2 Corintios 5:9 - Qullan Arunaca

⁹ Ucataracwa Diosataquejj sum sarnakañ muntanjja, janchisan jaccasinsa jan ucajj jiwjjasinsa.

Aymar Bibliia 1986

⁹ Ucataracwa Diosataquejj sum sarnakañ muntanjja, janchisan jaccasinsa jan ucajj jiwjjasinsa.

Qullan Arunaka DC

⁹ Ukatpï Tatitur kusisiyañatakix sapür ch'amachastanxa, janchin jakkasinsa, jan ukax jiwxasinsa.

2 Corintios 5:9 Jak'a apnaqawi uñst'ayäwi

Génesis 4:7

Jumatejj cunatajj asquïqui uc lurasma ucqhajja ¿Janit jach'ar aptatäcaraquismajja? Ucampisa juman jan asqui luratam laycojja juchajj jac'amancascaraquiwa, jumar apnakañ munaractam, ucampis jumajj atipjañamawa” sasa.

Isaías 56:7

nayajj kollana kollojjaruw jupanacarojj apanëjja, oración lurañ utajjansti c'uchiquïpjjaraquiniwa. Sacrificionac loktasinipjjatanacapsti altarajjanjja catokaraquïwa, nayan utajjajj take marcanacataqui oración lurañ uta sataraquïniwa.”

Juan 6:27

Jan irnakapjjamti tucusir mank'ataquejja, jan ucasti wiñay jacañ churiri mank'ataqui irnakapjjam. Aca mank'sti naya Jaken Yokapaw churapjjäma, Dios Awquisti nayaruraquiw ajllisitu —sasa.

Hechos 10:35

Jupasti cuna cast jakerus catokaquiwa, qhitinacatejj jupar ajjsarqui, uqhamarac asqui lurapqui take ucanacarusa.

Romanos 14:18

Qhititejj Cristor uqham sirvchejja ucajj Diosataquejj sumawa, jakenac nayrakatansti sumat uñt'ataraquiwa.

Romanos 14:8

Jacapctansa, Tatitutaquiw jacapjjtanjja; jiwjjañän ucqhatsti Tatitutaquiraquiw jiwjjañäni. Uqhamasti jiwañansa jacañansa Tatitutaquïtanwa.

Romanos 15:20

Uqhamwa khespiyasiñan utjatapjja nayajj khanañchañar uchasta, cawquintejj ni mä cuti Criston sutipajj arsutäcänsa uca chekanacana, uqhamat jan yakhan kalltatapjjaru lurañataqui.

1 Corintios 15:58

Uqhamasti munat jilatanaca, jumanacajj Tatitumpejj sum sayt'asipjjam, janirac sarakapjjamti. Irnakasipcaquim juc'ampi juc'ampi Tatitun luräwipanjja; jumanacajj yatipjjaractawa Tatitumpi mayaqui irnakapjjatamajj janiw inamayäquiti.

2 Corintios 5:6

Ucatpï iyawsañampi jacasctanjja, yatiractanwa janchisan jaccasajja, janïraw alajjpachan Tatitump chicäctanti.

2 Corintios 5:8

Ucatsti take iyawsañaw utjistu, ucampis jiwjjañacwa munsnajja Tatitumpi jaquir sarjjañataqui.

Efesios 1:6

Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.

Colosenses 1:10

Mayipjjaractwa jumanacajj Tatitunquirjama sarnakapjjañamataqui, uqhamarac cunatejj jupataquejj asquïqui ucanac lurapjjañamataqui, uca suma luräwinacamajj mä suma cosechjama utjañapataqui, Diosarus juc'ampi sumrac uñt'apjjañamataqui.

Colosenses 1:29

Ucataquiraquiw nayajj irnakta ch'am tucusa, cuntï Tatitojj churquitu uca ch'amampi.

1 Tesalonicenses 4:1

Jichhajj jilatanaca, achict'apjjsmawa, ewjjt'apjjaracsmawa acjja Tatit Jesusan sutipana: cunjämatejj nanacajj yatichapjjsmajja Diosar cusisiyquiri sarnakañjjatjja, uqhamarjama lurasipcaquim juc'amp juc'ampi.

1 Tesalonicenses 4:11

Samarat jacañaru munapjjam, jumanacan luräwinacamat lup'isipjjam, amparanacamamp irnakapjjam, cunjämtejj ewjjt'apjjsma uqhamarjama,

1 Timoteo 4:10

Ucataquiraquiw irnaktan, uqhamarac toketas t'akhesiwaytan, jacquiri Diosaru suyt'äwis uscutas laycu, cawquïritejj takenin Khespiyiripäqui, juc'ampis qhitinacatejj jupar iyawsapjje ucanacana.

Hebreos 12:28

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

Hebreos 4:11

Uca samarañar mantañataquejj waquisipï wal ch'amañcht'asiñasajja, jan qhitis qhä jan iyawsirinacjama sarnakpati.

2 Pedro 3:14

Ucatpï munat jilatanaca, acanac suyt'casajja take cunsa ascpun lurapjjam, uqhamata Diosajj jumanacar sumana jicjjatañapataqui, jan juchani ni cuna k'añunsa.