2 Samuel 7:8 - Qullan Arunaca

Uca laycu, David sirvirejjarojja sascaquim, naya take ch'amani Tatitun arsutajja: ‘Nayaw jumarojj awatquirit irpsunsma, uqhamaraqui tama khepäjja sarañsa apakaracsma, uqhamat Israel marcajjan jilïripäñamataqui.

Aymar Bibliia 1986

Uca laycu, David sirvirejjarojja sascaquim, naya take ch'amani Tatitun arsutajja: “Nayaw jumarojj awatquirit irpsunsma, uqhamaraqui tama khepäjja sarañsa apakaracsma, uqhamat Israel marcajjan jilïripäñamataqui.

Qullan Arunaka DC

Ukhamasti, David luqtirixarux saskakim, naya, taqi ch'aman Tatituw jupar sista: ‘Nayaw jumarux uywa awatkirit irpsunsma, oveja taman qhipap sarañatsa irpaqaraksma, Israel markaxan jilïripäñamataki;

2 Samuel 7:8 Jak'a apnaqawi uñst'ayäwi

2 Samuel 12:7

Natanasti saraquïnwa: —¡Jumätaw uca jakejja! Ucwa khanañchi Israelan Tatitu Diosapajja: ‘Nayaw jumarojj Israelan reyipat ajllissma, uqhamaraqui Saúl reyin amparapatsa khespiyaracsma;

2 Samuel 14:13

Ucatwa warmejj jisct'araquïna: —¿Cunataraqui jach'a reyisti uca quipca Tatitun marcap contra lurañ munaraquisti? Cunjämatejj jach'a reyejj jupa pachpa arsojja, jichhajj jupa pachpaw juchani uñsti cawquïri wawapatejj jayan apanucuta uñjasqui uca wawaparu jan cuttayaniñ munasajja.

2 Samuel 23:1

Acanacaw Davidan khepa arunacapajja: “David, Isaí chachan yokapa, Diosan jach'aru aptata jake, Jacob chachan Diosapan ajllisit reyi, Israelan suma k'ochunacap k'ochuri, jupasti aqham saraquiwa:

2 Samuel 24:17

Cunapachatejj Davidajj uca marcaru ñankha lurir angelaru uñjcän ucapachasti saraquïnwa Tatiturojja: —¡Nayaw jucha lurtjja! ¡Nayaw juchanïtjja! Ucampisa ¿cunsa aca jan juchaninacajj lurapjje? ¡Nayasti achict'asiracsmawa, mutuñamajj nayjjaru, uqhamaraqui familiajj-jjaru puriñapa! —sasa.

2 Samuel 5:2

Chekpachansa Saúl reyejj nanacan reyejjäcchïnsa, ucampisa jumaw Israel marcarojj apnakascäyätajja guerran nuwasiñanacapanjja. Uqhamarus Tatitojj jumaruraquiw arsuwaytam Israel marcaparu sarayañamataqui uqhamaraqui apnakañamataqui” sasa.

2 Samuel 6:21

Davidasti saraquïnwa: —Jïsa ucajj chekawa, thokt'asiscapuntwa, ucampisa Tatitun nayrakatapanwa thokt'astjja, juparaquiw nayarojj awquim lanti ajllisitu, uqhamaraqui take familiama lanti, nayajj Israel marcapan jach'a jilïrïñajjataqui. Ucatwa jupa nayrakatan thokt'astjja.

1 Reyes 3:6

Salomonasti ucjjarojj sänwa: “Jumajj David awquejjarojj wali suma chuymampiwa uñjayätajja, jupajja sirvïyätamwa juman nayrakatamanjja jumampiwa sarnakäna cheka lurañampi, cheka chuymampi uca laycu. Ucataracwa jumajja wali suma chuymampiraqui juparu uñjaraquïyätajja, uqhamaraquiw mayni yokaparusa tronoparu kont'asiyaractajja, cunjämatejj jichhajja lurasqui uqhama.

1 Reyes 8:16

‘Cunürutejj Israel marcajjaru Egipto marcata apsuncta ucqhatjja, janiw nayajj chhijllascti yakha marcaru Israelan take tribunacapatjja, ucana mä templo lurasiñapataqui, sutejjasa ucancañapataquiraqui. Ucampis ajllistwa Davidaru Israel marcajjaru apnakañapataqui’ sasa.

1 Crónicas 17:7

Ucatsti jumajj David sirvirejjaru aqham sanim, naya take ch'aman Tatitojja sistwa: ‘Nayaw tamata apssma, uqhamaraqui taman khepapa sarañatsa apakaracsma, jumajj marcajjana jilïrïñamataqui.

1 Crónicas 21:17

ucat Davidajj Diosarojj sänwa —¡Nayaw aca marcarojj jacthapiña aptaytjja! ¡Nayaw juch lurta, uqhamarac jan walsa luraracta! Ucampis ¿cuns aca jan juchani jakenacajj lurapjjejja? Dios Tatitojja, nayajj achict'assmawa mutuyäwimajj nayjjar jutañapataqui, uqhamarac familiajjarusa, ucampis marcamarojj jan jiwarayjjamti.

Amós 7:15

Ucampis, Tatituw uywa taman khepap sarasquirit jawsitu, ucatsti saraquituwa: ‘Saram, parlanim sutejjana Israel marcajjaru’ sasa.

Hechos 7:46

Rey Davidasti Diosan nayrakatapanjja asqui jaket uñt'atänwa. Jupasti mä jach'a templo lurañ munäna, Jacobon Diosapajj ucan utjañapataqui.

1 Samuel 10:1

Uqhamasti Samuelojj mä keru aceite catusinjja Saúl waynan p'ekepjjaruw warjjatäna, ucat saraqui: —Tatituw jichhürojj Israelan apnakeripat utt'ayastam. Jumaw jichhajj jupanacar apnakäta, uqhamarac uñisirinacapan amparapatsa khespiyaraquïta. Tatitun jumaru yakhachatapat señälasti acäniwa, Israel marcapa apnakañapataqui:

1 Samuel 2:8

Diosajj oraket pobrerojj wayti, limosna mayjasirirusti k'añunac taypit waysuraqui, jilïri jakenac taypiru kont'ayañataqui, mä jach'a jilïrinacan konuñapar kont'ayañataqui; Tatitunquiw take cunasa, aca oraken utt'äwinacapatsa, ucanacjjaruraquiw aca oraksa utt'ayaraqui.

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.