Ucampis jucha luratajjaw utjäna, uc amuyasta, ucat jucha luratanacajj jan imt'csmati; juchanacajj jumar arsusiñataquiw amtta, Tatay, jumasti juchanacajjat pampachista.
2 Corintios 1:4 - Qullan Arunaca Take t'akhesiñanacasanwa Diosajj chuymachistu, jiwasajj t'akhesirinacar chuymachañasataqui, cunjämtï Diosajj jiwasar chuymachquistu uqhama. Aymar Bibliia 1986 Take t'akhesiñanacasanwa Diosajj chuymachistu, jiwasajj t'akhesirinacar chuymachañasataqui, cunjämtï Diosajj jiwasar chuymachquistu uqhama. Qullan Arunaka DC Jupaw taqi t'aqhisiñanakasan chuymachistu, ukhamat jiwasanakan t'aqhisirinakar chuymachañasataki, Diosax churkistu uka pachpa chuymachasïwimpi. |
Ucampis jucha luratajjaw utjäna, uc amuyasta, ucat jucha luratanacajj jan imt'csmati; juchanacajj jumar arsusiñataquiw amtta, Tatay, jumasti juchanacajjat pampachista.
Jumaw imantasiñajjätajja: jan walt'añanacat khespiyista, atipjäwi k'ochunacampiw muyuntayaraquista.
Khanpun munasiñam uñacht'ayita, uñisirinacajjasti uc uñjapjjpan, p'enk tucupjjaracpan, ¡Tatay, jumaw yanapista, chuymacharaquista!
Uca urunsti saraquïtawa: “Yuspagarsmaw Tatay, nayataquejj coleratäcchiyäta ucasa, jichhajj colerasiñamajj tucusjjewa, ucatsti sumancañracwa nayarojj churjjesta.
“Janiw mank'at awtjayascjjapjjaniti, umatsa pharjayascjjapjjaniti, janiraquiw lupisa, junt'usa khatintcjjaniti, nayaw munta ucat jupanacar irparacta, jalquiri uma thiyanacaruw anaquiraquï.
“Naya, naya quipcaw jumarojj ch'amachsma. ¿Qhitirus ajjsarta? ¿Jakenacaruti? ¿Jiwir jakenacaruti ajjsarta, qhitinacatejj korar uñtata tucusipjjani ucanacaru?
Nayaw Sión marcarojj wal qhuyapayä, jupasti k'ala tucjatapunïnwa. Wasaranquir waña orakenacsti mä pankar yapuruw tucuyä, cunjämtejj Tatitojj Edén huerto usccänjja uqhama. Ucanwa cusisiñas, c'uchiquïñas utjani, uqhamaraqui Tatitur yupaychaña k'ochunacasa, suma k'ochunacasa.
¡Jerusalenan t'unjatanaca, cusisiñat k'ochusipjjam wali ch'amampi, Tatitojj marcaparu qhuyapayasitap laycu, uqhamaraqui Jerusalenarus khespiyatap laycu!
Nayajj Awquirojj achict'äwa jumanacaru yakha Chuymachiri qhitaniñapataqui, jupasti jumanacampejj wiñayataquïniwa.
Awquejjaw nayan sutejjaru Kollan Ajayu qhitanini, jumanacar yanapañapataqui, uqhamarac chuymachañapataqui. Jupaw jumanacar take cuns yatichapjjätam, amtayapjjaraquïtamwa cuntejj nayajj jumanacaru sapjjsma ucanaca.
Ucatwa nanacajj chuymachat jicjjatasipjjta. Uca cusisiñ catokcasinsa, Titojj jumanacat wali cusisitap uñjasaw nanacajj juc'ampjja cusisipjjta. Take jumanacaw juparojj wal yanapt'apjjatätajja, jan cunatsa llaquisiyasa.
Wali khana arumpi parlañajjaw utjitu, uqhamaraqui wali cusisiñaw jumanacatjja utjitu. Take t'akhesiñanacajj taypinsti, walwa ch'am catjjatta, cusisiñans phokt'ataraquïtwa.
Nayar preso uñjasinjja, waljpachaniw jilatanacajj juc'ampi ch'am catjjatapjje. Diosan arunacap yatiyañanjja, jan ajjsarasaraquiw Tatitur juc'amp catuyasisin parlapjje.
Uqhamajj ch'amañchasipjjam maynit maynicama, cunjämtejj jichhas lurapctas uqhama.
Uqhamajj machak ch'amay churapjjamjja uca karjata amparanacarojja, uqhamarac t'uqha konkorinacamarusa.