2 Corintios 12:2 - Qullan Arunaca Tatitur iyawsir mä jakeruw uñt'ta, jupasti quimsïri alajjpachcamaw irpataraquïna ucat acarojj niya tunca pusini maraw pasjje. Janchipamppacha jan ucajj ajayunaqui irpatächïn ucjja janiw yatcjjti, Dios mayniquiw ucjja yati. Aymar Bibliia 1986 Tatitur iyawsir mä jakeruw uñt'ta, jupasti quimsïri alajjpachcamaw irpataraquïna ucat acarojj niya tunca pusini maraw pasjje. Janchipamppacha jan ucajj ajayunaqui irpatächïn ucjja janiw yatcjjti, Dios mayniquiw ucjja yati. Qullan Arunaka DC Cristor arkir mä jaqiruw uñt'ta, jupasti kimsïr alaxpachar apatänwa, ukat akarusti niya tunka pusin maräxiwa. Janchina, jan ukax ajayunaki apatächïn uk janiw yatkxti, Diosakiw uk yati. |
Jichhajja acawa lurasini, nayajj jumat sarakawayjjäma ucqhajja, Tatitun ajayupawa jumar aptawayjjätam nayan jan uñjañ chekaru. Ucatsti nayajj cunapachatï Acab reyiru yatiyä ucqhajja, jupajj janiw jumarojj jicjjatcjjätamti, ucatsti nayarojj jiwayitaniwa. Aca uywatamasti wayna urunacapatpachwa Tatiturojj jach'achañ yati.
“Ucampis ¿chekäspati Diosajj aca orakena jacaspa ucajja? Alajjpachatejj jach'a cancañapampi jan jumar apjjäsiña puedcstamti ucajja, ¡aca templo lurarapcsma ucajja juc'ampiwa jan jumarojj apjjäsiñ puedquiristamti!
sapjjänwa: —Uñjam, nanaca sirvirinacama taypinjja pheska tunca jan ajjsaririnacaw utji. Ucatsti qhitam yatichirim thakeri, inasa Diosan ajayupajj aptasina jakonucjjchi mä cawqui kollu patarusa, jan ucajj mä vallerusa —sasa. Ucampis jupajj sänwa: —Janiwa, jan qhitirus qhitapjjamti —sasa.
Alajjpacha, Tatitur jach'añcham, alajjpachanquir umanaca, Tatitur jach'añchapjjam.
Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.
Ucatsti janc'aquiraquiw Diosan ch'amapajj nayarojj aptjjetäna, ucatsti Babiloniaruw cuttayanjjaraquitu, cawqhancapcäntejj mayni jaya marcaru apanucuyata jakenacajja uca chekaru. Take aca luräwinacasti phokhasiraquïnwa cuntejj Tatitun Ajayupajj mä unañchäwin uñjayquitäna ucana. Uca khepatsti uca unañchäwejj chhaktawayjjaraquïnwa.
Ucat Tatitun ch'amapaw nayarojj aptaraquitu, mankhäjjanquir uta ankäjja tokeruw irparaquitu, ucanwa nayajj uñjaracta cunjämsa Tatitun khanapajj temploru phokhantäna uca.
Qhititejj nayan janchejj mank'qui, wilajjsa umcaraqui ucajja nayampejj mayaquiwa, nayasti jupampejj mayaquiraquïtwa.
Pablompi Bernabeampejj uc yatisinjja, Listra uqhamaraqui Derbe uca marcanacaruw jaltjjapjjäna. Uca marcanacajj Licaonianquiwa. Uqhamaraquiw uca thiya marcanacar sarapjjäna.
“Cunapachatejj Jerusalenar cutt'awaycta ucqhajja, temploruw sarta oración luriri. Ucansti mä unañchäwi uñjta.
Apeles jilatarus aruntapjjaraquim, jupasti uñacht'ayaraquiwa cawquicamatejj jupan iyawsañapajj Cristotaqui utjqui ucsa, uca quipcaraqui Aristóbulo satan familiaparusa.
Aruntapjjaraquim Priscilarusa, Aquilarusa, jupanacasti nayamp chica Cristotaqui irnakerinacawa.
Marca masinacajj Andronicompir, Juniasampir aruntarapipjjaraquita. Jupanacajj nayamp chicaraquiw carcelancapjjäna. Apostolonaca taypinjja wali aytatäpjjewa, jupanacasti nayat nayra Tatiturojj iyawsapjjäna.
Urbanorus aruntapjjaraquim, jupasti jiwasampi chica irnakeriwa Jesucristo Tatituru sirviñanjja, uqhamarac nayan munat Estaquisarusa.
Jichhasti janiw cuna juchañchäwis utjquiti Cristo Jesusanquirinacataquejja, qhitinacatejj jan jacapqui janchin munañaparjama [jan ucasti Ajayun apnakata jacapqui ucanacataquejja].
Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.
¿Cunatsa aqham parltjja? ¿Janich jan ucajj jumanacar munapcpachäsmajja? Diosajj yatisquiw walpun munapcsma ucjja.
Jumanacpacharac yant'asipjjam, iyawsañanacamanjja suma ch'amanïpjjtati janicha uc yatiñataqui. ¿Janit jumanacasti amuyasipcta Jesucristojj jumanacampïtapsti? K'ari jilatanacäpcasmas ucqhaquiw Cristojj jan jumanacampïcaspatejja.
Uqhamasti, qhititï Cristompëjjchi ucajj machak jakëjjewa. Nayra luräwinacasti tucusjjaraquiwa, jichhajj take cunas machakar tucutawa.
Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.
Judea ucsa tokenquiri Tatitun iglesiapanquiri jilatanacajj janïraw ucqhajj nayarojj uñt'apquitänti.
Jiwasanacatejj Cristo Jesusampi mayaquïstanjja, janiw cunataquis asquïquiti circuncisión lurayasiñasa jan lurayasiñasa. Ucampis iyawsañanïñäni ucaw juc'amp asquejja, aca iyawsañasti munasiñanwa jacayaraquistani.
Cawquïritejj sarakcänjja uca pachparaquiw alajjpachanacat juc'amp alayarojj maqhatäna, jupan jach'a cancañapampi take phokhantañataqui.
Amuyapjjaraquim, jumanacan Tatitu Diosamanquiw alajjpachasa, alajjpachan alajjpachapasa, uqhamaraqui acapachan orakenacasa, take cunatï ucan utjqui ucanacasa.
ucatsti jaquirinacajja jupanacamp chicaw aptatäñäni kenay taypina chica alajjpachana Tatitumpi jiquisiñasataqui. Uqhamaw Tatitumpejj wiñayataquïñäni.
Diosan Yokapa Jesusaw jiwasan jach'a jilïri sacerdotesajja. Juparaquiw Diosan nayrakataparojj mantejja. Ucatwa juparojj take iyawsañasampi arcañasajja.
Jaken lurat santuariojj mä uñacht'äwiquïnwa chekpach santuariotjja. Cristosti janiw uca jakenacan lurat santuariorojj mantquiti, jan ucasti alajjpach quicparuw manti, jichhasti ucan Diosan nayrakatapan jiwasat arjjatasquistu.
Cunürutejj Tatitun urupäcäna uca urunwa nayajj Kollan Ajayun apnakata uñjasta, ucatsti mä jach'a aru ist'ta khepäjjajjat art'asiniri. Uca arusti mä trompetas phust'ascaspa uqhamänwa, ucatsti saraquituwa:
Uca warmisti mä yokall wawa wawachasïna. Uca wawasti acapach orake apnakani, takpach marcanacaru wali khoru cancañampiw apnakani. Wawapasti ucspachaw apakatäjjäna, Diosan tronoparu uqhamarac quipca Dios nayräjjaruw apatäjjäna.
Uca horasasti Kollan Ajayun apnakataw nayajj uñjasta, alajjpachansti mä trono uñjaracta, ucansti mayniw kont'atäscäna.