2 Samuel 2:8 - Qullan Arunaca

Ucampisa Ner jaken yokapa Abner chachajja, qhititejj Saúl reyin ejercitopan jach'a jilïrïcän ucajja, Is-boset Saúl reyin yokaparuw irpjjaruwayi, ucatsti Mahanaim sat chekaruw irparaquïna.

Aymar Bibliia 1986

Ucampisa Ner jaken yokapa Abner chachajja, qhititejj Saúl reyin ejercitopan jach'a jilïrïcän ucajja, Is-boset Saúl reyin yokaparuw irpjjaruwayi, ucatsti Mahanaim sat chekaruw irparaquïna.

Qullan Arunaka DC

Ukchañkamasti, Saúl reyin ejercitopan jach'a jilïrïkatayna uka Ner jaqin Abner sutini yuqapax, Saúl reyin Is-bóset sat yuqaparuw Mahanaim sat chiqar irpxaruwayäna,

2 Samuel 2:8 Jak'a apnaqawi uñst'ayäwi

Génesis 32:2

Jacobosti ucanac uñjasinjja sänwa: “Acajj Diosan ejercitopawa” sasa. Ucatwa uca chekarojj Mahanaim sas sutichäna.

Génesis 32:3

Jacobosti mä qhitanacwa Seir sat orakeru qhiti, ucasti Edom tokenquiwa, Esaú jilapar jutascatapa yatiyañataqui,

2 Samuel 17:24

Davidasti Mahanaim chekaruw purïna cunapachatejj Absalonajj take israelita jakenacampi Jordán jawira maqhatascän ucapacha.

2 Samuel 2:29

Abner jakempi, jupampi chicäpcän ucanacampisti Arabá sisqui uca pampanjamwa uca pakari arumajj sarapjjäna, ucatsti thaqui chekañchjjasinsti, Jordán jawir maqhatawayapjjäna, Bitrón sisqui uca cheka pasawayasasti Mahanaim sisqui uca chekaruw puripjjäna.

2 Samuel 2:7

Jichhasti jumanacajj ch'am catjjatapjjam, janirac thayjtapjjamti jumanacar apnakeri Saúl reyejj jiwatäcchi ucasa, jichhasti Judá tribuw nayarojj reyit utt'ayaraquitu jumanacar apnakañataqui.”

2 Samuel 3:38

Ucat reyejj janc'aquiw jilïrinacaparojj saraquïna: “Cunjämatejj jumanacajj jichhajj yatipjjta, jichhürojj Israel marcan mä jach'a jilïri jakew jiwi.

2 Samuel 3:6

Saúl reyin jakenacapampi, Davidan jakenacapampisti nuwasiscaquïnwa, ucampisa Abner chachajj Saúl reyin utapanjja juc'ampi munañaniw tucüna.

1 Crónicas 12:29

Benjamín tributjja quimsa waranka jakenacänwa, Saúl reyisti uca pachpa tribuncaraquïnwa, uca urunaccamajja jupanacatjja jilpachawa Saúl reyimpïpjjäna suma yanapasina.

1 Crónicas 12:30

Efraín tributjja pä tunca waranka quimsakallko patacani jan ajjsariri wali aytata guerrana nuwasiri jakenacäpjjänwa familiapata.

1 Crónicas 8:33

Ner chachasti Cis ucan awquipänwa, Cis chachasti Saúl ucan awquipänwa, Saúl chachasti Jonatán, Malquisúa, Abinadab, Es-baal ucanacan awquiparaquïnwa.

1 Crónicas 9:39

Ner chachasti Cis ucan awquipänwa, Cis chachasti Saúl ucan awquipänwa, ucatsti Saúl chachasti Jonatán, Malquisúa, Abinadab, Es-baal ucanacan awquiparaqui.

Josué 21:38

Ucatsti Gad tributjja Galaad orakenquir Ramot sat marca churapjjäna, jake jiwayir jaken imantasiñapataqui, uqhamaraqui Mahanaim marca.

1 Samuel 14:50

Saúl reyin warmipasti Ahinoam sataraquïnwa, Ahimaas jaken phuchapa. Ejercitopan generalapasti Abner sataraquïnwa, Ner sat jaken yokapa, ucasti pachpa Saúl reyin tioparaquïnwa.

1 Samuel 17:55

Cunapachatejj Saúl reyejj Davidar uñjäna filisteo chachampi jiquisiri, ucapachaw jisct'äna Abner sat ejerciton generalaparu: —Abner, ¿qhitis uca waynan awquipajja? —sasa. Abner generalajj saraquïnwa —Juman jach'a sutimjjaruw arsta, janiw yatcti.

1 Samuel 26:14

Ucat Davidajj Abnerarojj, uqhamarac take soldadonacarusa jach'at art'aniraquïna: —¡Abner, ist'istati! —sasa. Abnerasti saraquïnwa: —¿Qhitïtas jumajj reyir uqham arnakañataquejja? —sasa.