2 Corintios 1:8 - Qullan Arunaca

Jilatanaca, munapjjtwa yatipjjañama kawkha t'akhesïwinacatejj Asia tokenjja utjapquitänjja take ucanaca. Uca yant'anacajj wali ch'amapunïnwa, janjamaquiw ch'amas utjcjjapjjetänti: “Inas jiwjjchiñäni” sasaw sapjjäyätjja.

Aymar Bibliia 1986

Jilatanaca, munapjjtwa yatipjjañama kawkha t'akhesïwinacatejj Asia tokenjja utjapquitänjja take ucanaca. Uca yant'anacajj wali ch'amapunïnwa, janjamaquiw ch'amas utjcjjapjjetänti: “Inas jiwjjchiñäni” sasaw sapjjäyätjja.

Qullan Arunaka DC

Jilatanaka, Asia suyun kuna jan walt'añanakantix jikxatasipkäyät uk yatipxañam munta. Uka yant'ax jan atipjkayänwa, jiwañak suyxapxäyäta.

2 Corintios 1:8 Jak'a apnaqawi uñst'ayäwi

Hechos 16:6

Kollan Ajayojj jupanacarojj Tatitun arunacapjja janiw Asia marcan parlayañ muncänti. Ucatwa jupanacajj Frigia, uqhamarac Galacia tokenacaru sarjjapjjäna.

Hechos 19:41

Take acanac arsutatsti, jupajj uca tantachäwjja tuct'ayjjänwa.

Hechos 2:9

Aca marcanacatjjay acancapjjstanjja: Partia, Media, Elam, Mesopotamia, Judea, Capadocia, Ponto, Asia,

Romanos 1:13

Jilatanaca, muntwa jumanacan yatipjjañama, nayan walja cuti jumanacan ucar tumpir jutañ munatajja, ucampis janiw jichhacamas jutcti. Munaraquïyätwa jumanacan ucar jutasina Diosar iyawsatanacamatjja wali suma ajayun achunaca apthapiña, cunjämtejj yakha tokenacana apthapiwaycta uqhama.

1 Corintios 15:32

Uqham sasinjja, nayajj Éfeso marcanjja jakenacampejj leonanacampjamaw nuwastjja. Ucampisa, ¿cunaraqui jicjjatsti? Jiwatanacan jacatatañapatejj jan chekäcchi ucqhajja, cunjämtejj säwejj sisqui uqhamaracwa sisnajja: “Mank'asiñäni, umt'asiñäni, khärurojj jiwjjchiñänejjaya” sasa.

1 Corintios 16:9

ucansti waliw Tatitutaqui lurañajj utjaraquitu waljaninacar Tatitur uñt'ayasa, waljaninac naya contra utjcchi ucasa.

1 Corintios 4:8

Jumanacajj niya kamir tucutjamaquëjjapjjtawa, take cunansa phokt'atjamäjjapjjaractawa, reyinacaw tucupjjaracta, nanacarusti mä tokeruw apanacupjjaraquista. ¡Añchaquit chekpachansa reyïpjjasma uqhamata nanacajj jumanacamp chekäpjjaraquirista uca reinomanjja!

2 Corintios 1:9

Jiwañar catuyata jakenacjamaw amuyasipjjäyätjja. Ucampis take ucanacajj Diosar catuyasiña yatekapjjañajjataquïtaynawa, jan nanacan ch'amanacajjarojja, uca Diosaw jiwatanacsa jactayejja.

2 Corintios 6:9

Horasasti jan uñt'at jakenacarjamaraquiw uñjapjjetu, ucampis wali uñt'atäpjjtwa; horasajj jiwañar purirjamaraquiw uñjasipjjtjja, ucampis jacasipcaractwa; mutuyataw uñjasipjjta, ucampis janiw jiwayatäpcti.

1 Samuel 20:3

Ucampisa Davidajj sascaquïnwa: —Awquimajj asquiw yati nayajj jumat yanapa catokatajj-jja, ucampis jichhajj janiw yatiycätamti, juman jan llaquisiñamataqui. ¡Ucampisa juramentompiw arsuracsma, Tatitun sutipjjaru, uqhamarac juman sutimjjarusa, nayataquejj jiwañajj sinti jac'ancapuniwa! —sasa.

1 Samuel 27:1

Ucampisa Davidajj lup'iscaraquïnwa: “Jichhasa, jan ucajj acat kheparusa Saúl reyejj nayarojj jiwayaquipunitaniwa. Uca laycu, nayataquejj asquïniwa filisteonacan orakeparu sarjjañajjajja, uqhamat Saúl reyejj nayarojj jaytañapataqui, janiraqui take Israel orakena thakascañapataqui. Uqhamatwa amparapat jaltjjäjja” sasa.