1 Corintios 15:32 - Qullan Arunaca

³² Uqham sasinjja, nayajj Éfeso marcanjja jakenacampejj leonanacampjamaw nuwastjja. Ucampisa, ¿cunaraqui jicjjatsti? Jiwatanacan jacatatañapatejj jan chekäcchi ucqhajja, cunjämtejj säwejj sisqui uqhamaracwa sisnajja: “Mank'asiñäni, umt'asiñäni, khärurojj jiwjjchiñänejjaya” sasa.

Aymar Bibliia 1986

³² Uqham sasinjja, nayajj Éfeso marcanjja jakenacampejj leonanacampjamaw nuwastjja. Ucampisa, ¿cunaraqui jicjjatsti? Jiwatanacan jacatatañapatejj jan chekäcchi ucqhajja, cunjämtejj säwejj sisqui uqhamaracwa sisnajja: “Mank'asiñäni, umt'asiñäni, khärurojj jiwjjchiñänejjaya” sasa.

Qullan Arunaka DC

³² Nayax Éfeso markan jaqi manq'an animalanakampjamaw jaqinakamp nuwasta. Jiwatanakan jaktañapatix jan chiqäkchi ukasti, ¿uk lurasin, kunarak jikxatsti? Kunjämtix yaqhipanakax sapki ukhamarak lursnaxa: “¡Manq'asiñäni, umt'asiñäni, qharürux jiwxchiñänixaya!” sasa.

1 Corintios 15:32 Jak'a apnaqawi uñst'ayäwi

Job 35:3

Jumajj Diosarojj saractawa: ‘¿Cunas jumar waquistam jucha luratajjajja, cunansa jan walt'aytam jucha luratajjajja?’ sasa.

Salmos 73:13

¡Inamayaquiw chuyma k'omachasitajjajja! ¡Inamayaquiw amparanacajj ñankhat jarekasitajjasa!

Eclesiastés 11:9

Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Eclesiastés 2:24

Jakejj mank'asispa, umasispa, uqhamarac luratapampisa cusisiraquispa uqhamanwa asqui luraspa. Amuyt'aractwa acajj Diosataraqui jutatapa.

Isaías 22:13

Ucampis jichhajj sinti cusisiñaquiw utji, vacanaca, ovejanaca jiwarayaña, aycha mank'aña, vino umañampi ucanacaquiw utji. “Mank'asiñäni, umt'asiñäni, kharürojj jiwcjjchiñanïya” sapjjaractawa.

Isaías 56:12

Sapjjaraquiwa: “Vinomp, wali umjayasir umañanacamp thakhasir sarapjjañäni ucat machapjjaraquiñäni, kharürusa, jichhürjamaraqui lurapjjañäni, ucat sipansa juc'ampi lurapjjañäni” sasa.

Lucas 12:19

Ucatsti saraquïwa: Walja yänacaw jichhajj utjitu, walja maranacatac imata, ucatsti samarasï, mank'asï, umasï, cusisiraquï’ sasa.

Lucas 9:25

¿Cuna asquiraquïspa jaketaquisti aca orakpachajj jupancjjaspa, ucat jacañap apt'asispa ucasti?

Hechos 18:19

Éfeso marcar purisinjja, Pablojj Priscilampir Aquilampir jaytawayasinjja sinagogaruw sari, judionacamp parliri.

Hechos 18:21

Jupanacarusti sänwa: [—Nayanjj waquisituwa jutcan uca fiestan Jerusalenancañajja.] “Dios munanejja, nayajj wastataw jumanacar uñjirijj jutä” sasa. Éfeso marcatjja jilatanacar jaytawayasinjja, barcot sarawayjjäna.

Hechos 19:1

Apolosan Corinto marcancañapcamasti, Pablojj kollu tokenac pasasinwa Éfeso marcar puri. Ucansti mä kawkha iyawsirinacaruw jicjjataraquïna.

Romanos 3:5

Ucampis jiwasan jan wali luratanacasatejj asquïchejja Diosan asqui cancañap uñacht'ayañataquejja, ¿camsañänisa? ¿Diosajj jan waliti jiwasanacar juchanacas laycu mutuyatapajja? (Acanacjja mä jakjamaquiw parlta.)

Romanos 6:19

(Jichhasti jaken amuyuparjamaquiw parlta, jumanacasti take cuntejj parlcta ucjja janiw amuyapctati). Jumanacajj nayrapachanjja k'añu cancañanacaru uqhamarac ñankha lurañanacaruw janchinacamjja loktasipjjäyätajja. Jichhasti Diosaruy janchinacamjja loktasjjapjjam cheka cancañaru, uqhamat Diosataquiqui k'oma jacjjapjjañamataqui.

1 Corintios 16:8

Ucampis Éfeso marcanjja Pentecostés urcamaw kamarascäjja;

Gálatas 3:15

Jilatanaca, jacañjjat amuyt'ayapjjäma: Cunapachatejj mä jakejj mä arust'äwi luri ucqhajja, sutipampiw kellkanti, ucsti janiw qhitis ina ch'usar tucuycaspati, janiraquiw yapjjatcaraquispasa.

2 Pedro 2:12

Ucampis uca jakenacajj animalanacjam jan amuyt'asirïpjjewa, alekaquiraquiw jacasipqui catusin jiwayatäñataqui. Jan amuyt'asisaquiraquiw cuns parlapjje, ucampis animalanacar uñtataquiraquiw jiwarapjjani,

Judas 1:10

Aca jakenacasti cunattejj jan yatipqui ucanacatjja jan wal parlapjje, ucampis yatipqui ucanacatsa cunjämatejj animalanacajj jan amuyt'a cancañampi uñt'apjjejja uqhamaw jupanacan pachpa t'unjäwipataqui ucjja lurapjje.