2 Corintios 7:13 - Qullan Arunaca

¹³ Ucatwa nanacajj chuymachat jicjjatasipjjta. Uca cusisiñ catokcasinsa, Titojj jumanacat wali cusisitap uñjasaw nanacajj juc'ampjja cusisipjjta. Take jumanacaw juparojj wal yanapt'apjjatätajja, jan cunatsa llaquisiyasa.

Aymar Bibliia 1986

¹³ Ucatwa nanacajj chuymachat jicjjatasipjjta. Uca cusisiñ catokcasinsa, Titojj jumanacat wali cusisitap uñjasaw nanacajj juc'ampjja cusisipjjta. Take jumanacaw juparojj wal yanapt'apjjatätajja, jan cunatsa llaquisiyasa.

Qullan Arunaka DC

¹³ Ukat nanakax chuymachat jikxatasipxta. Titox wali kusisitawa, taqi jumanakaw machaq ch'amañch'äwi juparux churapxtaxa. Ukasti nanakarux juk'amp kusisiyapxitu.

2 Corintios 7:13 Jak'a apnaqawi uñst'ayäwi

Romanos 12:15

Cusisipjjaraquim qhitinacatejj cusisitäqui ucanacampejja, jachapjjaraquim jachirinacampejja.

Romanos 15:32

Diosan munañapächi ucajj nayajj cusisita jumanacan ucaru puriñajjataqui, ucat sumancañajj jumanacanjj utjañapataqui.

1 Corintios 12:26

Cuerposan mayawjatejj t'akheschi ucqhajj takpacharaquiw t'akhesi, mayawjatejj suma yäkatächejja, takpacharaquiw cusisipjje.

1 Corintios 16:13

Suyapjjapunim, iyawsañanacamansti ch'aman sayt'apjjam, chachjama sarnakapjjam, ch'amañchasipjjaraquim.

1 Corintios 16:18

Ajayu tokenjja wal yanapt'anipjjetu, jumanacarus uqhamaraqui. Uca casta jilatanacataquejj chuymanïñawa.

2 Corintios 2:13

Ucampis chuymajjajj wali llaquitänwa Tito jilatasajj jan ucancatap laycu. Ucatwa jupanacatjja: “Sarjjaquï” sas jutjjtjja, ucatsti Macedonia tokenacaruw sarjjaractjja.

2 Corintios 2:3

Ucatwa uqham kellkanipjjsma cunjämtï lurcta uqhama. Janiraquiw nayajj jumanacan llaquisiyatäñataqui sarañ muncäyätti. Ucat sipan jumanacajj nayarojj cusisiyapjjañamawa. Yatiraquiyätwa nayan cusisiñajjat jumanacajj cusisipjjañanacamjja.

2 Corintios 7:14

Uqhamatwa jan nayajj mä p'enka uñjascti cunapachatï Titorojj jumanacatjj: “Wal cusista” siscäyät uca toketjja. Take cuntï jumanacar sapcäyäsma ucajj chekäscapuniwa. Uqhamaraquiw Titorojj cuntï jumanacat sapcäyät ucajj cheka uñstawayi, jumanacat cusisipjjatanacajjajja.

2 Corintios 7:15

Jupansti jumanacataquejj juc'ampi munasiñapaw utji take asquinac mayitaparjama lurapjjatam amtasisajja, uqhamarac cunjämtï llamp'u ajjsarañ chuymampirac catokapjjatät ucatsa.

2 Corintios 7:6

Ucampis ch'ama thayjtatanacaru ch'amañchir Diosajj Titon purinitapampiw ch'amañchapjjetu.

Filipenses 2:28

Ucatwa nayajj juc'ampi jumanacan ucarojj qhitaniña munta, jumanacajj wasitat jupar uñjasina wal cusisipjjañamataqui, ucat nayan jan llaquisiscañajjataqui.

2 Timoteo 1:16

Tatitojj qhuyapayaspan Onesíforon familiapatjja, jupasti walja cutiw samarañ churitu, janiraquiw p'enkasquiti nayan presötajjata.

Filemón 1:20

Jïsa jilata, acanay qhuyapt'ayita, Tatitunquir jilatjamajja, chuymajjsti cusisiyaraquïtawa.

Filemón 1:7

Uqhamasti jilata, wali cusisitätwa, ch'amañcht'ataraquïtwa, juman munasiñama utjatapata, uqhamarac juma toke chuymacht'atächi iyawsirinacan chuymapajj uca laycu.

1 Pedro 3:8

Uqhamasti jumanacajj suman sarnakapjjam, qhuyapayasipjjaraquim jumanaccamajja jilapurjama munasisa, llamp'u chuymanïpjjaraquim.