2 Samuel 16:4 - Qullan Arunaca

—Waliquiwa, jichhasti take cunatejj Mefi-bosetanccäna ucanacasti jumancjjaraquiwa —sasaw reyejj saraquïna. —¡Nayatjja, jach'a rey, qhuyapt'ayasipunistawa! —sasaw Sibajj reyin nayrakatapan alt'asiraquïna.

Aymar Bibliia 1986

—Waliquiwa, jichhasti take cunatejj Mefi-bosetanccäna ucanacasti jumancjjaraquiwa —sasaw reyejj saraquïna. —¡Nayatjja, jach'a rey, qhuyapt'ayasipunistawa! —sasaw Sibajj reyin nayrakatapan alt'asiraquïna.

Qullan Arunaka DC

David reyisti Sibá jaqirux sänwa: —Jichhürut uksarux, taqi kunatix Mefi-bosetankkän ukanakax jumankxiwa. Nayaw chursma —sasa. Sibasti reyi nayraqatan alt'asisaw sarakïna: —Khuyapayasiñam nayax wiñayas jikxatakirista —sasa.

2 Samuel 16:4 Jak'a apnaqawi uñst'ayäwi

2 Samuel 14:22

Uqhamasti Joab chachajj oraker puriñcamaw p'ekepa alt'asïna reyir wali ajjsarañampi uñjasa, uqhamaraqui bendicisa, ucat saraquïna: —Jichhüruw nayajj amuyasta, jach'a reyin nayar munatapjja, jach'a reyisti cuntejj aca sirviripajj muncän uqhamarjamaraquiw luri —sasa.

2 Samuel 14:4

uca Tecoanquiri warmejj reyin ucaruw saräna, p'ekepa orakcama alt'asisinsti reyirojj saraquïnwa: —¡Jach'a reyisti nayaru yanapt'añjja munaracpanaya!

2 Samuel 14:8

Ucatsti reyejj warmirojj saraquïnwa: —Jichhajj utamar sarjjam, nayaw jumat arjjatäma —sasa.

2 Samuel 16:3

—¿Cawquinquis uywiriman allchhipajja? —sasaw reyejj jisct'äna. —Jerusalén marcancasquiwa —sasaw Sibajj saraquïna. —Jupasti ‘Israelitanacajj achachilajjarojj tronopjja cuttayjjapjjaniwa’ sascaraquiwa —sasaw Sibajj säna.

2 Samuel 16:5

Cunapachatejj David reyejj Bahurim sisqui uca chekaru purcän ucapachasti, Saúl reyin familiapat mayni jakew ucat mistunïna. Jupasti Gera sisqui uca jaken yokapänwa, Simei sataraqui, aca jakesti cunayman jan wali arunacampiw Davidarojj arnakaraquïna.

2 Samuel 19:27

Ucampisa jupajj jach'a rey nayrakatanwa c'ari arunaca yatiyitu. Ucampisa jach'a reyejj mä Diosan angelapäcaspasa uqhamawa, jupasti cunatejj chekapäqui uqhamaruw take cunsa luraraquinejja.

2 Samuel 9:6

Cunapachatejj Saúl reyin allchhipa, uqhamaraqui Jonatanan yokapa Mefi-bosetajj Davidan nayrakataparu purinïna ucapachasti wali ajjsartañ chuymampiw ajanupjja oraker alt'asïna. —¡Mefi-boset! —sasaw Davidajj art'araquïna. —Acanctwa, jach'a munañan rey —sasaraquiw jupajj säna.

2 Samuel 9:9

Ucampisa reyejj Siba sat jakeruw jawsäna, jupasti nayrajj Saúl reyin uywataparaquïnwa, ucat saraquïna: —Nayra uywiriman allchhiparojj, cunatejj jupancqui uqhamaraqui familiapancqui take ucanacwa catuyjjta.

Éxodo 23:8

“Janipuniw kollke chilltatajj catokasïtati, uca kollkesti chekapar uñjiri jakerojja janis uñjcaspa uqhamwa tucuyi; ucatsti cunatejj cheka asquïqui ucarojja janiw walt'ayquiti.

Proverbios 18:13

Maynin arunacapa jan sum ist'casina arsuñajja, jan amuyt'anïña, mä p'enkaraquiwa.

Proverbios 18:17

Qhititejj jupa pachpata arsusqui ucan arupajja walicjamaquiwa, ucatsti cunapachatï jupa conträqui ucajj purini ucqhasti, takwa khansuyi.

Proverbios 19:2

Jan sum cunsa yatjjatasa lurañajja janiw walïquiti; mäqui lurjañanacanjja pantjasiñawa utji.

Deuteronomio 19:15

“Mä sapa testigon mayni jucha lurir jakeru khanañchatapajja janiw asquïquiti, cunapachatejj pani jan ucajj quimsa testigonaca khanañchapjjani ucaw walïnejja.