2 Corintios 12:2 - Qullan Arunaka DC

² Cristor arkir mä jaqiruw uñt'ta, jupasti kimsïr alaxpachar apatänwa, ukat akarusti niya tunka pusin maräxiwa. Janchina, jan ukax ajayunaki apatächïn uk janiw yatkxti, Diosakiw uk yati.

Aymar Bibliia 1986

² Tatitur iyawsir mä jakeruw uñt'ta, jupasti quimsïri alajjpachcamaw irpataraquïna ucat acarojj niya tunca pusini maraw pasjje. Janchipamppacha jan ucajj ajayunaqui irpatächïn ucjja janiw yatcjjti, Dios mayniquiw ucjja yati.

Qullan Arunaca

² Tatitur iyawsir mä jakeruw uñt'ta, jupasti quimsïri alajjpachcamaw irpataraquïna ucat acarojj niya tunca pusini maraw pasjje. Janchipamppacha jan ucajj ajayunaqui irpatächïn ucjja janiw yatcjjti, Dios mayniquiw ucjja yati.

2 Corintios 12:2 Jak'a apnaqawi uñst'ayäwi

1 Reyes 18:12

Ukat juk'ampi, nayax juma jak'at saraqawaykäma ukspachaw Tatitun ajayupax aptawayätam, nayasti janiw kawkinkatamsa yatkäti. Ukatsti kunapachatix nayax Ahab reyiru juman akankatam yatiyä ukkhaxa, jupax jutaniwa, ukatsti janiw jumar jikxatkätamti, ukatsti nayarux jiwayitaniwa. Naya, juman luqtirimax waynatpach Tatitur axsartirïtwa.

1 Reyes 8:27

“Ukampisa Diosaxay, ¿chiqpachapunit jumasti aka uraqin jakasmasti? Alaxpachatix jach'a kankañapampi jumar jan katxäsirjamäkstamxa, ¡janiw jumatak utacharapksma ukax katxäskiristamti!

2 Reyes 2:16

sapxänwa: —Eliseo, nanaka luqtirinakam taypinxa, phisqa tunka jan axsarir chachanakaw utji, jupanakax jank'akiw sarañ munapxi Elías yatichirimar thaqhiri, inas Diosan ajayupax aptasin mä kawki qullu patarusa, jan ukax, mä qhirwarus jaqunukuwaychi —sasa. Ukampis jupax sänwa: —Janiwa, jan khitirus khithapxamti —sasa.

Salmos 148:4

¡Alaxpacha, Tatitur jach'añcham, alaxpachankir umanaka, Tatitur yupaychapxam!

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Ezequiel 11:24

Ukatsti Tatitun ch'amapaw nayar aptawayasax Babiloniar kuttayitu, kawkhankapkäntix apanukuyata jaqinakax uka markaru. Taqi aka luräwinaksti, Tatitun Ajayupaw unañchäwi tuqi uñjayarakitu. Uka qhipatsti uka unañchäwix chhaqtawayxänwa,

Ezequiel 43:5

Ukapachaw Tatitun ch'amapax nayar aptitu, manqhäxankir uta anqäx tuqiruw irpitu, ukan nayax uñjarakta Tatitun qhapaq kankañapan templor phuqhantata.

Lucas 24:51

Jupanakar aski waxt'äwip churkipanwa, jupanakat jithiqtawayxäna, ukatsti alaxpachar apataw uñjasxäna.

Juan 6:56

Khititix nayan janchix manq'ki, wilaxsa umkaraki ukax, nayampix mayakiwa, nayasti jupampix mayakirakïtwa.

Hechos 14:6

Ukampis Pablompi Bernabeampix uk amuyasinxa, Licaonia uraqi thiya chiqanakaruw jaltxapxäna. Ukan jupanakax Listra, Derbe markanakan suma yatiyäwi arunakat yatiyapxarakïna.

Hechos 22:17

“Jerusalenar kuttasinti, Tatitun utaparuw Tatitur mayisir sarta. Ukansti mä unañchäwi uñjta.

Romanos 16:10

Apeles jilatar aruntapxam, jupasti walja kutiw Cristor iyawsatap uñacht'ayi, uka kipkarak Aristóbulo jilatan wila masiparus aruntapxam.

Romanos 16:3

Priscilampiru, Aquilampirux aruntapxam, jupanakax nayampi chikaw Cristo Jesusan luräwipan irnaqapxi.

Romanos 16:7

Andrónico, Junias, marka masinakaxar aruntapxam; jupanakasti nayamp chikaw carcelankapxäna; apostolunak taypin wali uñt'atäpxiwa, jupanakasti nayat nayraw Tatiturux iyawsapxi.

Romanos 16:9

Urbanor aruntapxam, jupax Criston luräwipan nanakamp chika irnaqiriwa, uka kipkarak Estaquis munat jilataxarus aruntapxam.

Romanos 8:1

Ukhamasti, jichhax khitinakatix Cristo Jesusamp mayakïpki jupanakatakix janiw kuna juchañchäwis utjkiti.

1 Corintios 1:30

Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

2 Corintios 11:11

¿Kunatarak ukham parlañaxasti wakisisti? ¿Janich jumanakar munasipksmaxa? ¡Diosaw jumanakar munasitax yati!

2 Corintios 13:5

Jumanakpacharak chuyma uñantasipxam, ukhamat iyawsäwiman ch'amanïpxatam yatiñataki. ¿Janit amuyasipkta Jesucriston jumanakampïskatapsti? ¡Yant'ampi atipjayasisakiw jan amuyasipkasmati!

2 Corintios 5:17

Ukhamasti, khititix Cristompi mayachatäxchi ukax, machaq jaqïxiwa. Nayra luräwinakax tukusxiwa; jichhax taqi kunas machaqar tukutawa.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Gálatas 1:22

Judea uksa tuqin Criston iglesiapankir jilatanakax janïraw ukkhax nayar uñt'apkitänti.

Gálatas 5:6

Cristo Jesusampi mayakïstanxa, janiw kunatakis wakiskiti circuncisión katuqañasa, jan katuqañasa. Jan ukasti, iyawsañanïñaw juk'amp askixa, uka iyawsañasti munasiñan jakayarakistani.

Efesios 4:10

Khititix manqhakam saraqki ukasti, alaxpachat juk'amp alayar makhatki uka pachparakiwa, ukhamat taqi phuqhantañataki.

Deuteronomio 10:14

Amuyapxarakim, jumanakan Tatit Diosamankiw alaxpachasa, alaxpachan alaxpachapasa, uraqisa, taqi kunatix ukan utjki ukanakasa.

1 Tesalonicenses 4:17

ukatsti jakirinakax jupanakamp chikaw qinayxar aptatäñäni, ukhamat Tatitump alayan jikisxañataki, ukhamaw Tatitumpix wiñayatak jakxañäni.

Hebreos 4:14

Diosan Jesús Yuqapaw jiwasan jach'a Jilïr sacerdotesaxa, jupax alaxpachkamaw puri. Ukat juparux taqi iyawsañampi arkañasa.

Hebreos 9:24

Cristox janiw jaqinakan lurat qullan chiqar mantkänti, ukax chiqpach qullan utar uñtatakïnwa, jan ukasti Cristox pachpa alaxpacharuw mantäna, jichhasti ukan Diosan nayraqatapan jiwasatak mayiski.

Apocalipsis 1:10

Kunürutix Tatitun urupäkän uka urun nayax Qullan Ajayun apnaqat uñjasta, ukatsti mä jach'a aru ist'ta qhipäxaxat art'asiniri, uka arusti mä trompetas phust'askaspa ukhamänwa,

Apocalipsis 12:5

Uka warmisti mä yuqall wawa wawachasïna. Uka wawaw akapach uraqin taqpach markanakar wali qhuru kankañampi apnaqani. Ukampis wawapar apaqapxänwa, ukatsti Diosan nayraqataparuw irpapxäna, qhapaq qunuñap nayräxaru.

Apocalipsis 4:2

Nayasti ukspachaw Qullan Ajayun apnaqat uñjasta, ukatsti alaxpachan mä qhapaq qunuñ uñjta, uka qunuñansti mayniw qunt'atäskäna.