2 Corintios 9:7 - Qullan Arunaca

Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.

Aymar Bibliia 1986

Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.

Qullan Arunaka DC

Sapa mayniw kunjämtix chuymapan amtki ukarjam churañapa; janiw pä chuymampi churañapäkiti, janirakiw maynin jariyatakis churañapäkiti, Diosax kusisit chuymampi chuririruw munasi.

2 Corintios 9:7 Jak'a apnaqawi uñst'ayäwi

1 Crónicas 29:17

Nayasti yattwa Diosajjay, jumajj chuymanaca uñantirïtama, ucatsti jumataquejj cheka cancañaraquiwa asquejja. Ucatwa, cheka chuymampi take acanac chursmajja. Jichhasti cusisitaw uñjaracta marcamajj acan tantachatäsina, walja ofrendanacapjja jumaruw churapjjtam.

1 Crónicas 29:9

Jakenacasti uqham walja churapjjatapatjja walwa cusisipjjäna, jupanacajj take chuymawa Tatitur churapjjäna uca laycu. David reyisa wali cusisitaraquïnwa.

Éxodo 25:2

“Israelitanacarojja nayataqui ofrenda apthapipjjañapataqui yatiyam. Jumanacasti, apthapipjjätawa qhitinacatejj take chuymampi churañ munqui ucanacata.

Éxodo 35:5

Jumanacajj Tatitutaquejj mä ofrenda apthapipjjam. Take qhitinacatejj Tatituru chuymapat ofrenda churañ munapqui ucanacajja take chuymaw churapjjañapa kori, kollke, bronce ucanac apanisa.

Proverbios 11:25

Qhititï churañ yatqui ucaw juc'amp catoke; churiristi churatapatjamwa catokaraquini.

Proverbios 22:9

Qhititejj mayninacaru qhuyapayasiñamp uñji ucajj bendicitawa, jupan t'ant'a pobrenacaru churatap laycu.

Isaías 32:5

Jakejj janiw suma jakew siscaniti jan wali jakerojja, mä sallka jakerusti janiw yäkcjjapjjaniti.

Isaías 32:8

Ucampisa asqui jakesti asquinacacracwa amtasqui, uca asqui amtatanacapanwa sum sayt'asiraqui.

Hechos 20:35

Uca quicparacwa jumanacarus yatichawayapjjsma: Waquisipuniw uqham irnakañajja, uqhamat jan utjirininacarus yanapt'añataqui, cuntï Tatit Jesusajj sawayqui uca arunacat amtasisa: ‘Catokerit sipansa juc'amp cusisiñaniw qhititï churqui ucajja’ ” sasa.

Romanos 12:8

Maynitejj mayninacaru ch'amachañ yatchejja, ucaruy uchaspan; qhititejj churaña yatekejja, take chuyma churpan; qhititejj sarayañ yatchejja, amuyumpi saraypan; pist'atanacar yanapt'aña yatchejja, cusisit chuymampi churaracpan.

2 Corintios 8:12

Cunapachatejj maynejj churañ muni ucqhajja Diosajj catokewa utjiriparjama. Jupajj janiw mayquiti maynin jan utjcchi ucqhajja.

Deuteronomio 15:14

jan ucasti jumajj uywa tamanacamatjja churätawa, uqhamaraqui walja trigompi, vinompi. Cuntejj Tatitu Diosamajj churctam ucanacatjja jupampiw jaljasïta.

Filemón 1:14

Ucampis janiw cunsa juman jan camsatajj lurañ muncti. Cuntejj jumajj yanapquista ucajj jan nayan jariyatjama lurañamataqui, jan ucasti juman munañamata lurañamwa munta.

Santiago 5:9

Jilatanaca, janirac jumanaccamajja jan walinacsa parlasipjjamti, Tatitun jan juchañchatäscañataqui. Diosasti, qhititejj taripcani ucajj jac'ancjjewa.

1 Pedro 4:9

Korpacht'asipjjaraquim jumanaccamajja mä suma chuymampi.