Éxodo 35:5 - Qullan Arunaca

⁵ Jumanacajj Tatitutaquejj mä ofrenda apthapipjjam. Take qhitinacatejj Tatituru chuymapat ofrenda churañ munapqui ucanacajja take chuymaw churapjjañapa kori, kollke, bronce ucanac apanisa.

Aymar Bibliia 1986

⁵ Jumanacajj Tatitutaquejj mä ofrenda apthapipjjam. Take qhitinacatejj Tatituru chuymapat ofrenda churañ munapqui ucanacajja take chuymaw churapjjañapa kori, kollke, bronce ucanac apanisa.

Qullan Arunaka DC

⁵ Jumanak taypin Tatitutak mä churäwi apthapipxäta. Tatitur chuymapatjam churäwi apaniñ munirinakax taqi chuymaw apanipxañapa quri, qullqi, bronce,

Éxodo 35:5 Jak'a apnaqawi uñst'ayäwi

2 Reyes 12:4

Mä urusti Joasajj sacerdotenacarojj sänwa: “Jumanacajj apthapipjjam Tatitun temploparu apanipqui uca take ofrenda kollkenaca, sapa maynita cutsuyata kollkenaca cunjämatï mayitäcäna ucar phokhasa, uqhamarac sapa maynisa chuymaparjama Tatitun utaparu take kollke apanqui ucanacaraqui. Ucatsti imata kollkenaca apnakerinacar mayipjjam, templona take cunanacatejj waquisqui asquichaña ucanac lurayapjjañapataqui.

2 Crónicas 29:31

Ucatsti Ezequiasajj jakenacarojj sänwa: “Jumanacajja jichhajja Tatiturojj loktasjjapjjtawa, jichhajj jac'achasinipjjamaya, uqhamarac apanipjjaraquim loktäwinaca, Tatitur yuspagarañ churañ ofrendanaca Tatitun templopataqui” sasa. Ucatsti jakenacajj apanipjjänwa loktäwinaca, Tatitur yuspagarañ ofrendanaca, ucatsti qhitinacatejj asqui chuymanïpcäna lurañataqui ucanacasti, nact'ata loktäwinacwa loktapjjäna.

Salmos 110:3

Marcamajj atipt'añam urunjja, jumaruw catuyasjjätam. Kollan kollunac patjjanjja, willjta sullar uñtataw wayna cancañamajj sapür machakaptani.”

Éxodo 25:1

Tatitusti Moisesarojj sänwa:

Éxodo 35:21

Ucampis take qhitinacatejj chuymanacapan amthapisisajj take chuymanacapampi Tatitutac ofrendanaca apt'ata cutt'anipjjäna, Tatitumpi Jiquisiñ Carpajj lurasiñapataqui, take yänacampi, uqhamarac sacerdoten kollan isinacapsa.

Éxodo 35:29

Take israelit chachanaca, uqhamarac warminacaw chuymanacapan amthapisipjjäna cuntejj Tatitojj luram siscäna uca lurañan yanapt'añjja, ucatsti take chuymaw ofrenda Tatitutac apanipjjäna.

Éxodo 35:4

Moisesasti take israelitanacarojj aqham sänwa: “Tatitusti take acanac lurañaswa muni:

Éxodo 35:6

Uqhamarac azul tela, wila morado tela, wila tela, lino sat suma hilo, cabriton t'awrapa,

2 Corintios 9:7

Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.

Jueces 5:9

“¡Nayajj take chuymajjwa churta, Israelan jach'a jilïrinacapatjja, uqhamarac marcajjancqui uca jakenacatsa, jupanacasti nuwasiñatac jawsatajj mäquiw ist'asipjje! ¡Diosaru takeni yupaychapjjam!