2 Corintios 11:2 - Qullan Arunaca

Jumanacatjja nayajj wal llaquista, Diosat jutir munasiñampiraquiw celapjjsma, jumanacarusti Cristompiraquiw parlthapiyapjjsmajja. Ucatsti nayajj jumanacarojj Cristoruw uñstayañ munapjjsma, mä k'oma jan chach uñt'ir tawakor uñtata mä sapa chachampi casarasiñataqui.

Aymar Bibliia 1986

Jumanacatjja nayajj wal llaquista, Diosat jutir munasiñampiraquiw celapjjsma, jumanacarusti Cristompiraquiw parlthapiyapjjsmajja. Ucatsti nayajj jumanacarojj Cristoruw uñstayañ munapjjsma, mä k'oma jan chach uñt'ir tawakor uñtata mä sapa chachampi casarasiñataqui.

Qullan Arunaka DC

Jumanakat llakiskta uka llakisiñax Diosat juti. Nayasti jumanakar mä sapa chachampi jaqichasiñatakiw katuyapxsma, jupasti Cristowa, jupa nayraqatarusti q'uma jan chach uñt'ir mä tawaqurjamaw uñstayapxsma.

2 Corintios 11:2 Jak'a apnaqawi uñst'ayäwi

Isaías 54:5

Jumaru jacañ churiri Tatituw jichhajj esposapat uñt'asjjätam uca laycu. Sutipasti take ch'amani Tatitu satawa, khespiyirimajj Israelan Kollan Diosapawa, jupasti take aca orakpachan Diosaparaquiwa.

Ezequiel 44:22

janiraquiw mä ijma warmimpisa ni chachampi jaljtata warmimpisa casarasiñapäquiti, jan ucasti Israelanquiri mä jan chacha uñt'iri tawakompiw casarasiñapa, jan ucajj yakha sacerdoten ijmapampisa.

Juan 3:29

Mä casarasïwinjja casarasiri warmin chachapäcani, ucapï casarasir waynajja, jupan parlatap ist'asinjja amigopajj wal cusisi. Nayajj uca pachparaquiw cusista.

Romanos 7:4

Uca quipcaraquipï jumanacajj, munat jilatanaca, Criston cuerpopar catuyatäjjapjjsta ucajja, leyitaquejj jiwatäjjapjjtawa, uqhamata yakhampi jacapjjañamataqui. Jichhajj Cristoncjjapjjtawa qhititejj jiwatanaca taypit jacatatawaycatayna ucana, ucasti jiwasan Diosataqui asquïñasataquiwa.

1 Corintios 4:15

Jumanacajj Cristo toketjja tunca waranka yatichirinïsipcamsa, ucampisa janiw walja awquinïpctati. Nayaw jumanacan Tatit toketjja awquimjamätjja jumanacar khespiyasiñ arunac parlatajj laycu.

2 Corintios 4:14

Yatipjjaractwa, Jesucristor jiwatanacat jactayir Diosajj jiwasarojj jactayaraquistaniw Jesusamp chica. Ucatsti jumanacamp chicaraquiw jupan nayrakataparojj irpjjestani.

Gálatas 4:11

Llaquistwa inas jumanac taypin luratajjajj inamayaquïchi.

Filipenses 1:8

Diosaquiw yatejja cunjämtejj nayajj jumanacarojj Jesucriston munasiñapampi munapcsma ucjja.

Colosenses 1:28

Nanacajj Cristo Tatitjjatwa parlapjjtjja. Takeniruraquiw ewjjt'apjjta yatichapjjaracta sum amuyt'apjjañapataqui, uqhamata takenis suma jiltatäñapataqui Tatitumpi mayaquïñapanjja.

1 Tesalonicenses 2:11

Yatipjjaractawa cunjämtejj ch'amañchapjjäyäsma, chuymachapjjaraquïyäsma sapa mayni jumanacaru, cunjämtejj mä awquejja wawanacapampi lurqui uqhama.

Apocalipsis 14:4

Acanacasti janiw warminacampi juch lurasa k'añuchasipcataynati, jan ucasti k'omapuniw kheparapjjatayna, ucatsti Corderoruraquiw arcapjje cawquirutejj jupajj sarqui ucaru. Jakenac taypita jupanacajj khespiyatäpjjataynawa, Diosataquisa Corderotaquisa nayrïri ofrendanacapäcaspas uqhama.