Isaías 7:8 - Qullan Arunaca

^8-9 Damascosti Siria marcan capitalapawa, Rezín sat reyisti uca Damasco marcan reyiparaqui. Samariasti Efrainan capitalapawa, Remaliasan yokapasti Samarian reyiparaquiwa. Ucampisa acat sojjta tunca pheskani mararojja Efraín marcajj janiw juc'ampi utjjaniti; uqhamaraqui jumanacatejj jan suma iyawsañanïpcsta ucapachajja janiraquiw suma ch'amani sayt'asipcätati.’

Aymar Bibliia 1986

^8-9 Damascosti Siria marcan capitalapawa, Rezín sat reyisti uca Damasco marcan reyiparaqui. Samariasti Efrainan capitalapawa, Remaliasan yokapasti Samarian reyiparaquiwa. Ucampisa acat sojjta tunca pheskani mararojja Efraín marcajj janiw juc'ampi utjjaniti; uqhamaraqui jumanacatejj jan suma iyawsañanïpcsta ucapachajja janiraquiw suma ch'amani sayt'asipcätati.’ ”

Qullan Arunaka DC

^8-9 Damasco markasti Siria markan qamäwi markapawa, Resín sat chachasti uka Damasco markan reyiparakiwa. Samariasti Israel markan qamäwi markapawa, Pécah sat Remaliasan yuqapasti Samarian reyiparakiwa. Akat paqallq tunka phisqani mararuxa, Israel markax q'ala chhaqtayatäniwa; jumanakatix jan suma iyawsañanipkäta ukapachaxa, janiw suma ch'amani sayt'ayatäpkätati’ ” sasa.

Isaías 7:8 Jak'a apnaqawi uñst'ayäwi

Génesis 14:15

Arumasti, Abramampi jakenacapampejj acatjamatwa reyinacarojj nuwantapjjäna, ucatsti Hoba sisqui ucacamaw arctapjjäna, Damasco marcat amstäjjanquiwa,

2 Samuel 8:6

Ucatsti Davidajj janc'aquiw Damasco marcarojj guardianaca uscuraquïnjja Siria tokena, sirio jakenacasti Davidan apnakataw uñjasipjjäna, uqhamaraqui impuestonacsa pagapjjaraquïna. Uqhamaw Tatitojj Davidarojj atipjañ churäna, cawqharutejj sarcäna uca chekanacanjja.

Esdras 4:2

sarapjjänwa Zorobabel chachampi, uqhamarac Josué chachampi, uqhamarac familianacata jilïr chachanacampi jiquisiri; ucatsti jupanacarojj sapjjänwa: —Nanacajj lurañanjja yanapapjjämaya, nanacasti jumanacjamaraquiwa jutapjjaracta Diosaman ucaru, ucatsti sacrificionacsa loktapjjaractwa Asiria marcanquir Esar-hadón sat reyejj aca chekaru apanipquitu uca urunacatpacha —sasa.

Isaías 8:4

Janïra uca wawajj: ‘Tata, mama’ sañ yatcani ucapachaw Damasco, uqhamaraqui Samaria marcanacarusa k'al k'epsuwayapjjani uca laycu, kamir cancañanacapsti Asiria marcanquir reyir churañataquiw apasjjapjjaraquini.”

Isaías 9:11

Tatituw ajjsarcañ uñisirinacjja qhitani, jupa pachparaquiw jiwasar nuwjayañataquis arsuraqui.

Isaías 9:9

take Efraín marcpacha, kawkhatejj Samarian jacqui ucjpachaniw ucjja amuyapjje. Jupanacasti wali jach'a jach'achasiñampiraquiw sapjje:

Jeremías 49:23

Damasco marcataqui arunaca: “Hamat, Arfad marcanacajj wali p'enkasitäpjjewa, jan wali yatiyäwinaca purinitap laycu. Ajjsarañampi phokhantatäpjjewa, janiraquiw alekt'añataquejj ch'amanïpquiti.

Ezequiel 27:18

Damasco marcasti jumatjja walpun alt'asiraquïnjja, Helbón sisqui ucampiwa phokjjaraquiyätamjja, Sahar sisqui uca uywanacan t'awrapampiraqui.

Oseas 13:1

Cunapachatejj Efrainanquir jakenacajj parlapjjän ucqhajja, Israelanquir yakha tribunacajj juparojj ajjsarapjjänwa; ucampis Efrainajj jiwawayjjewa cunapachatejj juch lurcäna Baal diosaru yupaychasa uca urutpacha.