1 Pedro 3:4 - Qullan Arunaca

⁴ jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.

Aymar Bibliia 1986

⁴ jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.

Qullan Arunaka DC

⁴ jan ukasti suma chuymanïpxam, ukaw jan tukuskiri, suma munkañaxa. Dios nayraqatansti ukax wali askiwa.

1 Pedro 3:4 Jak'a apnaqawi uñst'ayäwi

Salmos 131:2

Ucatsipana amuquïsctwa, janiw llaquisiñajjajj utjquiti, taycapan amparapanquir jichha ñuñokayat wawjama. ¡Jichha ñuñokayat wawjamätwa!

Salmos 147:6

Tatituw llamp'u chuymaninacarojj jach'ar apti, ñankha lurir jakenacarusti, lak'ar tucuñapcamaw aynacht'ayi.

Salmos 149:4

Tatitojj marcaparojj munasiwa, llamp'u chuyman jakenacarojj atipt'ayiwa.

Salmos 25:9

jupaw llamp'u chuymaninacarojj cheka thaquin irpi, jan yäkat jakenacaruw asqui cancañap uñachayaraqui.

Salmos 45:13

Acajjay, reyin phuchapajj wali c'achachataw mantani, isipas korimp c'achachatawa;

Salmos 51:6

Jumarojj k'oma chuymaw cusisiytamjja, chuymajjarusti yatiñ cancañ uchtajja.

Isaías 11:4

Aynacht'atanacarusti cheka luräwimpiw uñjani, marcan utjiri pobrenacan arsusitanacapsti arjjataraquiniwa. Arunacapasti mä varar uñtataraquïniwa khoru jakenacar mutuyañataqui. Ñankha jakerusti samanapampi phust'asaquiw jiwayaraquini.

Isaías 29:19

Llamp'u chuymani jakenacasti Tatitunwa cusisipjjani, juc'ampi pobrenacasti cusisipjjaraquiniwa, Israelan kollan Diosapana.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Isaías 61:1

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,

Jeremías 51:59

Sedequías reyejj pusi mara Judá orake apnakcän ucapachajja, Jeremías profetajj mä ewjja churaraquïna Seraías sat jakeru, ucasti Nerías sat jaken yokapänwa, Maasías sat jaken allchhiparaqui. Seraiasasti Sedequiasampi chict'ataw sararaquïna Babilonia marcarojja, reyin korpachasiñapataqui wact'ayirïcaspas uqhama.

Mateo 11:29

Nayan yugojja apapjjam, ucatsti nayat yatekasipjjaraquita. Nayasti llamp'u chuymani, alt'at chuymaniraquïtwa, ucatwa almaman samarañapjja jicjjatapjjäta.

Mateo 21:5

“Sionanquir marcarojj sapjjam: ‘Uñjam, juman Reyimaw mä asnjjata jutasqui, llamp'u chuymani, mä jisc'a asno kalljjata, cawquïritejj qhumuñ uywan wawapäqui ucjjata.’ ”

Mateo 23:26

Juyqhu fariseo: nayrakatjja vaso mankhawa phiscsuñajja, uqhamarac platorusa, ucatwa ankäjjapajj k'oma uñjasini.

Mateo 5:5

“Cusisiñanïpjjew llamp'u chuymaninacajja, jupanacaraquiw Diosan arsutaparjama orake catokapjjani.

Lucas 11:40

¡Jan amuyuninaca! ¿Janit yatipcta qhititejj ankäjj lurqui ucajj mankhëjjamppach luratapjja?

Lucas 16:15

Jesusasti jupanacarojj saraquïnwa: “Jumanacasti jakenac nayrakatanjja asquit uñt'ayasipjjtajja, ucampis Diosajj chuymanacamjja sumwa uñt'apjjtamjja. Cunatejj jakenacataqui asquïqui ucajj Diosataquejj janiw walïquiti.

Romanos 1:23

Ucatwa Diosan jach'a c'ajquir cancañapa jakoquipapjje, jiwirïqui uca Diosar yupaychañat sipanjja jiwir jakenacan diosanacaparuw yupaychapjje jamach'inacaru, asirunacaru, pusi cayun animalanacar cuna.

Romanos 2:29

Jan ucasti chekpach judiöñajja, take chuymampi iyawsañawa. Circuncidatäñapasti chuyman circuncidatäñawa. Ucasti janiw cuna leyitsa jutquiti, jan ucasti ajayutwa juti. Qhititejj uqhamäqui ucajja Diosampi catokatawa, janiw jakenacampiti.

Romanos 6:6

Yattanwa, nayra jacañasajj jupampi chica ch'accatatäjjewa uqhamat jiwasan cuna jan walitejj utjqui ucajj t'unjatäñapataqui, uqhamat jan juc'ampi juchar sirvjjañasataqui.

Romanos 7:22

Chuymajj mankhenjja Diosan leyiparu wal munta,

2 Corintios 10:1

Naya Pablow jumanacarojj Tatitun munasiñap laycu achict'apjjsma. Cunapachatï jumanacampïcta ucqhajja: “Wali llamp'u jakew” sapjjetuwa. Ucampis jumanacat jayancjjta ucqhajja: “Khoru jakew” sapjjaraquituwa.

2 Corintios 4:16

Ucatwa janipuni nanacajj mayjt'asipcti: Janchinacajjajj sapürusa aynacharus sarjjchi ucasa, ajayunacajjajj sapürutjamaraquiw machakar tucusqui.

Gálatas 5:23

llamp'u chuymanïña, janchin munañapar atipjaña. Acanac contrasti janiw cuna leyis utjquiti.

Efesios 4:2

Llamp'u chuymanïpjjam, munasirinaca, paciencianïpjjaraquim maynit maynicama munasiñan sarnakasa.

Colosenses 3:12

Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam.

Colosenses 3:3

Jumanacasti Cristomp chicaw jiwjjapjjta, jichhasti jumanacan jacañanacamajj Cristomp chicäjjewa Diosan nayrakatapana.

1 Tesalonicenses 4:11

Samarat jacañaru munapjjam, jumanacan luräwinacamat lup'isipjjam, amparanacamamp irnakapjjam, cunjämtejj ewjjt'apjjsma uqhamarjama,

2 Tesalonicenses 3:12

Uca casta jakenacarojj Tatit Jesucristosan sutipjjaruw ewjjt'apjjta: “Llamp'u chuymampi jacañataquejj irnakapjjpan” sasa.

1 Timoteo 2:2

Diosat mayiñasaraquiw marca apnakerinacataquisa, uqhamarac take autoridadanacataquisa, uqhamat samarañana jan llaquini jacasiñasataqui, Diosar catuyata, uqhamarac takerus suman uñjasaraqui.

2 Timoteo 2:25

Jan ist'asirinacarusti llamp'u chuymampi ewjjt'añaparaquiwa, inampis Diosajj jan wali luräwinacapat cuttayasincaspa, uqhamat jupan cheka arunacap uñt'apjjañapataqui.

Tito 3:2

Janiraqui qhiti toksa jan waljja parlapjjpati, jan ucasti sumanquirïpjjpan, uqhamarac munasiñani llamp'u chuyma takenirusa uñacht'ayasa.

Santiago 1:21

Uqhamapï jumanacajj cunatejj k'añüqui ucjja apanucupjjam, uqhamarac jan walinacas wali phokhantatäqui ucsa. Cuna arunacatejj jumanacan chuymanacaman yapuchatäqui ucjja llamp'u chuymampi catokapjjam, uca arunacasti ch'amaniwa almanacam khespiyañataquejja.

1 Pedro 1:23

Jumanacasti machakatwa nasjjapjjtajja, janiw jiwir jakenacatti, jan ucasti Diosan arunacapatwa. Uca arunacasti jan jiwiriwa, wiñayataquiraquiwa.

1 Pedro 3:15

Jan ucasti Tatitur jach'achapjjam chuymanacamanjja. Ucatsti waquicht'atäpjjaraquim qhitinacatejj jumanacaru suyt'añanacamjjat jisct'apcätam ucanacar sañataquejja ucampis sapjjam suma chuymampi.

1 Samuel 16:7

Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”