Proverbios 21:2 - Qullan Arunaca

² Jaketaquejj walicjamaquiwa take luratanacapajja, ucampis Tatitojj yatiwa jakenacan amtäwinacapjja.

Aymar Bibliia 1986

² Jaketaquejj walicjamaquiwa take luratanacapajja, ucampis Tatitojj yatiwa jakenacan amtäwinacapjja.

Qullan Arunaka DC

² Jaqitakix taqi luratanakapax walikjamakiwa, ukampis Tatituw chuymanakan amtäwinakap yati.

Proverbios 21:2 Jak'a apnaqawi uñst'ayäwi

Job 31:6

¡Diosasti chekpacha balanzapampi pest'araquitpan, uqhamatwa nayan chekapätajja yatiraquini!

Salmos 36:2

Jupajj aytat jakëcaspas uqhamaw amuyasi, janiw ñankha luratapan uñiscayätap amuyquiti.

Proverbios 12:15

Jan amuyt'an jakejj amuyasiwa take cunansa walicjama lurascatapa, ucampis yatiñan jakejja suma ewjja arunacarojja ist'iwa.

Proverbios 16:2

Jaketaquejj cunanac luratapasa walicjamaquiwa, ucampis Tatitojj yatiwa amtäwinacapajj waliti jan ucajj janicha ucjja.

Proverbios 16:25

Jaken amuyatapatjja sarnakäwinacapajj walicjamaquiwa, ucampis tucuyapajj jiwañaquiwa.

Proverbios 17:3

Korisa, kollkesa ninamp yant'atawa; jaken amtatanacapsti Tatituw yant'araqui.

Proverbios 20:6

Walja jakenacawa sapjje: “Suma asqui jakëtwa” sasa, ucampis janiw qhitis asqui jakejj utjquiti.

Proverbios 24:12

Jumajj sascamsa: “Janiw cunsa yatcäyätti” sasa, ucampis Tatitojj chuymamjja uñt'iwa, yatiraquiwa cunjämattejj khespiyascasamäna ucsa. Tatituwa sapa mayni jakenacarusa luratapatjama churi.

Proverbios 30:12

Yakhep jakenacajj amuyasipjjewa k'omäpcaspasa uqhama, ucampis janiw juchanacapatjja k'omachasipquiti.

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Daniel (hebreo) 5:27

TEKEL, ucasti sañ munaraqui: Balanzaru pest'atätawa, ucatsti juc'aquiw pesaractajja.

Lucas 16:15

Jesusasti jupanacarojj saraquïnwa: “Jumanacasti jakenac nayrakatanjja asquit uñt'ayasipjjtajja, ucampis Diosajj chuymanacamjja sumwa uñt'apjjtamjja. Cunatejj jakenacataqui asquïqui ucajj Diosataquejj janiw walïquiti.

Gálatas 6:3

Maynitejj jach'ar tucuñ munchejja, ucat janirac cunäcchisa ucajja, jupa pachpawa sallkjasi.

Santiago 1:22

Ucampis cuntejj Diosan arunacapajj yatichquistu uc lurapjjaraquim, janiraqui alek isch'uquirinacaquïpjjamti, uqham alek isch'uquisajja jumanacpachaquiw sallkjasisipcasma.

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.

1 Samuel 16:7

Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”