2 Corintios 4:16 - Qullan Arunaca

Ucatwa janipuni nanacajj mayjt'asipcti: Janchinacajjajj sapürusa aynacharus sarjjchi ucasa, ajayunacajjajj sapürutjamaraquiw machakar tucusqui.

Aymar Bibliia 1986

Ucatwa janipuni nanacajj mayjt'asipcti: Janchinacajjajj sapürusa aynacharus sarjjchi ucasa, ajayunacajjajj sapürutjamaraquiw machakar tucusqui.

Qullan Arunaka DC

Ukat nanakax janipuniw mayjt'asipkti. Janchinakaxax sapürus aynacht'aski ukasa, ajayunsti urut urutjamaw machaqar tukusipkta.

2 Corintios 4:16 Jak'a apnaqawi uñst'ayäwi

Salmos 119:81

Khespiyäwim suycasaw tucusiscta, arunacamaruw take chuymamp iyawsta.

Salmos 27:13

Nayasti jacañ oraken Tatitump cusisiñataquiw suyt'ascta.

Salmos 51:10

Diosay, k'oma chuymay utjayita, machak asqui ajay churaraquita;

Salmos 73:26

Chuymajjasa, janchejjas tucusisquiwa, ucampis Diosaw wiñay catokäwejjajja, jupaw chuymajjarojj catjjäsisqui.

Isaías 40:29

Jupaw karitarojj ch'am churi, pisi ch'ama jakerusti ch'am yapt'araqui.

Isaías 40:31

ucampisa take qhitinacatejj Tatitur iyawsapqui ucanacasti machak ch'amanacanïpjjaniwa; pacalinacar uñtataraquiw thoktapjjani, jalanakasinsti janiw karipcaniti, sarnakasas janiraquiw ch'amtayapcaniti.

Lucas 11:3

Sapürutac mank'añ churanipjjeta.

Romanos 12:2

Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.

Romanos 7:22

Chuymajj mankhenjja Diosan leyiparu wal munta,

1 Corintios 15:58

Uqhamasti munat jilatanaca, jumanacajj Tatitumpejj sum sayt'asipjjam, janirac sarakapjjamti. Irnakasipcaquim juc'ampi juc'ampi Tatitun luräwipanjja; jumanacajj yatipjjaractawa Tatitumpi mayaqui irnakapjjatamajj janiw inamayäquiti.

2 Corintios 12:15

Nayasti take chuymaw nayan kollkejjat take cuns alasiscäjja, naya pachpasa uqhamaraquiw merk'susiscäjja jumanacan almanacaman asquip laycu. Amuyatajjatjja, nayajj jumanacar juc'ampi munapcsma ucqhajja, jumanacajj nayarojj juc'ampiw uñisipjjaraquistajja.

2 Corintios 4:1

Uqhamasti janiw nanacajj karjasipcti, Diosasti qhuyapayasiñapanwa aca luräwjja nanacar catuyapjjaraquitu.

Efesios 3:16

Awquirojj maytwa jupan jach'a muspharcañ kamir cancañapat ch'am jumanacar churañapataqui, Diosan Ajayup toke,

Efesios 4:23

Jumanacajj machakar trocatäjjapjjañamawa ajayunacamansa uqhamarac amuyt'añanacamansa,

Colosenses 3:10

Jichhasti machakat isthapitäpjjtawa, uca machakar tucuñasti sapürunjamaraquiw juc'amp machakar tucus sarasqui Diosan munañaparjama, uca Diosaraquiw uca machakar tucuñjja luri, jupar sum uñt'añascama.

Tito 3:5

janiw cuna asqui luratas laycuti, jan ucasti qhuyapayasiñap laycuwa khespiyistu jarekäwi toke. Kollan Ajayu toke machakat naciyaraquistu machak jacañ churasa.

1 Pedro 3:4

jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.

1 Pedro 4:14

Tatit laycutejj jumanacar jan wali arunacampi tokepjjätam ucajja, cusisiñanïpjjtawa, Diosan Ajayupasti jumanacjjaruw utt'asi. [Jupanacasti uca Ajayu contraw jan wali parlapjje, ucampis jumanacajj uca Ajayurojj jach'añchapjjaractawa.]