Jumaw jacañ thac uñacht'ayitäta, nayrakataman jach'a cusisiñaw utji; jac'amansti wiñay cusisiñaw utjaraqui.
2 Corintios 5:8 - Qullan Arunaca Ucatsti take iyawsañaw utjistu, ucampis jiwjjañacwa munsnajja Tatitumpi jaquir sarjjañataqui. Aymar Bibliia 1986 Ucatsti take iyawsañaw utjistu, ucampis jiwjjañacwa munsnajja Tatitumpi jaquir sarjjañataqui. Qullan Arunaka DC ukampis taqi iyawsañasaw utjistu, ukatsti Tatitumpi jakir sarxañatakix jiwxañak munsnaxa. |
Jumaw jacañ thac uñacht'ayitäta, nayrakataman jach'a cusisiñaw utji; jac'amansti wiñay cusisiñaw utjaraqui.
Nayasti cusisitaw jicjjatasï; ajanuy ajanu jumar uñcatasina, uñatatcä ucapach nayrakataman jicjjatasisina.
Ñankha jakerojj jupa pachpan ñankha luratapawa tucjasqui, ucampis cheka lurir jakerojja cheka luratapawa arjjati.
Patronasti juparojj siwa: ‘Waliquiwa, jumajj wali suma sirvirïtawa. Juc'äquis ucaru wali sum phokhatamatjja nayajj jichhajj waljäquis ucaruraquiw uchäma. Jichhasti mantanim ucatsti nayampirac cusisim’ sasa.
Patronasti uc ist'asinjja saraquiwa: ‘Waliquiwa, jumajj wali suma sirvirïtawa. Juc'äquis ucaru wali sum phokhatamatjja nayajj jichhajj waljäquis ucaruraquiw uchäma. Jichhasti mantanim ucatsti nayampirac cusisim.’
“Tata, jichhacuchaw cusisita jiwjjä. Cuntejj sirvirimarojj arsctas uca arunacamarojj phokjjtawa.
Maynitejj sirviñ munchitu ucajja arquitpan, cawquinccätejj nayajj ucancaraquiniw sirvirejjajja. Qhititejj sirvquitani ucarojj Awquejjajj jach'añchaniwa —sasa.
Sarasinsti ucat mä utjäw waquichasinjja, wasitampiw jutä jumanacaru irpasjjañataqui, cawqhanccätï nayajj jumanacajj ucqhancapjjañamataquiraqui.
“Awquiy, jumaw jupanac churista. Jichhajj muntwa nayajj cawquinccätejja, jupanacajj ucancapjjañaparaqui, jumajj jach'a cancañwa churista uc uñjapjjañapataqui, jumasti janïra acapachajj utjquipanwa munasista.
Ucampis Pablojj sänwa: —¿Cunats jachapjjta? Uqham jachasajj nayaruw llaquisiyapjjesta. Nayasti waquicht'ataquïsctwa Jerusalén marcan ñach'antayasiñataquisa, uqhamarac Tatit laycu jiwañataquisa —sasa.
Ucatpï iyawsañampi jacasctanjja, yatiractanwa janchisan jaccasajja, janïraw alajjpachan Tatitump chicäctanti.
Ucataracwa Diosataquejj sum sarnakañ muntanjja, janchisan jaccasinsa jan ucajj jiwjjasinsa.
Munat jilatanaca, jichhajj Diosan wawanacapäjjtanwa, ucampis janïraw khanañchquistuti cunäcañänitejj tucuy urunacan ucjja. Ucampis yattanwa cunapachatejj Tatit Jesucristojj uñstancani ucqhajja, jupjamaw tucuñäni, cunjämäquitejj jupajj uqhampacha uñcatatas laycu.
Janiw ucanjja qhitis ñankhachatäcjjaniti. Diosampina Corderompina tronopaquiw uca marcancani, sirvirinacapasti ucanwa yupaychapjjaraquini.