1 Corintios 4:4 - Qullan Arunaca

Chuymajjanjja janiw cunas nayar juchañchirejj utjcaraquiti, ucampis ucajj janiw sañ munquiti nayan jan juchanïtajj-jja. Tatituwa juc'ampis nayar juchañchañataquis jan juchañchañataquis utjejja.

Aymar Bibliia 1986

Chuymajjanjja janiw cunas nayar juchañchirejj utjcaraquiti, ucampis ucajj janiw sañ munquiti nayan jan juchanïtajj-jja. Tatituwa juc'ampis nayar juchañchañataquis jan juchañchañataquis utjejja.

Qullan Arunaka DC

Chuymaxan janiw kunas nayar juchañchirix utjkiti, ukax janiw sañ munkiti nayan jan juchanïtaxa. Khititix taripkitani ukax Tatituwa.

1 Corintios 4:4 Jak'a apnaqawi uñst'ayäwi

Job 15:14

Janiw mayni asqui jakes utjquiti, jan juchani jakesa janiw utjcaraquiti.

Job 25:4

¿Mä jakesti asquïspati, uqhamaraqui k'omäspati Diosan nayrakatapanjja?

Job 27:6

Nayan chekapätajjsti arsusiscaquipunïwa, janiw cunata ajjsarañajjas utjquituti.

Job 9:20

Nayajj kawkha jan juchanïquiristsa, jupasti nayarojj juchanitacpunwa mistuyasquitaspajja.

Salmos 130:3

Dios Tatay, jumatejj takpach juchanac amjjäsiscaquismajja, ¿qhitirac nayrakataman sayt'aspasti?

Salmos 143:2

Janiquiy uywatamarojj juchañchamti, nayrakatamanjja janiw qhitis asquïquiti.

Salmos 19:12

¿Qhitirac pantasitanacap yatisti? Tatay, imantat juchanacajjat k'omachjjeta,

Salmos 26:12

Cayojjajj ch'ollkhe orakjjar suma tact'atawa, ¡Tatiturojj kollan marcap taypin jach'añchä!

Salmos 50:6

Alajjpachasti Diosan asqui cancañap yatiyi, pachpa Diosaw taripirit sayt'i.

Proverbios 21:2

Jaketaquejj walicjamaquiwa take luratanacapajja, ucampis Tatitojj yatiwa jakenacan amtäwinacapjja.

Proverbios 29:26

Waljaniw jilïrin chekapar uñjañapa thakapjje, ucampis Tatituquiwa chekapar uñjirejja.

Juan 21:17

Quimsïri cutinjja jisct'äscaquïnwa: —Simón, Jonasan yokapa, ¿munistati? —sasa. Pedrojj llacthapisïnwa quimsa cuti: “Munistati” sas jisct'atapata. Jupasti sänwa: —Tata, jumaw take cuns yatta. Jumaw yatta nayajj jumaru munatajj-jja —sasa. Jesusasti sänwa: —Uqhamajj ovejanacajj awatim.

Hechos 23:1

Pablojj uca jach'a jilïrinacar uñcatasinjja sänwa: —Jilatanaca, jichhürcamajj nayajj k'oma chuymampiw jacasiwayta Dios nayrakatanjja —sasa.

Romanos 2:13

Diosan nayrakatapanjja janiw asquïquiti uca ley alek ist'irinacaquejja jan ucasti uca leyirjam phokherinacaw asquejja.

Romanos 4:2

Abrahamatejj Dios nayrakatan sumaru apsutäsapän luratanacap toke ucajja, inas jach'achasiñapajj utjchisapäna, ucampis janiw Diosan nayrakatapanjja.

1 Corintios 4:3

Nayajj janiw cuns ajjsarcti, cunsay jumanacajj nayjjat parlapjjam, jan ucajj cunsay mä tribunalajja nayjjat sispan ucjja. Janiw nayapachas juchañchascti.

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

2 Corintios 5:10

Criston tribunalap nayrakatarusti takeniw uñstañäni, sapakat maynis catokañapataqui cunatejj wact'qui uca, walsa jan walsa jacäwipanjja lurataparjama.