Isaías 51:3 - Qullan Arunaca

³ Nayaw Sión marcarojj wal qhuyapayä, jupasti k'ala tucjatapunïnwa. Wasaranquir waña orakenacsti mä pankar yapuruw tucuyä, cunjämtejj Tatitojj Edén huerto usccänjja uqhama. Ucanwa cusisiñas, c'uchiquïñas utjani, uqhamaraqui Tatitur yupaychaña k'ochunacasa, suma k'ochunacasa.

Aymar Bibliia 1986

³ Nayaw Sión marcarojj wal qhuyapayä, jupasti k'ala tucjatapunïnwa. Wasaranquir waña orakenacsti mä pankar yapuruw tucuyä, cunjämtejj Tatitojj Edén huerto usccänjja uqhama. Ucanwa cusisiñas, c'uchiquïñas utjani, uqhamaraqui Tatitur yupaychaña k'ochunacasa, suma k'ochunacasa.

Qullan Arunaka DC

³ Jerusalén markasti q'ala tukjatawa, ukat juparux chuymachä. Wasar uraqinakapsti panqaran phuqhantat uraq tukuyä, nayan uskt'ata Edén chiqjama panqaran phuqhantat markäniwa. Ukan k'uchikïñas utjani, kusisiñ q'uchunak q'uchupxani Tatituruw yuspagarapxani —sasa.

Isaías 51:3 Jak'a apnaqawi uñst'ayäwi

Génesis 13:10

Lot chachasti take Jordán jawira tokenquir vallenacwa uñatatäna, Zoar sisqui uca jisc'a marcacama, uca vallesti wali umanïnwa, mä jardinjamaraquïnwa. Egiptor uñtasitjamaraquïnwa. (Ucasti uqhamänwa janïra Tatitojj Sodoma, uqhamarac Gomorra sat marcanac t'unjcän ucapacha).

Salmos 85:8

Cuntejj Tatitojj arscän uc ist'ä: Diosajj sumancañjjat marcaparojj yatiyani, takpach chuymamp jupar iyawsirinacaru, jan wasitat ñankha lurapjjañapataqui.

Isaías 12:1

Uca urunsti saraquïtawa: “Yuspagarsmaw Tatay, nayataquejj coleratäcchiyäta ucasa, jichhajj colerasiñamajj tucusjjewa, ucatsti sumancañracwa nayarojj churjjesta.

Isaías 25:9

Uca urunsti sataraquïniwa: “Acapi jïwasan Diosasajja, juparuw iyawstan, juparaquiw jiwasarojj khespiyistu, cusisipjjañäni, c'uchirtasipjjaraquiñäni, jupaw khespiyistu.”

Isaías 35:6

suchunacasti taruja kallunacjamaw sinc'usipjjani, amutunacasti arnakasipjjaraquiniwa. Wasara waña orakensti umajj walpun jalsuni mä jach'a jawirjama tucusa.

Isaías 41:16

Qhuyuraraquïtawa, ucatsti thayaw apasjjaraquini, tutuca thayaraquiw willitatjjani. Ucapachaw jumajj Tatitun cusisïta, Israelan Kollan Diosapatsti cusisiraquïtawa.

Isaías 43:19

Nayaw jichhajj take cunsa machak lurä, ucsti jichpacharaquiw uñjäta. Wasaran thaquinacwa jist'arä, jan achuri orakensti jawiranacwa jist'araraquï.

Isaías 44:26

Ucampisa qhitinacatejj nayan sirvirejjäqui ucanacan arunacapsti phokhayapuntwa, uqhamaraqui qhitatanacajjan amtatanacapsa suma mistuyaractjja. Nayaw Jerusalenan wasitat jakenëjjañapataqui arstjja, uqhamaraqui Judá orakenquir marcanacasa wasitat sayt'ayatäjjañapataqui: Aynacht'atanacapatsti nayaw jupanacarojj sartayä.

Isaías 49:13

¡Alajjpacha, cusisiñat art'asim! ¡Orake, walpun cusisiraquim! ¡Kollunaca, cusisiñatsti wal arnakasipjjam! Tatitun marcaparu chuymachatap laycu, llaquisiñ horasapansti Tatitojj marcapatjja qhuyapt'ayasiwa.”

Isaías 49:19

Marcamajj k'ala aynacht'atänwa, tucjata, khella tucuyataraqui; ucampis jichhajj orakemajj take jakenacamataquejj pisïniwa. Jumar tucjirinacasti jayancjjewa.

Isaías 49:8

Tatitojj siwa: “Qhuyapayasiñajj uñacht'ayañ horasajj puriniwa, ucat saracsmawa, khespiyasiñ urojj puriniwa, nayasti yanaparacsmawa. Nayaw jumarojj arjjatsma, juma laycu arust'äwinacajj aca marcampi lurañataqui, aca marca wasitat sayt'ayjjañajjataqui, uca tucjat orakenaca wasitat catusjjapjjañapataqui,

Isaías 51:12

“Naya, naya quipcaw jumarojj ch'amachsma. ¿Qhitirus ajjsarta? ¿Jakenacaruti? ¿Jiwir jakenacaruti ajjsarta, qhitinacatejj korar uñtata tucusipjjani ucanacaru?

Isaías 52:9

¡Jerusalenan t'unjatanaca, cusisiñat k'ochusipjjam wali ch'amampi, Tatitojj marcaparu qhuyapayasitap laycu, uqhamaraqui Jerusalenarus khespiyatap laycu!

Isaías 61:10

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Isaías 65:18

Wiñayataqui cusisiñampi c'uchirt'asiñampi phokhantasipjjam, cuntejj nayajj usccä ucanacata, nayasti mä cusiscañ Jerusalén lurt'araquï, ucan jaquir jakenacasti c'uchiquïpjjaraquiniwa.

Jeremías 31:25

Qhitinacatejj karjata, jan ch'amani sarnakasipqui ucanacarusti mank'añampi, umañampjja jilarquirwa churaraquï” sasa.

Ezequiel 28:13

Diosan pankar yapupana, Edén chekanwa utjasiraquïyätajja, suma kalanacampi c'achachataraqui: Rubí, crisólito, jade, topacio, cornalina, jaspe, zafiro, granate, esmeralda; ucanacampi, aretenacamasa, yakha yänacamasa koricamaquïnwa, cunürütejj jumajj aca oraken uñstcta uca urutpacha waquichataraqui.

Ezequiel 36:11

Jumanacan jakenacamarusa uqhamaraqui uywanacamarusa waljaptayapunïwa. Nayra urunacanjja cunjämatejj jakenacajj waljaptcänjja uqhamaraquiw waljani tucjjapjjäta, nayra urunacat sipansa juc'ampi asquinwa sarnakjjapjjaraquïta. Ucapachaw yatipjjäta nayajj Tatitütajja.

Ezequiel 36:35

Ucatsti sapjjaraquiniwa: ‘Aca orakejj wasararu tucuyatänwa, ucampis jichhajj Edén huertöcaspas uqhamäjjewa; cawquïri marcanacatejj t'unjatäpcäna ucanacasti, uqhamaraqui cawquïri marcanacatejj ninampi naqhayatäpcän ucanacasa, jichhajj wali suma marcanacäjjapjjewa, suma wasitata sayt'ayatäjjapjjaraquiwa, walja jakenacanëjjapjjaraquiwa,’ sasa.

Joel 2:3

Take cun tucuntir ninjamawa, janïr purincasasa, uqhamarac khepatsa naqhantascaquiwa. Aca orakejj, janïra jupanacajj purincän ucqhajja mä paraisjamänwa, sarjjapjjatapatsti ch'usa wasaraquëjjewa. ¡Janiraquiw cunas khespquiti!

1 Pedro 1:8

Jumanacajj jan uñjapcsta ucasa, Jesucristorojj munapjjtawa, uqhama jan uñjcasasa iyawsapjjaractawa, waliraqui cusisipjjtajja. Uca jach'a cusisiñanacamasti janiw arunacampi arsuñjamäquiti,