarnakapjjäna. Ucat ucsarusti, sirionacajj amonita jakenacaru yanapañjja ajjsarjjapjjänwa.

2 Samuel 23:14

Davidasti cawqhatejj sayt'asiña utäqui ucancascänwa, uccañcamasti mä kawkha filisteo soldadonacaw Belén marcancapjjaraquïna.

2 Samuel 3:18

Jichhajj waliquiwa, horasasti purinjjaraquiwa, Tatitusti Davidarojj arsuraquïnwa, Israel marcaparojj jupa toke filisteonacata, uqhamaraqui take uñisirinacapan amparapat khespiyaña” sasa.

2 Samuel 5:10

Davidan munañanïñapasti juc'ampiraquiw saratatäna, yapjjattaraquïna, take ch'amani Dios Tatitusti jupampiraquïnwa.

2 Samuel 7:9

Cawquirutejj sarcäyätas ucansa juma chicaraquiw sarayätjja, take uñisirinacamatejj jumaru maqhatapcäyätam ucanacarusa k'alwa tucjaractjja, ucjjarusti jach'aruw aptaracsma, cunjämatejj acapachan jach'a jilïri jakenacajj tucupjje uqhama.

2 Samuel 8:14

Ucatsti Davidajj janc'aquiw take Edom orakpachanjja guardianaca uscuraquïna. Edomita jakenacasti Davidan apnakataw uñjasipjjaraquïna, Tatituraquiw Davidarojj atipjaña churaraquitaynajja, cawquirutejj sarcäna ucana.

2 Samuel 8:2

Moabita jakenacarusti atipjaraquïnwa, jupanacarusti orakeruw liwirtayaraquïna, uqhamat mä ch'anqhampi tupt'asa. Qhitinacatejj pä ch'anqha taypincapcäna ucanacarusti jiwarayatäñataqui juchañchatäpjjänwa, cawquirinacatejj mä ch'anqha taypincapcäna ucanacasti perdonatäpjjaraquïnwa. Uqhamaw moabita jakenacajj Davidan apnakatäpjjäna, impuestonacsa pagapjjaraquïna.

2 Samuel 8:7

Ucatsti Davidajj, Hadad-ezer reyin oficialanacapajj apnakapcän uca kori escudonacwa catuntasiraquïna, ucatsti Jerusalenaruw aparaquïna.

1 Reyes 4:21

Salomón reyiw take marcanacjjaru apnakäna Eufrates sat uca jawirata filisteonacana orakepcama, uqhamarac Egipto korpacama. Jupanacasti impuestonacwa pagapjjäna, ucatsti Salomón reyiruwa jaysapjjäna jupan jacañapcama.

2 Reyes 1:1

Acab reyin jiwjjatapatjja, Moab marcaw Israel marca contra sayt'asïna.

2 Reyes 14:28

Ucat ucjjar Jeroboam reyin sarnakäwipasa, take cuna luratapatsa, ch'amapatsa, nuwasïwinac utjayatapatsa, uqhamarac cunjämatsa cutsuyäna Israelataqui Damasco, Hamat sat marcanaca ucanacatsa kellkatawa, Israelan reyinacapan crónicas sat libropana.

2 Reyes 18:7

Ucatwa Tatitojj jupar yanapäna, uqhamarac asquir mistuyäna take cuntï amtcäna lurañataqui ucanacana. Ucatsti Ezequías reyejj Asirianquir reyitaquiw sayt'jjäna, janiw jupar ist'añ muncjjänti.

2 Reyes 3:4

Mesa sat Moab marcan reyipajj ovejanaca uywañaruwa uchasïna, ucatjja impuesto pagotjja Israelan reyiparuwa churañapäna patac waranka mä marani ovejanaca, uqhamarac patac waranka orko t'awrani jach'a ovejanaca.

1 Crónicas 18:13

Uqhamaraqui guardianacsa uchantäna Edom ucaru, ucatsti take edomitanacaw Davidan apnakatäna, Tatitojj Davidarojj atipjayänwa cawqharutejj jupajj sarcäna ucqhana.

2 Crónicas 17:2

Jupasti Judá chekanquiri sayt'asiñataqui lurayata take marcanacaruwa soldadonaca uchäna, uqhamarac take Judá orakerusa walja soldadonaca ucharaquïna, Asa awquipajj Efraín oraken marcanaca catuntcäna ucanacarusa.

Salmos 140:7

Tatay, take ch'aman khespiyirejjay, jumaw nuwasïwin p'ekejjar imasctajja.”

Salmos 60:10

Diosay, jumajj apanucjjapjjestawa, janiw nuwasir tamajjamp chicajj mistcjjtati.

Proverbios 21:31

Jakejj guerrar sarañataquiw caballo waquichasi, ucampis Tatitunquiwa atipjañajja.

1 Samuel 13:3

Gabaa sisqui uca chekan Jonatanasti soldadonacampejj filisteonacarojj k'alwa tucjäna, ucanacjja filisteonacasti yatipjjänwa. Uqhamasti Saúl reyejj take Israel marcpachanwa trompetanaca phust'ayäna, uqhamat take jakenacajj cunataquis janc'aquïpjjañapataqui.

1 Samuel 14:1

Saúl reyin Jonatán yokapajj mä urojj yanapiriparojj sänwa: “Jutam, jawir maqhatañäni, ucat uca jawira qhurcatanquir filisteonacar nuwjaniñäni” sasa. Ucampisa Jonatanajj janiw uca toketjja cunsa awquiparojj yatiycänti.

1 Samuel 14:15

Take qhitinacatejj campamentoncapcäna, uqhamarac campamento ankäjjancapcäna, ucanacasti walpun ajjsarayasipjjäna. Ucanquir soldadonacasa, uqhamarac uca guerrilleronacasa wali ajjsarayasipjjäna. Uqhamarus mä orak qhathatiw sartaraquïna, ucat takenisa ajjsarañat qhathatisipcäna.

1 Samuel 14:6

Jonatanasti yanapiriparojj sänwa: —Jina, mäpit qhurcataru maqhatañäni, cawqhancquitejj uca jan Diosar uñt'ir jakenacajj ucacama. Inampis Tatitojj mä cunsa jiwasataqui lurascaspa, jupataquisti janiw cuna ch'amäquisa jiwasar atipjaña churañajja, walja jakempisa jan ucajj juc'a jakempisa —sasa.